IMATS part 1 : experience :)

السلام عليكم و رحمة الله و بركاته
و أخييييرا تحقق حلمي في حضور الأيماتس..!!
ما توقعت و لا بعد مليون سنة تكون الظروف في صفي و أروح
و الحمدلله من فضل ربي تيسرت الأمور و سافرت قبل الآيماتس بيومين

للتوضيح الأيماتس هو إختصار لـ Intrnational Makeup Artist Trade Show
و تتجمع في ماركات مكياج و عناية و تبيع منتجاتها بخصومات

تترواح بين 10 إلى 60 في المية
و فيه دروس مكياج و لقاءات مع خبراء التجميل و المشاهير في اليوتيوب و النت عموما
و يعرضون كمان مكياج السينما و يسوون مسابقات في المكياج و كذا

ينتقل هالمعرض في العالم ست مرات في أوقات مختلفة من السنة  في لندن

و فانكوفر و تورينتو و سيدني و لوس أنجلوس (اللي كان شهر يناير)

و نيويورك (أبريل).. و غالبا الأيماتس يكون على 3 أيام في كل مدينة
الجمعة للي معاهم رخص تجميل أو بطاقات محترفين
و السبت و الأحد لعامة الناس
كل يوم له تذكرة دخول.. اليوم بـ 55 دولار يعني تقريبا 200 ريال
بالنسبة لي حضرت يوم السبت بس

و لأن فيه كثير أشياء أبي أقولها لكم راح أخليه سلسلة أيماتس من 3 موضوعات
1- تجربي (هذا الموضوع)
2- مشترواتي
3- نصايح

مممم الصور اللي صورتها في الأيماتس كانت بالجوال للأسف
و أعتذر عن رداءة الصور :$ :$.. بسم الله :

صليت الفجر و طلعت من البيت و كأنه شعور العيد ع قولة أختي خخ
كنت أبي أشتري قهوة و أروق عليها قبل أروح بس كانت الزحمة أكبر همي 
قلت بلاش خلاص أروح هناك علطول ههههههههه..
و يوم وصلت تقريبا ع 8 إلا ربع.. لقيت طابور طويييل و نص!!
و بعد ربع ساعة صارت أربع طوابير طوييييلة و شوي!!
يالله الحمدلله إني كنت في الطابور الثاني خخ
بس التنظيم ممتاز و دخلنا بترتيب و لبسونا الأسورة حقت الأيماتس *وجه يدمع*
و أعطونا كيس الآيماتس المشهور اللي نحط فيه مشترواتنا من أركان الماركات

و بدأت التسوق.. كانت الأركان حلوة و ما فيه زحمة مرة لأني جيت مبكر
بدأت بـ OCC بس احترت و ما اشتريت شي. بس بصراحة الحين متحفسة
كنت أبي كم لب تار من هناك و تخيلوا سعر الواحد صار 10 دولار
يعني أربعين ريال..!! بس ترددت في الألوان و تركتها.. يالله مو مشكلة

و رحت بعده لميك أب فور إيفر و بصراحة ما لقيت ذاك الخصم و تركته
و لفيت كم ركن تفرجت فيها و كذا..

المهم خلوني أقول لكم الأركان اللي اشتريت منها و عجبتني خصوماتها :

Naked Cosmetics
Morphe Brushes
INGLOT
Frends Beauty
Alcone Beauty
bdellium Tools
 NYX
City Color
 Beauty So Clean
Jesse's Girl
LA Splash
و فيه ركن اكتشفته هناك و أعجبني و هو tat2u

فيه أركان جددددا زحمة و الطابور فيها طويل مرة و مأساوي و الله
و قررت ألغيها من برنامجي و هم

Sigma

Lime Crime

Sugarpill

و اللي ريحني شوي إن "لايم كرايم" ما جابوا مناكيرهم اللي كنت أبيها
و خصوماتهم مو على كل شي زي باقي الأركان..
و "سيقما" وزوعوا ع الجميع عينات و فرش مجانية و كانت من ضمن الفرش

فرشة الكحل اللي كنت أبي أشتريها..

يعني خلاص وش أبي في هالطابور المرعب خخ

هذي صور لبعض الأركان في الآيماتس :

طبعا لقيت بنات أتابعهم من اليوتيوب و تكلمت معاهم و عطيتهم بطاقتي
و بعضهم ذكروني في فيديوهاتهم.. و هذي صورهم و تحتها قنواتهم ع اليوتيوب:

 Julie G -  Carli Bybel

MadeYewLook - makeupfreeek

EnKoreMakeup - pursebuzz 

 Queenii Rozenblad -  DivaMakeupQueen

من كثر خوفي من الزحمة كنت حاطة ببالي إن كل ركن راح أوقف فيه ساعة
و قلت بخاطري ما رح أحضر دروس إلا إذا خلصت من قائمتي..
اللي يضحّك في الموضوع إني الساعة 11 بالتمام قد مريت ع كل الأركان اللي
 في قائمتي و خلصت مشترواتي كلها..
هههههه و ما بقى معاي فلوس كثير حقيقة :")

جلست في درس من الدروس و كان عن مكياج البنات السمر.. جميل و الله
و بعد ما انتهى فكرت أتفرج في المعرض من جديد
و فجججججأأأأأأأأة.. شفت نكس.. و كنت ناسيته بالمرة
و الله أحس قلبي بيوقف ههههه.. ما عاد معاي فلوس كفاية من ميزانيتي
رحت و أنا حزينة.. بس الحمدلله كثير أشياء ع الطبيعة ما أعجبتني
و فيه أشياء حسيتها مو ضرورية و القناعة كنز لا يفنى خخ
 اشتريت منهم 9 أشياء نفسي فيها و خلاص

رجعت أحضر دروس بعد ما فلست تماما خخ.. و بعضها كان عادي بالنسبة لي
بس الدرس اللي أعجبني كثير هو لخبير التجميل كيفن جيمس بينت
كان مسوية لوك أخضر جميل و اللي حبيته أكثر النصايح اللي أعطانا إياها
و فوق هذا دمه خفيييييف مرة انبسطت و استفدت

و هناك بعد كان فيه مسابقة بين طلاب من كذا ماركة مكياج
يرسمون ع عارضات و كذا.. و حضرت تتويج الفايزين
هذي صور بعض العارضات..
 الصورة اللي بالوسط فازوا أصحابها بالمركز الأول

و فيه ركن حاطين فيه الشغلات اللي يستخدمونها في السينما لتغيير شكل الشخصيات

و كانت بعض الماركات جايبة عارضات و عارضين يرسمون عليهم
و صورت لكم بعض الأعمال :

و اللي يبيعون نفسهم مسوين العجايب هههههه .. بس حبيتهم و الله
ع اليمين من ماركة "شوقر بيل" كانت فاضية و صورتها..
 و اليسار من "لايم كرايم"..
كل بنات "لايم كرايم" لابسين هالحلق الكورة يا زينه خخ

بالرغم إني خلصت مبكر بس قعدت أتفرج و أتمشى
و ألعب في المكياج و أسولف مع الناس
لييييين الساعة 4 العصر..!! و ما حسيت بالوقت..
و كان من أحلى أيام حياتي و الله

مدري تصير لي فرصة أروح مرة ثانية.. بس لو فيه بروح طبببعععا خخ
و بكذا خلص الجزء الأول..

:$

PEACE