May 24, 2013

get your skin ready for summer : face masks


الإجازة قربت يا جماعة.. و بتكثر المناسبات و العزايم و الطلعات
و اليوم حبيت أتكلم عن قناعين يساعد بشراتكم تكون في أحسن حالاتها

نبدأ بقناع ذا بودي شوب
أزعجتكم فيه و الله هههههههه.. بس اليوم راح أتكلم عنه بالتفصيل
هو مخصص للبشرة الدهنية و المختلطة.. و يسوي ثلاث شغلات :
يقشر - ينظف - ينقي البشرة
طريقته إنه تبللين وجهك بشوي موية و تحطينه و تنتظرين لين ينشف تقريبا
و بعدين ترجعين تبللين وجهك و الماسك عليه و تدلكين شوي يصير مثل المقشر
و غسلي وجهك و خلصتي خخ.. راح تحسين بجفاف مرة بعده
هذا لأنه نظيف الوجه بعممممق و طبيعي هالشعور عادي لا تخافين
حطي مرطب ثقيل أو كريم الليل حقك لأنه ثقيل طبعا و راح يرجع لك الرطوبة
يستخدم مرة في الأسبوع .. عني أنا أستخدمه مرة كل أسبوعين
يحسسني بالنظافة من جد..!!
سعره تقريبا 50 ريال




القناع الثاني...آآآآآآآآآآآآآآآه
يمكن أبالغ كثير لو قلت الحل السحري السريع لخراب البشرة هههههههه
من استخدامي أنا و أختي لاحظت إنه يفيد البشرة العادية و المختلطة و الدهنية
أكثر من الجافة.. و بما إن بشرتي مختلطة.. حبيته كثير

هو منقي للبشرة و يخلصها من السموم..
و يستخدم على وجهك علطول و هو جاف بدون أي موية
و خليه من 10 لين 15 دقيقة أو لين ينشف و غسلي وجهك
لاحظت إن إذا في وجهي حبوب خفيفة تختفي تمام بعده
أو إذا فيه حبوب شوي وضعها مو زين تخف كثير و تنظف و تصغر

غير إني لاحظت وجعي يصفى و فيه حيوية و نضارة علطوا بعد كل استخدام..!!
صرت أحب أستخدمه قبل المناسبات أو إذا كنت مرهقة و سهرانة
لأنه من جد يحدث فرق
أخذته من محل برا المملكة ما أتذكر اسمه
بس لقيت لنفس الماركة موقع ع النت و ممكن تشترونه منه
http://www.elementalherbology.com/estore/face/masks-and-treatments/facial-detox
و هالماركة جربت منها كريم بعد راح أحكي لكم عنه في التجارب قريب إن شاء الله

إن شاء الله يكون هالبوست فادكم.. و أشوفكم قريب إن شاء الله
دعواتكم و لا تنسون تشاركون مدونتي مع أهلكم و صحباتكم..
و تتابعوني ع المواقع الاجتماعية
تويتر @TaRaNeeM
انستقرام @terter_thinks


peace

()

May 19, 2013

MUA power pout and Sleek pout paint

مرحبا

كثير طلبوا مني أسوي ريفيو عن مشتروات سوبردرق..
و قاعدة أجرب منهم و أختبرهم عشان أعطيكم رأيي الحقيقي عنهم

اليوم قررت أبتدي بمنتجات الشفايف لأني جربتها كم مرة
و عرفت مفعول كل شي منها..
 
أول شي نتكلم عن البور باوت Power Pout
 

هي عبارة عن منتج مزيج بين المرطب و القلوس و الـstain اللي هو يصبغ الشفايف بشكل خفيف
الألوان  اللي عندي أحمر ناعم و اسمه crazy in love
و نود اسمه rendezvous.. سعر الواحد منهم بالريال 18 ريال
و كمية المنتج كبيرة و راح تدوم معاكم..
المنتج ريحته نعناع منعشة و قوامه كريمي جدا..
ممكن طبقة وحدة إذا تبون لون خفيف.. أو تكثرون الطبقات عشان يغمق اللون
بس عموما ما يطلع اللون غامق مرة.. يعني ماهو روج يا جماعة خخ
إذا خف المنتج يبقى شوي منه مثل الصبغ ع الشفايف .. و هذا عاجبني فيه
و ترطيبه ممتاز حقيقة..
 
 

و ما يحتاج براية لأنه من النوع اللي ينبرم على فوق..


اللون الأحمر ع الشفايف شوي يبان مايل ع وردي أو فوشي
يصلح للي ما يحبون الأحمر الصارخ أو الألوان القوية..
و النود يبان مايل ع وردي شوي .. أختي تكره النود مرة
و يوم جربت هذا غيرت رأيها تماما..!!
و وقعت في الغرام و راح تشتري مثله خخ
 
 

فيه منه كذا لون شوفوها هنا


 
ثاني شي راح أتكلم عن الباوت بينت Pout Paint.. من ماركة سليك sleek
 
 

هذي عبارة عن روج سايل مرررركز.. في علبة مثل القلوس
مشابه للي ينباع في ماركة OCC اللي اسمه لب تار lip tar
سعره تقريبا بالريال 40 ريال
كمية اللون جددددددا مركزة يعني ما رح تحتاجين إلا قطرة بسيطة

 

شوفوا هنا الكمية :
 


و هنا السواتش بعد ما مديت اللون :
 
 
اللون الأحمر أحمر صدقي خخ.. ماهو مايل لأي لون ثاني.. و ثابت
حطيته أمس و قعد لين نهاية الدوام..
اللون الثاني توقعته نود ع مشمشي بس طلع مرررررة فااااااتتتح
بشكل صعب أحطه لحاله بصراحة..!! لكن دبرته هههه
حطيته و حطيت فوقه قلوساتي الغامقة و صار مرة جميل
و يصلح بلشر كمان

هو مو سيء..!! بس لونه ما ناسبني.. ممكن لو بشرتك فااااتحة يطلع عليك يهبل
 
و الحلو إنه ممكن تخلطينهم سواء و تطلعين كمان ألوان أكثر
فيه منهم كذا لون شوفوها
هنا
 
 
الظلال و البالت عطوني فرصة أسبوع كمان عشان أعطيكم رأيي الحقيقي فيهم..

و الله يوفق كل الطلبة و الطالبات في اختباراتهم.. و يبارك في وقتهم و جهدهم و علمهم
و يسهل عليهم هالفترة و يفرحهم بالدرجات الكاملة و النجاح الباهر
 
 
peace
 
 
 

May 14, 2013

Superdrug Haul

 
السلام عليكم..

اليوم أنا مررررررة متحمسة .. صديقتي ابتهال راجعة من بريطانيا
و طلبت منها تشتري لي أشياء من هناك.. و لما كنت أفكر وش كان نفسي فيه..
أول 3 ماركات جت في بالي sleek و MUA و COllection
لأنهم ماركات بريطانية بحتة و ما فيه منها في العالم كله إلا أونلاين حسب علمي و بعضها ما يشحن للسعودية

و غير إن سليك بالذات التاجرات وصلوا أسعارها لشي يخليك تحسين إنك شارية توم فورد من غلاها..!!!

فاخترت كثير أشياء و حطيت لنفسي ميزانية 500 ريال بس.. >> بس !!! هههههه
المهم راحت بيتو لسوبر درق و بووتس..و ما لقت كل شي كتبته لها.. لقت أغلبه و جابته لي الله يسعدها و يخلي لها ولدها
مجموع الأغراض 12 قطعة و سعرها بالتمام 252 ريال.. نص الميزانية الأصلية الحمدلله >> تربت ع ظهرها بفخر خخ
 
 
نبدأ بماركة سليك
 
كان نفسي كثيييييييير في بالتات البلشرات .. سعرهم حلو مرة تقريبا بـ 70 ريال و ألوانهم أحلى..
طلبت منها بالتين و لقت واحد بس اللي هو الوردي و الموف و العنابي..
ألوانه مخيفة بس باستخدام ناعم تطلع جميلة و كمان كظلال تطلع توووححفاااة..
و بصراحة ما عندي بلشرات هالألوان و قلت أجربهم
كان نفسي في بالت ظلال اسمه سن سيت.. ألوانه طبيعية و معاهم عودي و برتقالي و تركواز .. جدا جميلة بس ما لقتها :(
إذا أي أحد راجع من بريطانيا قريب و يقدر يجيبه لي و أحاسبه يراسلني ع البريد حقي الموجود فوق اليمين
المهم و كنت مخططة على منتج اسمه باوت بينت pout paint
حسب ما قريت في الريفيوهات إنه يضاهي في قوته و جماله اللب تار حق أو سي سي OCC lip tar
بس أرخص منهم..فاخترت 3 ألوان و لقت منهم 2و جابتهم..
متحمسة كثير لهم و الله و بشوف لو دمجتهم كمان وش بيطلع لي من ألوان
سعر الواحد بالريال تقريبا 40
 
 
 
نجي لماركة إم يو آي

هالماركة يقولون عنها البريطانين مثل إيلف.. رخص بالسعر و جودة رائعة..
و كثيييييييييير ناس تمدح بالت اسمه earth and heaven و إنه مقارب لبالتات إربكن ديكي نيكد 1 و 2
فيه 12 و سعره حسب ما أذكر ما يتعدا 40 ريال.. لسا ما جربته للحين..  فيه بالت ثاني حلو بس ما شريته لأني أحس ما رح أستخدمه كثر ذا
و اسمه undress me too ممكن تشوفونه في النت لو عجبكم..
و معروفة هالماركة بالظلال المفردة.. كنت بأختار ألوان طبيعية بس أحس عندي كفاية منها.. اخترت كم لون غريبين و مميزين
و لقت لي ابتهال منهم لونين بس.. و جابتهم.. متحمسة كثير أجربهم خصوصا البنفسجي.. سعر الواحد 6 ريال سعودي..!!!!!!!
 
 
و طلبت بلشر لأني ما أكتفي من البلشرات ههههههه.. سعره 6 ريال برضو..
و شفت بودرة الإضاءة هذي ذكرتني باللي في كوليكشنات ماك.. بس لأني ما أشتري من ماك قلت أجرب هذي
خصوصا إن كثير ريفيوهات تقول إنها نفس الجودة بس بسعر أرخص.. 3 باوند بس يعني 18 ريال..!! يا رب تديم الرخص هههههه
 
 
لما كنت أتفرج في موقعهم لقيت منتج يشابه أقلام ريفلون و تارت و كلينيك.. بس أرخص طبعا..!! قررت أجرب لون نود و لون عودي
أسعارهم رخاص مرة بس ما أذكر بكم حقيقة..
 
 
 
نجي لماركة كوليكشن
أخذت كونسيلر أشوف البكسي وو ع اليوتيوب و فلير يستخدمونه و يمدحونه.. جابت لي إياه لون فاتح شوي علي
بس راح أجربه و إذا ما نفع لونه للهالات (و هذا اللي أنا متوقعته) راح أدمجه مع مرطب و أخليه مثل الأساس الخفيف..
 
و أخيرا كان نفسي في مسكرة زرقاء ما تكون غالية لأني مو كثير أستخدمها .. و قلت لابتهال جيبي لي أرخص شي موجود و جابت لي هذي.. جاري تجربتها
و سعرها على ما أظن 10 أو 12 ريال..
 
 
كل  اللي فوق للحين ما لمسته و لا استخدمته ..جديييييييييد..
إذا حابين ريفيو عن أي منتج شفتوه خبروني ع تويتر أو ع الإيميل أو في الآسك أو على أي صورة تعجبكم في الانستقرام!





يالله خلوني أتمتع فيها الحين دامني خلاص تطمنت ع الصور و الريفيو..

سلام :$
 
 
 
 
 
 
 
 
 
 
 
 

May 12, 2013

MUFE pro finish multi-use powder foundation

 
 
 
اليوم راح أحكي لكم عن بودرة ميك أب فور إيفر الجديدة اللي اسمها برو فينيش
هي عبارة عن أساس بودرة يعني فيه تغطية جيدة
و هالمنتج هو حصيلة 6 سنوات من الشغل و منها 25 درجة لون
من مميزاتها إنه ممكن تسوينها كذا طبقة لتغطية أقوى.. و خفيفة مو ثقيلة ع الوجه
و إنها خالية من التالك بنسبة 45% و من مكوناتها أشياء تمنع جفاف البشرة
تستخدم مبللة إذا تبون تغطية طبيعية و خفيفة
و تستخدم جافة إذا تبون تغطية كاملة و لوك مطفي
و هنا صورة من بروشور الدعاية:
 

 
هذا اللي قبل كله كلامهم هم في ميك أب فور إيفر.. نجي لتجربتي مع المنتج
أنا ما اشتريته بصراحة.. بس أخذت 3 عينات كل وحدة فيها 4 ألوان من البودرة
و قعدت فترة أستخدمها بكل شكل قالوا عليه عشان أشوف كل النتايج المحتملة
و قبل أعرض تجربتي أحب أقول لكم أنا بشرتي مختلطة يعني الجبهة و الأنف و الذقن دهنية و الباقي عادي
و لوني تقريبا nc25 أو بروجوا هيلثي مكس 53 أو ريفلون فوتوريدي 004 نود

أول شي توقعت ميك أب فور إيفر تشتغل عليها أسرع من كذا .. ما أظن ماركة كبيرة زيها معاملها ما تخلص بسرعة و لا عندها كوادر تنجز العمل في وقت أقصر..!!
أو ممكن جملة "6 سنوات" تسويقية.. يعني يا ناس تراها أخطر شيء في الدنيا و خذت مننا وقت خخ..
بخصوص الدرجات الأربع اللي جربتهم ..كلهم نفس الشي ما فيه فرق إلا بسيط و ما يكاد يلاحظ
يعني 110 و 113 و 115 و 117 تعطي نفس النتيجة تقريبا أو لبشرتي ع الأقل
فاللي بشرتها مثلي تاخذ أي واحد من هالأربعة ..
أو تكون في السليم و تاخذ رقم 113 أو 115
نجي للإستخدام الرطب.. حقيقة ما لاحظت إنه خفيف زي ما يقولون.. يعني ممكن وسط إلى تغطية كاملة
حسيته حلو في البداية .. بس بعد كم ساعة يبدأ يكتل و خصوصا حول الشفايف و الأنف!!
مرة ما حبيت اللوك بصراحة..!! و قررت ما أستخدمها رطبة
جربت الاستخدام الجاف و عجبتني و الله.. بس ما استخدمت منها كثير..
بس شوي و بفرشة منفوشة
يعني عشان تعطي توحيد نوعا ما و تصفي بشرتي..
ما استخدمت كمية كبيرة منها خفت تتكتل..

الخلاصة :
عجبتني كبودرة باستخدام جاف كتثبيت للأساس أو يومية لحالها..
خفيفة و بسيطة لكن ما حبيتها أبد رطبة..
و هذي صور للعينة اللي عندي قبل و بعد خخ
 
 

إن شاء الله يكون الريفيو عجبكم و أشوفكم وقت ثاني
peace
()