Feb 22, 2013

NARS Albatross highlighter

مرحبا..
 
كيف حالكم..؟
 
 
اليوم باتكلم عن هايلايتر مشهور كثييير و هو من نارس.. اسمه ألبتراس albatross
هو من المنتجات الأفضل مبيعا من نارس ( إضافة إلى بلش أورقازم و برونزر لاقونا)
 
لونه سكري - أوف وايت تقريبا مايل ع الذهبي و قليل أصفر..
مناسب لجميع أنواع البشرة.. بس يلائم أكثر البشرات الوسط و السمراء..
لو بوصف تأثيره ع الوجه.. ممم.. كأنه نور الشموع .. هادي و ذهبي
ناعم و خفيف مو صارخ و لممماااع.. و يندمج مع لون البشرة بسرعة
و ممكن يستخدم ظل طبعا.. و أحبه كثير لزاوية العين الداخلية..
سعره حدود الـ 100 و شوي.. شريته من سيفورا قبل يشيلون نارس منها :@
 
أنصحكم تجربونه..
 
نشوف الصور يالله..؟
 
 
 
 
 
طبعا لما تستخدمونه راح تدمجونه أكثر.. ما رح يصير كذا زي السواتش :
 
 
 
و هنا صور لعارضة مستخدمته ع عيونها و خدودها
 
 
 
و هنا بعد :
 
 
 
و هنا ع البطلة تمتاليا :
 
 
 
 
و هنا على تيفاني :
 
 
 
 
 و بس..
 
إذا عندكم أي سؤال تفضلوا هنا : http://ask.fm/terterthinks

و تابعوني ع الإنستقرام : terter_thinks
 
 

Feb 12, 2013

Revlon Lip Butters : LOVE or HATE?


مرحبا.. 

أول ما نزلت ريفلون لب بتر في الأسواق الأجنبية..
كنت متحمسة لعدد من الأسباب بس أهمها إني كثير أحب أرواج ريفلون.. عاد كيف معها ترطيب..
مو ترطيب.. هذي زبدة في أنبوب.. و اللون فيها قووووي مو زي مرطبات الشفايف الملونة
اللي فيها اللون يا دووووب يبان بعد مليون طبقة ..!!
سمعت كثيييييييير مدح.. و رحت أقرا عنهم كثير و أدور سواتشات لها..
و حددت وش الألوان اللي نفسي فيها
يعني..وقعت في الغرام خخ.. و قعدت أنتظر طيفها.. قصدي أنتظر متى تجي السعودية.. XD
و لما كنت مرة برا المملكة لقيتها بس أغلب الألوان اللي في بالي مخلصة.. لقيت واحد بس منها..
و يوم رجعت أرض الوطن بأيام لقيتها نازلة عندنا.. مو كل الألوان بعد :( .. سحقًا..
لقيت لون ثاني من اللي في بالي و شريته..


نجي لتجربتي وياهم.. هالمنتج بالذات الناس يا تحببببببه.. يا تكرهه..!!!
أنا من الفريق اللي يحبه..
 ليش..؟

لأني أحب كثير قوامه ع الشفايف.. مرررررة يرطب يا بنات فعلا.. 
و حبيت لونه و إني أتحكم في درجته إما أخفف أو أزيد..
و لمعته كأني حاطة قلوس.. يعني ثلاثة في واحد.. ترطيب و لون و لمعة
ثباته زي أي روج عادي يعتمد عليك إذا تاكلين و تشربين و هيك..
ممكن يقعد معاك ساعتين أو 3.. و هذا الشي اللي مخلي الناس تكرهه..
مع إني ما أشوف أي مشكلة أبد في إني أعيد عليه..
مدري أنا شخصيا أحب المكياج و أحب أستخدمه كثير..
 ما عندي أي مانع أحطه مرة و ثنتين و ثلاث.. بالعكس أستمتع باستخدامها
و أخيرا سعره حلووو بعد.. حدود ال٤٠ او ٥٠ ريال


طيب أنا عندي لونين..
ع اليمين fig jam و هو بني ع نود.. مرة حلوووو.. بس مو موجود عندنا للأسف..
طبقة وحدة يعطي نود طبيعي.. و إذا كثرتوا يطلع بني غامق ع عودي..
و للبشرات السمراء ممكن يكون درجة نوود رااااائعة

و الثاني اسمه pink truffle هذا موجود و أنصح فيه أي بنت .. لونه قريب من شانيل روج كوكو رقم 05
طبيعي مررررة ماهو فاتح و لا غامق..


و هذي سواتشات لهم :
باختصار إذا أنتم همكم اللون و الثبات أكثر من قوامه ع الشفايف .. ما رح يناسبكم
لأنه مو روج.. مرطب ملون زي ما قلت لكم بس نسبة اللون فيها عالية..
إذا تحبون الشعور الحلو بالترطيب و اللمعة .. راح تعشقونه..
و بس
PEACE
()

Feb 11, 2013

January favorites مفضلات يناير

مرحبا
 
يا رب ما تهاوشوني يا رب..
يا رب ما تقولون تأخرتي علينا يا رب .. خخ..
و الله الأسابيع اللي فاتت كنت مضغوطة بالشغل ضغطططط...!!!!
غير إن معنوياتي مو مرة بصراحة و كثير شغلات كنت مخططة أكتب عنها بس أجلتها ..
و ما علينا.. ما بلاش نتكلم في الماضي >> راحوا الطيبين خخ
 
اليوم راح أتكلم عن المنتجات اللي استخدمتها بكثرة الشهر الماضي..
طبعا في شغلات مفضلة عندي كل الأوقات .. ما ذكرتها هنا..
 
نبدأ بالعناية ..
 
 
 
 
هالشهر رجعت أستخدم واقي و برايمر ميك أب فور إيفر..
يعجبني فيه ثباته و خفته ع البشرة ..و تكلمت عنه بالتفصيل زمان في التمبلر هنا
 
ثاني منتج هو كريم العناية بالبشرة المختلطة و الدهنية بالتفاح من ماركة نوريش سكن..
و كمان تكلمت عنه بالتفصيل في المدونة قبل كذا..
كنت أستخدمه في النهار بس .. الجين صرت أستخدمه قبل ما أنام.. مرتين في اليوم
و عجبني ترطيبه بصراحة و ريحته المنعشة ..
 
مرطب الشفايف الشهير كارميكس.. بصراحة أجرب كثير و أرجع له..
الحلو فيه مفعوله السرييييع..
و فيه شي يخليه ممم.. يعني زي شعور النعناع اللي يجي مع حلاو الحلق
بس اللهم في الشفايف >> عليك شرح..!!!! خخ
يسمونه هالشعور tingling ..
لأني من الناس اللي إذا انضغطت أو توترت أعض شفايفي كثير و تتشقق..
هالشعور مرة يريح و يعالج بسرعة..
 
 
نجي للميك أب ..
 
 
أكثر ظلين استخدمتهم هم من ماركة إنجلوت .. بيج و مشمشي.. كلهم مطفيين
أخلطهم سوا بصراحة لأن الهالات اللي ع جفني بالبيج لوحده تعطيني لوك شوي رمادي بعد كم ساعة..
فأحط بيج ويا مشمشي أخلطهم سوا ع الجفن كله و أحط من البيج لحاله تحت الحاجب مرات..
و جميل اللون كمان لما أخلطهم من خط الرموش للحاجب و أحط لون بني ع الكريس .. توووحفة..!!
المشمشي رقمه MATTE 368  و البيج MATTE 328
 
بعده الكحل البيج المشهور من ماكس فاكتر.. كنت أستخدم حق ماركة أون كثير ..
و الشهر اللي فات رجعت أستخدم هذا لأنه أفتح شوي.. و يعجبني ثباته بعد كذا طبقة ..
 
هالسنة قررت أستخدم قلوساتي الكثيرة اللي أشتريتها و كومتها.. بحكم إني أميل للأرواج لحالها أكثر..
المهم صرت أحاول أحط قلوسات أكثر .. فيه تركيبتين حبيتهم هالشهر..
 
الأولى نود.. و هي عبارة عن روج إيلف فانتزي من اللاين الأساسي بدولار..
مع قلوس ينفخ الشفايف من توو فيسد.. الدرجة اسمها Barely Legal
القلوس هذا جاني ضمن مجموعة شريتها من أسوس قبل سنة و شوي و ابتلشت فيه..
لونه فاااااتح مرة.. و كرهته و لا فكرت أعطيه فرصة
بس يوم قررت أجربه أعجببببني كثيييييييييير.. أحطه ع أي روج يفتحه
و بصراحة ينفخ الشفايف شوي و فيه نفس الشعور حق مرطب كارمكس.. حبيته كثير و الله
و تحسفت إني تاركته طايح ما استخدمته.. ناوية أجرب منه ألوان ثانية الفترة الجاية ..
 
التركيبة الثاني لونها توتي ع ما قالوا .. بس فاتح شوي يميل للفوشي الهادي..
و هي عبارة عن روج إيلف اسمه جيبسي .. مع قلوس لانكوم مدري من أي مجموعة بس رقمه 108
لونه نفس الروج بس أغمق درجة.. و يوم ينحط فوق الروج يندمج معاه و يعطيه لمعة..
 
آخر شي منتجين من شانيل.. بس ركزوا معاي شوي خخ
العلبة أصلا هي علبة البرونز اللي ع اليسار و كان المكان اللي جنبه مكان الفرشة اللي تجي معاه..
ع فكرة ترا الفرشة جميلة و لها جهتين ..
و كان عندي علبة بودرة شانيل مات لوميير و طاحت و انكسرت مني..
قمت أنا بحكم إني ذكية و ذهينة و ذا.. طلعت الفرشة من علبة البرونز ..
و حطيت البودرة مكانها
و جت مقاسها تمااااام.. كأنهم كذا موجودين من يوم شريتهم خخ..
 
 
البودرة هي شانيل مات لوميير.. فيها حماية خفيفة من الشمس و درجتي فيها 40
حلوة مرة إذا حطيتها خفيف ع الأساس أو الكونسيلر.. و فيها تغطية جميلة إذا استخدمتها لحالها..
هي مطفية ما فيها أي لمعة..
 
أما البرونز من شانيل .. أفتح درجة رقم 607 Terre D'OR .. الدرجة هذي من قريب فيها قليتر خفيف
بس هي مطفية أصلا و بمجرد ما ينحط ع الوجه يختفي القليتر لا تخافون..
الدرجة هذي تصلح بلشر أكثر من برونز.. لأنها مايلة شوي ع برتقالي
و تناسب البشرات الفاتحة و الوسط اللي تميل للفاتح..
نفس المنتج هذا منه درجات ثانية أغمق جميلة مرة و تصلح كونتور و بلش..
أختي لوتي عندها درجة أغمق شوي و مرررررررررررة تمدحها..
بالنسبة لي أحب أحطها إذا كنت حاطة روج غامق أو فاقع .. أو كان مكياج عيوني فيه ألوان
عشان ما يكون مرة صارخ و في نفس الوقت يبان طبيعي..
 
و الحلو في البودرة و البرونزر إنهم ممتازيييين كظلال للعين بعد..
 
و بس..
 
لا تنسون تسوون انضمام أو join للمدونة من الخيار اللي ع اليمين
 
سامحوني ع التأخير..
()