May 19, 2014

IMATS part 2 : haul :D

مرحبا Helloooo
شكرا ع تفاعلكم في الجزء الأول من سلسلة الأيماتس
و اليوم نبدأ الجزء الثاني و هي المشتروات..
صعب أحط كل شي شريته من هناك في هالموضوع..
فقررت أختار لكم الأشياء المميزة و المختلفة
و البقية راح تشوفونها في الإنستقرام بين فترة و الثانية
أو في تقارير أو مفضلات..
 يالله بييينااا خخ
Today in part 2, I'll share with you what I bought from
 IMATS New York. I thought I would show you the
most ineresting things here and you will see
the rest in upcoming reviews and monthly favorites
or on my instagram . So here we go
نبدأ بماركة نيكد كوزمتكس Naked Cosmetics
هي ماركة تبيع ظلال منثورة (بيقمنت) في مجموعات
كل مجموعة من 6 ألوان.. سعر المجموعة 60 دولار
و في الآيماتس المجموعة بـ 30 دولار (نص السعر)
و إذا أخذتي إثنين يصيرون سوا بـ 50 دولار!!
اخترت هالمجموعتين.. الأولى بني و وردي و اسمها Naturally Nude
و الثانية ألوانها فواقع عشان أبي أسويها آيلاينر و اسمها Shock Effect
و زي ما تشوفون تقدرين تخلين كل علبة لحالها أو تركبينها فوق بعض
I got two pigment stacks from Naked Cosmetics
It is originally 60$ per stack but at IMATS
you get the stack for 30$, and you get two for 50$ in
total. Couldn't resist
من ركن مورف Morphe اخترت مجموعة فرش و من ضمنهم
فرشة الكونتور هذي.. ناسية بكم أخذتها بس أتذكر كانت أرخص من 10 دولار
و تعتبر البديل الأرخص لفرشة إيتا من نارس..
I got some brushes from Morphe and this is one of
them. It is the affordable dupe for Nars Ita brush. I'm
sorry I don't remember the price but it was under 10$
at IMATS


و من مورف برضو اشتريت هذي الظلال اللي تنحط في بالت
نفس مقاس ظلال ماك و كوستال سنتس.. و سعر الواحد دولارين بس!
اخترت هالألوان و يا ليتني خذيت أكثر خخ
Also from Morphe , I got these eyeshadows
for 2$ EACH!!! I chose these colors and I wish
I bought more lol


و من إنجلوت اشتريت مجموعة أشياء من ضمنها بلشر مطفي
وردي مايل ع الموف رقمه 55.. مررررة حلووو
و أخذت هذا البقمنت الفوشي الفااااقققعععع أبي أسويه آيلاينر :$
و رقمه 114
From INGLOT, I bought lots of stuff. I got this
beautiful matte, cool-toned pink blush (no.55) and a
CRAZY BRIGHT NEON fuchsia pigment
that I plan to use as an eyeliner (no.114)


تذكرون الماركة اللي قلت لكم عرفتها هناك؟ تات تو يو Tat2U
اشتريت منها هالقلم و هو تاتو للجسم و ينفع آيلاينر للعين
و فيه تقريبا 10 ألوان.. بس أخذت الأسود و سعره 10 دولار
و لقيت عندهم ظل كريمي بيج مطفي... مكتوب عليه
إنه بيس color base بس مدري ها لازم تحته برايمر و لا لا
أجربه و أقول لكم.. سعره 10 دولار برضو
I came across this brand Tat2U that I've never heard
 of. I got this black tattoo pen that can be used for
your body and your eyes. It costs 10$. I also
got this cream eyeshadow base for 10$ as well


وحدة لطيفة تشتغل في ركن ألكون Alcone أعطتني عينة
من بخاخ البرايمر حق سكيندانيفيا الجديد!! متحمسة له
و من ركن ماركة بيوتي سو كلين Beauty So Clean اشتريت
بخاخ معقم للمكياج البودرة زي الظلال و البلشرات و البودرات
ينفع لو أنت خبيرة تجميل و تستخدمين مكياجك ع أكثر من بنت
العلبة الصغيرة زي حقتي بـ 10 دولار
A nice lady at Alcone booth gave me
this primer spray sample from SKINDINAVIA
and can't wait to try it
I bough this sanitizer mist for your make up
from Beauty So Clean booth. you use it for
pressed eyeshadows ,blushes , and powders. It
costs 10$


و مريت ع ركن ماركة جيسيز قيرل و اشتريت منهم
مناكير الجميلة جولي جي.. كان عندهم عرض 3 بـ 10 دولار
و اخترت هذي الألوان و الأسماء بنفس ترتيب الصورة
Bikini - Fairytale - White Orchid
I went to Jesse's Girl Booth and bought
Julie G nail polishes (3 for 10$) and here are
the colors I picked : Bikini - Fairytale - White Orchid




و آخر شغلات حابة أوريكم إياها هي بلشرات مطفية من ماركة
سيتي كولر City Color اخترت هذي الألوان و متحسفة إني
ما شريت اللون البرونز منها بعد.. سعر الواحد 3 دولار بس
و حجمها كبييير!!
Last but not least, I want to show you these
HUGE matte blushes from City Color. I am
kicking myself now that I didn't get the bronze
one :( . They are 3$ each and ther are
AWESOME





و بكذا خلصت الجزء الثاني.. و الجزء الثالث عن نصائحي في
حالة رحتوا الأيماتس المرات الجاية :)

That's the end of part 2. The next post
will be about my tips and advice if you are
planning to go to IMATS in the future
:)


PEACE

May 14, 2014

IMATS part 1 : experience :)

السلام عليكم و رحمة الله و بركاته
و أخييييرا تحقق حلمي في حضور الأيماتس..!!
ما توقعت و لا بعد مليون سنة تكون الظروف في صفي و أروح
و الحمدلله من فضل ربي تيسرت الأمور و سافرت قبل الآيماتس بيومين







للتوضيح الأيماتس هو إختصار لـ Intrnational Makeup Artist Trade Show
و تتجمع في ماركات مكياج و عناية و تبيع منتجاتها بخصومات
تترواح بين 10 إلى 60 في المية
و فيه دروس مكياج و لقاءات مع خبراء التجميل
و المشاهير في اليوتيوب و النت عموما
و يعرضون كمان مكياج السينما و يسوون مسابقات في المكياج و كذا


ينتقل هالمعرض في العالم ست مرات في أوقات مختلفة من السنة  في لندن
و فانكوفر و تورينتو و سيدني و لوس أنجلوس (اللي كان شهر يناير)
و نيويورك (أبريل).. و غالبا الأيماتس يكون على 3 أيام في كل مدينة
الجمعة للي معاهم رخص تجميل أو بطاقات محترفين
و السبت و الأحد لعامة الناس
كل يوم له تذكرة دخول.. اليوم بـ 55 دولار يعني تقريبا 200 ريال
بالنسبة لي حضرت يوم السبت بس

و لأن فيه كثير أشياء أبي أقولها لكم راح أخليه سلسلة أيماتس من 3 موضوعات
1- تجربي (هذا الموضوع)
2- مشترواتي
3- نصايح
مممم الصور اللي صورتها في الأيماتس كانت بالجوال للأسف
و أعتذر عن رداءة الصور :$ :$.. بسم الله :
صليت الفجر و طلعت من البيت و كأنه شعور العيد ع قولة أختي خخ
كنت أبي أشتري قهوة و أروق عليها قبل أروح بس كانت الزحمة أكبر همي 
قلت بلاش خلاص أروح هناك علطول ههههههههه..
و يوم وصلت تقريبا ع 8 إلا ربع.. لقيت طابور طويييل و نص!!
و بعد ربع ساعة صارت أربع طوابير طوييييلة و شوي!!
يالله الحمدلله إني كنت في الطابور الثاني خخ
بس التنظيم ممتاز و دخلنا بترتيب و لبسونا الأسورة حقت الأيماتس *وجه يدمع*
و أعطونا كيس الآيماتس المشهور اللي نحط فيه مشترواتنا من أركان الماركات

و بدأت التسوق.. كانت الأركان حلوة و ما فيه زحمة مرة لأني جيت مبكر
بدأت بـ OCC بس احترت و ما اشتريت شي. بس بصراحة الحين متحفسة
كنت أبي كم لب تار من هناك و تخيلوا سعر الواحد صار 10 دولار
يعني أربعين ريال..!! بس ترددت في الألوان و تركتها.. يالله مو مشكلة

و رحت بعده لميك أب فور إيفر و بصراحة ما لقيت ذاك الخصم و تركته
و لفيت كم ركن تفرجت فيها و كذا..
المهم خلوني أقول لكم الأركان اللي اشتريت منها و عجبتني خصوماتها :
فيه أركان جددددا زحمة و الطابور فيها طويل مرة و مأساوي و الله
و قررت ألغيها من برنامجي و هم


Sigma

Lime Crime

Sugarpill

و اللي ريحني شوي إن "لايم كرايم" ما جابوا مناكيرهم اللي كنت أبيها
و خصوماتهم مو على كل شي زي باقي الأركان..
و "سيقما" وزوعوا ع الجميع عينات و فرش مجانية و كانت من ضمن الفرش
فرشة الكحل اللي كنت أبي أشتريها..
يعني خلاص وش أبي في هالطابور المرعب خخ

هذي صور لبعض الأركان في الآيماتس :








طبعا لقيت بنات أتابعهم من اليوتيوب و تكلمت معاهم و عطيتهم بطاقتي
و بعضهم ذكروني في فيديوهاتهم.. و هذي صورهم و تحتها قنواتهم ع اليوتيوب:



من كثر خوفي من الزحمة كنت حاطة ببالي إن كل ركن راح أوقف فيه ساعة
و قلت بخاطري ما رح أحضر دروس إلا إذا خلصت من قائمتي..
اللي يضحّك في الموضوع إني الساعة 11 بالتمام قد مريت ع كل الأركان اللي

 في قائمتي و خلصت مشترواتي كلها..
هههههه و ما بقى معاي فلوس كثير حقيقة :")

جلست في درس من الدروس و كان عن مكياج البنات السمر.. جميل و الله
و بعد ما انتهى فكرت أتفرج في المعرض من جديد
و فجججججأأأأأأأأة.. شفت نكس.. و كنت ناسيته بالمرة
و الله أحس قلبي بيوقف ههههه.. ما عاد معاي فلوس كفاية من ميزانيتي
رحت و أنا حزينة.. بس الحمدلله كثير أشياء ع الطبيعة ما أعجبتني
و فيه أشياء حسيتها مو ضرورية و القناعة كنز لا يفنى خخ
 اشتريت منهم 9 أشياء نفسي فيها و خلاص


رجعت أحضر دروس بعد ما فلست تماما خخ.. و بعضها كان عادي بالنسبة لي
بس الدرس اللي أعجبني كثير هو لخبير التجميل كيفن جيمس بينت
كان مسوية لوك أخضر جميل و اللي حبيته أكثر النصايح اللي أعطانا إياها
و فوق هذا دمه خفيييييف مرة انبسطت و استفدت



و هناك بعد كان فيه مسابقة بين طلاب من كذا ماركة مكياج
يرسمون ع عارضات و كذا.. و حضرت تتويج الفايزين
هذي صور بعض العارضات..

 الصورة اللي بالوسط فازوا أصحابها بالمركز الأول



و فيه ركن حاطين فيه الشغلات اللي يستخدمونها في السينما لتغيير شكل الشخصيات



و كانت بعض الماركات جايبة عارضات و عارضين يرسمون عليهم
و صورت لكم بعض الأعمال :










و اللي يبيعون نفسهم مسوين العجايب هههههه .. بس حبيتهم و الله
ع اليمين من ماركة "شوقر بيل" كانت فاضية و صورتها..
 و اليسار من "لايم كرايم"..

كل بنات "لايم كرايم" لابسين هالحلق الكورة يا زينه خخ



بالرغم إني خلصت مبكر بس قعدت أتفرج و أتمشى
و ألعب في المكياج و أسولف مع الناس
لييييين الساعة 4 العصر..!! و ما حسيت بالوقت..

و كان من أحلى أيام حياتي و الله
مدري تصير لي فرصة أروح مرة ثانية.. بس لو فيه بروح طبببعععا خخ
و بكذا خلص الجزء الأول..


:$

PEACE