Nov 17, 2016

The Body Shop Down to Earth Eyeshadow Palettes


السلام عليكم و رحمة الله.. 
كيف حالكم؟ 

اليوم بأكتب لكم عن بالتات الظلال الجديدة Down to Earth من ذا بودي شوب اللي نزلت قبل شهرين تقريبا.. هم عبارة عن خمسة بالتات رباعية و بالت كبير بثمان ألوان.. و درجات الألوان في كل البالتات هذي طبيعية و هادية تناسب الجميع.. يعني ما فيها ألوان فاقعة و غريبة.. البالتات فيها ٣ أنواع من الظلال : مطفي - ساتن - شيمر و قليتر.. سعر البالت الرباعي ٨٩ ريال والبالت الكبير ١١٩ ريال.. 


خلوني أوريكم السواتشات أول و بعدين أقول لكم تجربتي معها.. 

Nov 10, 2016

New Products \ First Impressions

السلام عليكم و رحمة الله

في الفترة الأخيرة وصلتني منتجات كثيرة من ماركات مختلفة.. بعضها جديد بالسوق و بعضها جديد علي شخصيا.. و جربتها مدة كافية و كونت عنها انطباع و رأي و راح أشارككم إياه اليوم و يا رب يعجبكم الموضوع و يفيدكم.. الموضوع مفصل تفصييييل ممل.. فلو ما عندكم وقت تقرونه كله الحين ممكن تشوفون المنتج اللي تبونه بس و تكملون قراءة الباقي بعدين :$ و ترى حطيت لكم تقييمي الشخصي من ٥ تحت كل منتج.. يالله بسم الله نبدأ



Oct 15, 2016

Top 10 High-End Products (Collaboration)

السلام عليكم و رحمة الله

اليوم أنا كثييير متحمسة لهالموضوع لأني تعاونت فيه مع مدونات أحبهم كثير و أثق فيهم و أحب أتابعهم بكل مكان و هم: 
أسماء المالكي من مدونة That Red Lip |  هنا
 غادة عبدالله من مدونة GhadaAbdullah09 | هنا
سناء من مدونة La Beautiful Details | هنا 

راح نتكلم عن أفضل ١٠ منتجات غالية جربناها من المحلات الكبيرة مثل سيفورا و دبنهامز و غيرها و نشوف إنها تستحق الاقتناء..

هنا في مدونتي راح أشارككم خياراتي و أتمنى بعد ما تخلصون من موضوعي تروحون تشوفون موضوعات المدونات اللي ذكرتهم فوق و تشوفون خياراتهم و بالتالي تحددون المنتجات اللي تناسبكم أكثر.. 


 شخصيا لقيت صعوبة في تحديد ١٠ منتجات بس!!! لكن خلاصة المنتجات أنا راضية عنها جدا و بتلاحظون إني دايم أنصح فيهم و أتكلم عنهم كثير بالسنوات اللي فاتوا سواء هنا أو على الإنستقرام و السناب..  يالله نبدأ سوا بسم الله:

Oct 1, 2016

Makeup Haul مشتروات مكياجية

السلام عليكم و رحمة الله و بركاته..

كيف حالكم؟ و كيف الدوامات معاكم؟
الله يكتب لنا و لكم التوفيق و البركة في الوقت و الجهد إن شاء الله

في الفترة الماضية سافرت أوروبا و استغليت الفرصة طبعا و اشتريت مكياج و منتجات عناية خخ.. حاولت أشتري أشياء مو متوفرة عندنا و كمان اشتريت أشياء موجوة هنا بس سعرها هناك أرخص بكثييير.. اليوم راح أخصصه للمكياج و الموضوع الجاي للعناية لأن مشتروات العناية ودي أفصل فيها أكثر.. 


نبدأ بسم الله و راح أحاول أذكر لكم الأسعار التقريبية بالريال لأن مو كل شي عندي فاتورته..

Aug 6, 2016

July Favorites | مفضلات يوليو

السلام عليكم و رحمة الله..
كيف حالكم؟ و كيف الإجازة معاكم للحين؟ 


موضوعي اليوم هو مفضلات شهر يوليو.. في الإجازة مو كثير أطلع برا فـ مفضلات المكياج قليل هالشهر و بعضها قد ذكرته في موضوعات المفضلات قبل و ما فيه داعي للتكرار.. بسم الله نبدأ.. تنبيه: موضوعي طويل و مفصل هههههه



أحب أبدأ ببودرة بينفت the Porefessional Agent Zero Shine هي المفروض تنحط ع الوجه عشان تثبت الأساس و تخليه مطفي لكن جربت أثبت فيها الكونسيلر تحت عيني بطريقة الـ baking و أعجبني شكلها و ثباتها فوق الكونسيلر.. هو بس العلبة شوي تقهر لو كانت عادية بدل هالشكل.. لكن هذا ما يمنع إن المنتج نفسه حلو و راح أستمر عليه..

Jun 25, 2016

Makeup Haul (Sephora - the balm - drugstore)


السلام عليكم و رحمة الله.. 
كيف حالكم؟
معليش انشغلت كثير الفترة الماضية مع رمضان و مريت في ظروف شوي صعبة الحمدلله.. و كان المفروض ينزل هالموضوع من زمان لأني مجهزة الصور خلاص بس باقي الكتابة اللي ما لقيت لها وقت.. فأتمنى اليوم يعجبكم الموضوع و تلاقون فيه شي يفيدكم.. و أحب أطلب منكم تدعون لبنت أخوي ربي يشفيها و يشفي مرضى المسلمين.. 



اليوم راح أشارككم مشترياتي الشهور الماضية من أماكن مختلفة و بعضها أونلاين..

May 17, 2016

My Perfume OIls Collection زيوتي العطرية

السلام عليكم 

كيف حالكم؟
و كيف استعداداتكم لرمضان و الإجازة؟


حبيت أكتب لكم عن الزيوت العطرية اللي عندي لأن كثير بنات طلبوها مني على سناب تشات.. بالنسبة لي الزيوت العطرية أستخدمها لشعري و لأماكن النبض و كمان أخلط نقطة منها مع كريمات و زيوت الجسم بعض المرات في المناسبات.. أغلب اللي عندي روائح خفيفة و هادية و إن شاء الله تستفيدون من اختياراتي و يعجبكم الموضوع.. 

May 10, 2016

April Favorites مفضلات أبريل

السلام عليكم و رحمة الله.. 
كيف حالكم؟ 

اليوم راح أكلمكم عن مفضلاتي لشهر أبريل و بداية شهر مايو.. بس قبل أبتدي يا ليت تلقون نظرة على موضوع مفضلاتي السابق هنا.. و لو حابين تقرون عن عنايتي بشعري بالتفصيل ادخلوا هنا.. و سويت موضوع عن أدوات ما أستغني عنها من سنيييين تلاقونه هنا..

بالنسبة لي هالفترة كانت فترة تجارب لمنتجات جديدة و بعضها أعجبني جدا و صار من مفضلاتي.. أغلب الموضوع راح يكون مكياج لأن عنايتي ما اختلفت كثير و تحملوا تراه طويل شوي لأني تكلمت عن كل شي بالتفصيل :$ :$

نبدأ بمكياج العيون :


بالت نيكد سموكي أول ما نزل ما تحمست عليه مرة.. بس كل ما أستخدمه أحبه أكثثثر و أحسه متنوع زي نيكد الأول.. و صرت هالفترة تقريبا ما أستخدم إلا هو.. و يريحني كمان لأن فيه لون whiskey مناسب للحواحب و لون thirteen لتحت الحاجب..  و الفرشة اللي معه بطرفين ممتازة مرة.. 

Apr 15, 2016

The Body Shop Nail Polishes (Review & Swatches)

السلام عليكم و رحمة الله و بركاته..

كيف حالكم جميعا؟

طبعا أغلبكم يعرف حبي لماركة ذا بودي شوب و تعجبني من أيام الصبا و أفرح لما أشوفها تتطور يوم عن يوم و تقدم لنا منتجات حلوة بجودة عالية و متوفرة في كل مكان.. و اليوم حابة أشارككم رايي في مناكيرهم مع سواتشات لها.. 


عندي تقريبا أغلب الألوان لكن صورت لكم مجموعة منها و بعد فترة راح أنزل لكم الباقي بإذن الله.. السواتشات كنت متفقة مع مودل و نسويها سوا لكن ما تيسرت الأمور بيننا.. و نصحتني صديقتي المبدعة  (رامية) بطريقة سواتشات غريبة و مبتكرة و هي اللي بوريكم إياها في هالموضوع.. حطوا ببالكم أنا مو رسامة و كل اللي حاولت أسويه اليوم هو رسوم تعبيرية بسيطة و إن شاء الله تعجبكم.. تحت كل صورة كتبت لكم أسامي الدرجات الموجودة فيها و بنهاية الموضوع بأكتب لكم رايي عن التركيبة و الأسعار..

Mar 17, 2016

Tools I Can't Live Without!


السلام عليكم و رحمة الله.. 
كيف حالكم؟ 

اليوم راح أوريكم أهم الأجهزة و الأدوات اللي ما أستغني عنها أبدا أبدا و استخدمهم من سنييين (غير الجوال و المكيّف طبعا خخ).. ممكن يكون الموضوع طويل شوي لأني كتبت فيه بالتفصيل.. فـ الصبر طيّب و يالله نبدأ:


Mar 10, 2016

Your Snaps (1)

السلام عليكم و رحمة الله و بركاته..
كيف حالكم و كيف مخططاتكم للإجازة؟

قبل فترة نزلت سؤال تفاعلي ع سناب: وش أفضل 5 منتجات تجميلية عندكم؟ 
و الحمدلله وصلني عدد كبير من سناباتكم الحلوة - ربي يسعدكم - و راح أعرض لكم إياها اليوم إن شاء الله عشان الكل يستفيد.. 

(اضغطوا ع الصور تكبر)


Feb 19, 2016

Busy Mamas (Collaboration)

السلام عليكم و رحمة الله
كيف حالكم؟

في الفترة الأخيرة حسيت إني مضغوووطة مرة بعد الأمومة و رجوعي للدوام هذا غير التدوين و التزاماته اللي ما تنتهي.. و مهم بالنسبة لي بصراحة إني أظهر بمظهر مرتب و جميل لأن هذا الشي بينعكس ع نفسيتي و أدائي خلال اليوم.. 

فتعاونت مع البلوقر غدير من : www.ghadeers.com و اليوتوبر بيان من قناة: www.youtube.com/user/bayan2sjj عشان نقدم لكم أفكار تفيدكم كأمهات عاملات أو حتى لو كان وقتك ضيق جدا ومحتاجة نصايح تفيدك و توفر وقتك.. 

غدير بتتكلم عن الموضوع من ناحية الأزياء و المظهر هنا.. و بيان بتشرح لنا كيف نسوي فطور سريع و صحي هنا..  و أنا بأوريكم الموضوع من ناحية المكياج و أدواته.. أتمنى تقرؤون موضوعاتنا و تعجبكم و تطبقونها إن شاء الله..

اليوم بأتكلم عن مكياج يومي ممكن تسوينه بعشر دقايق.. طبعا تركت خطوات كثيرة عشان توفير الوقت.. لكن لو عندك وقت إضافي ممكن تحطين مكياج أكثر حسب ما تحبين..  


أهم خطوة في المكياج بالنسبة لي هي الكونسيلر على الهالات حول العين لأنها تغير اللوك ١٨٠ درجة و تخلصك من آثار التعب و الأرهاق.. كونسيلر ميك أب فور إيفر الجديد هذا ممتاز و مناسبني جدا خصوصا بالنهار لأنه خفيف مو ثقيل فأحتاج منه كمية بسيطة و يتوزع و يندمج بالإصبع في ثواني و مو بس يخفي الهالات!! كمان يعطي تنوير و إضاءة حلوة تحت العين!! هذي الدرجة رقمها Y33

Feb 11, 2016

January Favorites مفضلات يناير


السلام عليكم و رحمة الله

كيف حالكم؟ كيف الأجواء عندكم؟
اليوم راح أكتب لكم عن مفضلاتي في شهر يناير.. راح أبتدي بالعناية و بعدين المكياج و العطور.. الموضوع تكلمت فيه بالتفصيل و بيكون طويل شوي فـ تحملوني خخ :$ 


واقي شمس من ماركة Nature's Gate أخذته من أمريكا و أستخدمه للجسم و الوجه كمان.. مكوناته طبيعية بنسبة كبيرة و الحلو في هالنوع بالذات إنه مقاوم للماء يعني مناسب لجو جدة الحار الرطب.. هذي الماركة تسوي أنواع كثيرة من حماية الشمس و كمان منتجات ثانية للعناية بالجسم و الشعر موجودة في موقع آي هيرب و أمازون و سوبرماركت هول فوودز في أمريكا و كندا.. 

Jan 30, 2016

MAKE UP FOR EVER Ultra HD foundation



السلام عليكم و رحمة الله..
كيف حالكم؟ كيف البرد معاكم؟ 

اليوم بأتكلم عن تجربتي مع أساس ميك أب فور إيفر الجديد ألترا أتش اللي نزل تقريبا في أخر شهرين من ٢٠١٥ و هو تركيبة مطورة و محسنة من أساسهم القديم (اللي قطعوه خلاص من الأسواق).. سعره تقريبا ٢٢٠ ريال و متوفر في سيفورا - وجوه - دبنهامز - بوتيكات ميك أب فور إيفر


Jan 20, 2016

Elysium Brushes + 10% discount code!



 السلام عليكم و رحمة الله و بركاته

قبل فترة وصلتني مجموعة فرش من ماركة إيليزيم عشان أجربها و حبيت اليوم أشارككم انطباعاتي ناحيتهم.. بس في البداية بأعطيكم نبذة بسيطة عن هذي الماركة.. إيليزيم ماركة جديدة في عالم التجميل بدأت في 2014 و كان مصدر إلهامهم نجاح كثير من اليوتوبرز.. و تأثروا بشغفهم و قرروا يدخلون في هالمجال.. و من أبرز الناس الملهمين لهم: مارلينا من ميك أب قيك و الأخوات بكسي وو سامنثا و نيكولا و نيكي تتوريالز.. 
© ●terter thinks● | All rights reserved.
BLOG TEMPLATE HANDCRAFTED BY pipdig