Feb 19, 2016

Busy Mamas (Collaboration)

السلام عليكم و رحمة الله
كيف حالكم؟

في الفترة الأخيرة حسيت إني مضغوووطة مرة بعد الأمومة و رجوعي للدوام هذا غير التدوين و التزاماته اللي ما تنتهي.. و مهم بالنسبة لي بصراحة إني أظهر بمظهر مرتب و جميل لأن هذا الشي بينعكس ع نفسيتي و أدائي خلال اليوم.. 

فتعاونت مع البلوقر غدير من : www.ghadeers.com و اليوتوبر بيان من قناة: www.youtube.com/user/bayan2sjj عشان نقدم لكم أفكار تفيدكم كأمهات عاملات أو حتى لو كان وقتك ضيق جدا ومحتاجة نصايح تفيدك و توفر وقتك.. 

غدير بتتكلم عن الموضوع من ناحية الأزياء و المظهر هنا.. و بيان بتشرح لنا كيف نسوي فطور سريع و صحي هنا..  و أنا بأوريكم الموضوع من ناحية المكياج و أدواته.. أتمنى تقرؤون موضوعاتنا و تعجبكم و تطبقونها إن شاء الله..

اليوم بأتكلم عن مكياج يومي ممكن تسوينه بعشر دقايق.. طبعا تركت خطوات كثيرة عشان توفير الوقت.. لكن لو عندك وقت إضافي ممكن تحطين مكياج أكثر حسب ما تحبين..  


أهم خطوة في المكياج بالنسبة لي هي الكونسيلر على الهالات حول العين لأنها تغير اللوك ١٨٠ درجة و تخلصك من آثار التعب و الأرهاق.. كونسيلر ميك أب فور إيفر الجديد هذا ممتاز و مناسبني جدا خصوصا بالنهار لأنه خفيف مو ثقيل فأحتاج منه كمية بسيطة و يتوزع و يندمج بالإصبع في ثواني و مو بس يخفي الهالات!! كمان يعطي تنوير و إضاءة حلوة تحت العين!! هذي الدرجة رقمها Y33

Feb 11, 2016

January Favorites مفضلات يناير


السلام عليكم و رحمة الله

كيف حالكم؟ كيف الأجواء عندكم؟
اليوم راح أكتب لكم عن مفضلاتي في شهر يناير.. راح أبتدي بالعناية و بعدين المكياج و العطور.. الموضوع تكلمت فيه بالتفصيل و بيكون طويل شوي فـ تحملوني خخ :$ 


واقي شمس من ماركة Nature's Gate أخذته من أمريكا و أستخدمه للجسم و الوجه كمان.. مكوناته طبيعية بنسبة كبيرة و الحلو في هالنوع بالذات إنه مقاوم للماء يعني مناسب لجو جدة الحار الرطب.. هذي الماركة تسوي أنواع كثيرة من حماية الشمس و كمان منتجات ثانية للعناية بالجسم و الشعر موجودة في موقع آي هيرب و أمازون و سوبرماركت هول فوودز في أمريكا و كندا..