Jun 26, 2014

Bath & Body Works Semi Annual Sale Haul

 السلام عليكم..

 
كيف حال السهرانين معي الليلة خخ؟
كل عام و أنتم بخير..
و الله يبلغنا رمضان كامل و يعيننا ع صيامه و قيامه
و قولوا مرحبا لبطانيتي الجديدة :$

 
اليوم راح أوريكم الشغلات اللي شريتهم من خصومات 
باث آند بودي ووركس.. مم صعب أوصف روائح الشغلات
اللي شريتها  .. فـ راح أكتفي بس بعرضها لكم اليوم
(أغلبها روائح أكل و فواكة و حلى ع فكرة)
 
 
احم أنا ترى تهورت يا جماعة الربع هههههه..آ آ المهم اشتريت:
٣ صوابين سائلة لليدين من النوع اللي يرغي من نفسه
٢ من صوابين التقشير و تنقية اليدين
٤ شموع كبيرة
٢ لوشن للجسم (صورت واحد و نسيت الثاني )
لوشن كبير لليدين
جهاز تعطير البيت الصغير و أخذت ٣ روائح معاه
معقم للشنطة (نسيت أصوره بعد.. بس تراه بالأناناس خخ)
كل المشتريات كلفتني ٢٩٠ ريال بسسس 

.I did some damage last week at Bath & Body Works
.I'll show you what I got during the semi annual sale
I can't describe the scents, so I'm basically going to show you the pictures. The total price of these is
!!about 75$. Great deal huh
 
 








 
 
و بس.. :$
 
الموضوع الجاي بيكون بعد مشتريات ههههههه..
That's all. My next post will be
another haul. Get ready lol
 
 

Jun 16, 2014

مزيلات المكياج العنيد Heavy Duty Make-Up Removers

السلام عليكم و رحمة الله



كيف حالكم جميعا؟ 
كنت أعاني الفترة الماضية مع مكياج العين الثقيل
و الأكحال الواتربروف اللي استخدمها يوميا 
و ما تروح معي بسرعة (كحل انجلوت الكريمي مثلا)
كنت لازم استخدم زيت زيتون أول و بعدين مزيل المكياج

 
Hello everyone! I always use waterproof eyeliners
and I have a hard time removing them and the only
way to take them off is by using some olive oil 
followed by any make up remover. But once I started
using these two products, that problem was from the 
past (that sounds cheesy but true lol). On the right
is the new make up remover from Benefit. It is formulated to remove their new waterproof and
smudge proof gel liner (wait for a review on that
 one soon). They're Real Remover is a thin creamy 
products that help to dissolve any make up and 
make it easy to remove. I put like a drop for each
eye and rub gently then I follow with a damp cotton 
round and wipe everything away! What makes me love it even more is that sexy, luxury black packaging!! It will be available in July and
 will retail for 18$
 


 
 
استمرت معاناتي مع مكياج العين العنيد إلين جربت المنتجين هذولي!!
الأول من بينفيت و الثاني من ذا بودي شوب ..نبدأ بحق بينيفت و اسمه
They're Real Remover 
بينيفت صنعوه أصلا عشان كحلهم الجديد لأنه ثابت مرة
و ما يروح بسهولة.. بأسوي ريفيو عن هالكحل قريب
المهم أنا قلت أجرب هذا المزيل مع مكياجي اليومي
قوامه كريمي خفيف مو ثقيل و ما تحتاجين منه كمية كبيرة
نقطة لكل عين و أنت مغمضتهم و بحركة دائرية خفيفة راح تلاحظين
 كل مكياج العين بدا يتحلل و ممم.. مدري كيف اشرح لكم بس يذوب 
في المزيل خخ << صار حليب سريع الذوبان خخ.. 
و بعدين بقطنة مبلولة خفيف بالموية امسحي عيونك و بيختفي 
كل شي زي السحررر..!!! حبيته جدددا و الله
و غير كذا علبته بصراحة مررررررة حلوة و جذابة و فخمة
يمكن لأنها نحيفة و سوداء و الأسود لوني المفضل!! 
المهم راح يتوفر في الأسواق في شهر يوليو إن شاء الله

و ما عندي خلفية عن السعر حاليا بس في موقع سيفورا مكتوب
إنه بيكون بـ 18 دولار

 
-------
 

The second products is The Body Shop Camomile Sumptuous Cleansing Butter. It is a cream to oil remover. I use it in the same way I use the Benefit
one and it is AWESOME. What is good about this
cleanser that it never leaves the skin feeling
dry or tight. I loved the silver metal container,too
 It costs almost 16$ 



المنتج الثاني هو زبدة البابونج المنظفة من ذا بودي شوب
قوامه جامد بس لما يلامس الجلد يصير كريم خفيف مقارب للزيت
استخدمه بنفس طريقة كريم بينفت.. أحط شوي ع العين
و أنا مغمضة و أفرك خفييييف لين يذوب المكياج
و بقطنة فيها موية امسحه و يروح كل مكياج العين
الحلو فيه إنه ينظف بدون ما يجفف أو يشد البشرة..
علبته معدنية حلوة و سعره حسب ما أتذكر 70 ريال
 

-------

هنا قوام المنتجين بنفس الترتيب حق الصورة الاولى


 

I'm sure you will enjoy them the way I do
and you can use them for the face make-up 
if you want to. Have a nice day
 
إن شاء الله تجربونهم و تعجبكم مثل ما أعجبتني..
ملاحظة : ممكن تستخدمونها لمكياج الوجه برضو لو تحبون
بس بالنسبة لي في مكياج الوجه الثقيل ما فيه مثل 
الكليرلاسونيك.. أقروا تقريري عنها هنا 

 
-------
 
 
أشوفكم وقت ثاني.. لا تنسوني من دعاكم
إذا عندكم أي سؤال تفضلوا هنا
و سووا لي فولوا في المدونة و ع تويتر
و إنستقرام : terter_thinks..
و شاركوا الرابط مع صحباتكم و أخواتكم..



PEACE

Jun 13, 2014

May Beauty Favorites مفضلات مايو التجميلية

السلام عليكم 

Today I'll share my May beauty favorites with you all
اليوم راح أحكي لكم عن مفضلاتي لشهر مايو
راح تكون مكياج هالمرة بدون عناية 
لأنني قاعدة أجرب شغلات جديدة للعناية و أبي أعطيها فرصة
و ممكن أتكلم عن روتين العناية الليلية ببشرتي الأيام الجاية
في موضوع لحاله لو حابين

 
 
I loved this nude lipstick by Wet n Wild in Bare It All. It
is the perfect shade of nude for medium skin tones
 
هالشهر كثير حبيت روج وت آند وايلد اسمه Bare It All
لونه نود مناسب للبشرات الوسط و تقريبا أستخدمته كل يوم الشهر اللي راح

***

 
I hardly wear pink blushes but this INGLOT blush 
no.55 is different! It is a cool toned pink and it's 
matte. I'm in LOVE
 
بلشر انجلوت رقم ٥٥ وردي ع موف مرة جميللل
مطفي و يعطي لوك فخم و مختلف عن الوردي العادي
لازم تجربونه في أقرب زيارة لمحل انجلوت

***
For my eyes I used these eyeshadows the most
The first one is this dark cool brown eyeshadow from
Morphe no.26. It is AMAZING blended in the crease
and it works for the eyebrows, too. 
 
بالنسبة للعيون أكثر ألوان استخدمتها هي:
 البني الغامق من ماركة مورف رقم ٢٦ أحطه في كسرة العين
يندمج بسهووولة و ينفع للحواجب بعد!! 
 

***
 
 
Next is a reddish / orangey brown by INGLOT
no.335 . Ah this color is AWESOME in the
crease . It is a must-have in my opinion
 
لون من انجلوت مدري كيف أوصفه.. طوبي 
أو بني محمر.. هذا لازم أكتب فيه قصيدة خخ
في كسرة العين مع أي لون يعطي العيون منظر دافئ 
لاااازم لاااازم تجربونه مع البلش في محلهم و رقمه ٣٣٥ 
 
 
***
 
 
Now we come to the famous palette from
Wet n Wild in Comfort Zone. I loved this
silvery taupe shade especially with 
the dark brown eyeshadow by Morphe
 
بالت وت آند وايلد المشهور Comfort Zone 
استخدمت منه ظل توبي ع فضي حطيت عليه سهم
كثير حلو و ينور العين.. البالت كله حلو بس هذا 
اللون استخدمته أكثر شي الشهر اللي راح

***
 
 
 
No need to say a lot about NYX milk jumbo
pencil! I never had the chance to get it
before, but now I'm happy I found one 
at IMATS NYC. Very pigmented and pretty
 
نجي للشي الرهيب اللي كل البنات في اليوتيوب يمدحونه
من سنيييين.. و هو قلم ظل أبيض من ماركة نكس NYX 
اسمه milk.. استخدمه تحت حواجبي قبل ما أحط الهايلايت
يخليه يوضح و يثبت مدة طويلة.. له أكثر من استخدام بعد
مثل تحطينه بعد البرايمر و قبل الظلال الفاقعة عشان يبرزها
و فيه بنات يستخدمونها داخل العين بعد..
 
 
***
 
 
For my face I discovered this lovely BB cream 
by Benefit. It is called Big Easy. It
is a cream to powder product with light to
medium coverage! It has an SPF of 35 too
I'm shade 04 by the way 
 
لوجهي حبيييت البي بي كريم الجديد حق بينفت
ممتاااااز مررررة و تغطيته خفيفة لمتوسطة و فيه حماية من الشمس
بنسبة ٣٥.. ما يتكتل و لا يتقطع و و قوامه يتحول لبودرة 
بس مهم ترطبين بشرتك قبل تستخدمينه.. درجتي رقمها 4

***

OMG! How come I never used the Beauty
Blender before!!!! It is amazing for blending
foundations. I think I will never use my foundation
brushes again

مدري كيف كنت عايشة طبيعي بدون اسفنجة البيوتي بليندر!!
بجد بجد هذا الاختراع عجييييييب..!!! ما أتوقع إني بارجع
أدمج الأساس ع وجهي بفرشة مرة ثانية.. مدري كيف هي
بس تخلي الأساس مدموج تماااااااااااام كأنه بشرتك الصدقية
 
 

***
 
 
And FINALLY I tried the Banana Powder. It 
isn't as yellow as everyone says lol. I use
it to set my foundation and concealer . It 
is super fine and blends nicely 

و أخيييييرا جربت البنانا باودر.. ترى أبدا مو صفراء للأسف خخ
بس قوامها خفيف و ناعم و حبيتها لتثبيت الأساس و الكونسيلر ع بشرتي
 
 
***
 
Here are some swatches 
هذي سواتشات لبعض الأشياء اللي تكلمت عنها 
 
 
 
 
***
 
 
 
A non-beauty favorite is this candle by Bath and
Body Works in Fresh Balsam. It smells earthy and
relaxing. I have two more back-ups lol

 
 و نجي لشي ماله علاقة بالمكياج بس حرقته حرق الشهر اللي فات خخ
شمعة من باث آند بودي ووركس اسمها Fresh Balsam
ريحتها زرع و تراب رطب و غابات و مطر.. ريحة طبييييعة 
مو الكل تعجبهم هالريحة لأنها غريبة شوي
بس لما أولعها في البيت أحس بالحرية و كأني في مزرعة
من كثر حبي لها عندي منها ٣ حبات خخ

 

 That's all guys
 
هذا كل شي و اعتذر منكم ع التأخير :$
لا تنسون تشاركون الموضوع مع صحباتكم و أقاربكم
و تابعوني ع تويتر TaRaNeeM
آسك و انستقرام terter_thinks

Peace
 
 
 
 
 

Jun 8, 2014

IMATS part 3 : Tips

السلام عليكم و رحمة الله
اليوم راح أقول لكم شوي نصائح في حال خططتوا تروحون لمعرض الآيماتس 
بس قبل ما أبدا أتمنى ترجعون للجزء الأول و الجزء الثاني فيه تفاصيل مفيدة لكم



قبل الآيماتس Before the IMATS



اشتري التذاكر من بدري Buy your ticket early
بمجرد ما تقررين تروحين لاااازم تشترين التذكرة
لأن أحيانا تخلص التذاكر قبل موعد المعرض بشهر!!
بالنسبة لي اشتريتها قبل ٤ شهور من الآيماتس



اطبعي الخريطة Print the floor plan map
أي معرض آيماتس يكون له صفحة في الموقع الرسمي هنا حسب المدينة
و في الصفحة هذي موجود فيها خريطة بالمعرض و الأركان و أماكنها
و حلو تكونين عارفة الأماكن عشان يسهل عليك التسوق




اكتبي قائمة بالمشتروات و الأسعار
 Write your shopping list with retail prices
في نفس الرابط حق الخريطة موجود جواته روابط لكل الماركات 
مهم جدا تحددين وش تبغين من كل موقع و تكتبين سعره الأصلي 
عشان تكونين مستعدة لمرحلة ضبط الميزانية 
كتابة القائمة تخليك مسيطرة ع الوضع
لأن هناك ممكن تنسين نفسك و تصرفين بدون شعور خخ
و تضيع فلوسك و أنت ما أخذتي الأشياء الضرورية
بالنسبة لي كتبت في نوتة و خليت كل ماركة في صفحة مستقلة
مثلا انجلوت في ورقة و مورف في ورقة و ألكون في ورقة..
و راح أقول لكم ليش بعد شوي




حطي ميزانية Set a budget
بعد ما عرفتي وش تبين بالضبط و كتبتي القائمة.. اجمعي الأسعار..
في الايماتس راح تكون الأسعار أرخص أكيد من السعر الأصلي
بس عشان تكونين مستعدة لأسوأ الاحتمالات سجلي السعر الأصلي 
و خذي معاك بسسسس اللي يكفي القائمة و أضيفي مثلا ٧٠ دولار زيادة 
عشان لو  اكتشفتي شي جديد هناك و حبيتي تشترينه 
لأن أغلب الماركات تدشن منتجاتها الجديدة في الآيماتس




جهزي بطاقة أعمال Take your business cards
لو كان عندك موقع أو تجارة لها علاقة بالتجميل 
أو كنتي مدونة أو عندك قناة يوتيوب.. 
جهزي بطاقات أعمال بموقعك و بيانات التواصل معاك
و حساباتك في المواقع الاجتماعية 
هناك راح تحتاجينها إما تعطينها لمشاهير اليوتيوب يدعمونك
أو لأصحاب الأركان هناك و يمكن إذا عجبهم شغلك يتعاونون معاك




شوفي فيديوهات ع اليوتيوب Watch YT videos about IMATS
هي مو ضرورية هالخطوة.. بس حلو تشوفين الوضع كيف بيكون
و تشوفين وش اشتروا الناس و وش جربوا و وش صار لهم..




في يوم الآيماتس AT the IMATS day 



إلبسي شي بارد و خفيف Wear lighter clothes
خفيف و ليس شفاف هههههههه.. يعني خامته باردة 
في نص اليوم و مع تجمع الناس و كذا الجو بيصير حاااار و مكتوم
فـ عشان تنبسطين و ترتاحين البسي شي خفيف و مريح
و حتى الشنطة لو تكون صغيرة و خفيفة أحسن



إلبسي جزمة مريحة Wear comfy shoes
راح تكونين واقفة و تمشين طول الوقت.. 
مهم جدددا جدددددا جييييدددددداااا تكون جزمتك مريحة
يعني باختصار كعب لا خخ



خذي إثبات هوية Take your ID
هم كاتبين كذا في موقعهم و أنا خذيت جواز السفر 
بس يوم وصلنا هناك ما أحد طلبه.. بس احتياطا خذيه
ما يسوى عليك توصلين لين هناك و ما يدخلونك عشانه



خذي معاك صرف فلوس Take some money change
خذي معاك فراطة.. صرف يعني دولارات منفردة و عشرات 
لأن مرات يكون الركن هذا ما عنده صرف و أنت بس تبين شي واحد 
و تضطرين تتركينه و ترجعين بعدين إذا صار معاك صرف..
 أو يقولون لك اشتري أكثر شوي لين تكملين المبلغ اللي عندك.. 



روحي مبكر Go there early
أنا وصلت قبل ما يفتحون الباب بساعة و صرت في الطابور الثاني!!! 
فمهم جدا توصلين بدري لعدد من الأسباب:
أولا تكونين مرتاحة نفسيا لأنك ما تأخرتي
ثانيا بعض الماركات تسوي هدايا و عروض خاصة لأول ٥٠ شخص يجيهم
ثالثا إذا رحتي بدري مثلي راح تتسوقين قبل الزحمة
لأن الزحمة تبدأ قبل الظهر بشوي.. 



اشحني جوالك أو كاميرتك Charge your phone or camera
مهم جدا لو بتصورين تشحنين جوالك و الكاميرا فل
و أحسن لو خذيتي الشاحن حق الجوال معاك 
بالنسبة لي ع آخر اليوم الساعة ٤ العصر جوالي قرب يطفي
و شحنته هناك لأني طالعة أتعشى و أتمشى بعد كذا



انتبهي ع أغراضك لا تنسرق أو تضيع
 Hold to your stuff like there is no tomorrow lol
فيه بنات في اليوتيوب انسرقت أكياسهم لما غفلوا عنها.. انتبهي :@ 
و سكري شنطتك زين و كل شوي تأكدي إن المحفظة و الجواز موجودين
لأن هناك زحمة.. بالنسبة لي ما صار لي شي منهم الحمدلله 



*

تذكرون لما قلت لكم اكتبوا أغراض كل ماركة في صفحة؟! 
طيب أقول لكم ليه.. فيه ماركات عندها طابورين..
طابور عشان بس تشوفين الركن و تجربين 
و طابور ثاني تحاسبين ع الأغراض اللي أخذتيها
و بعض الماركات زحمة مرة و ما يمدي تشوفين شي
هالشي فادني في انجلوت 
جيت ما لقيت مكان أشوف فيه المنتجات!!! زحمة و غفيص خخ
قطعت من النوتة الورقة اللي كتبت فيها الأشياء اللي أبيها من قبل
و عطيتها الموظفة علطول و جابت لي السلة فيها كل شي
وقفت في طابور الكاشير علطول و خلصت بسرعة




خذي راحة و شوفي وش اشتريتي 
Take a break and have a look at your purchases
هالشي فادني كثير.. لما جلست شوي و تفرجت في الأشياء
لقيت إني شارية ظلال وردية متشابهة من كم ماركة
و لقيت لونين مناكير بعد التأمل ما عجبوني
ففرصة إنك تبدلين و ترجعين هالأشياء قبل تتوهقين فيها
رحت لانجلوت بدلت الظل الوردي و خذيت ذهبي
و رحت ركن جولي جي بدلت المناكير 



خذي معاك سناك و موية Take some snacks and water
هذي النقطة بصراحة ضحكتيني ههههههههه
في اليوتيوب كلهم يقولون إنكم بتموتون من الجوع و العطش
و إن الأكل اللي في الايماتس مو حلو و غالي
أنا شخصيا خذيت معاي بسكوت و موية احتياط خخ
و لا حسيت بجوع صراحة ههههههه.. ما يمديك أصلا تفكرين في الأكل
يمكن آخر ساعة شوي جعت بس فكرت أخلص من الآيماتس
و أروح أحتفل في مطعم صاحي مع أخواني أحسن من إني أشتري منهم
و بالفلوس اللي ممكن ادفعها في الاكل اللي ينباع هناك أقدر اشتري فيه
ظل و لا روج خخ
فمدري قلت أقول لكم هالنقطة إبراءً للذمة هههههههه



احضري الدروس Attend some classes
فيه كذا درس في الايماتس حاولي تستفيدين و تحضرين بعضها ع الأقل
و بالمرة تريحين رجلينك شوي خخ



و أخيرا حاولي تستمتعين بالتجربة و تسولفين مع الناس هناك
لأن أغلب البنات رايحين و هم مهتمين بالموضوع مثلك 
تتشاركون خبرات و سوالف.. و تعرفت ع كثير بنات و ما طفشت
بس تمنيت إني ما كنت لوحدي يومها و كان معي أحد يشاركني التجربة
و آخذ برأيه و كذا.. يعني لو فيه أحد حاب يروح معاك خذيه خخ 




كلام كثيييير جدا أدري هههههه.. بس حبيت أفيدكم بهالخصوص
و عشان تكون رحلتكم للآيماتس ناجحة و تطلعون بذكريات سعيدة
PEACE