Oct 29, 2012

Revlon PhotoReady Foundation Review

 
السلام عليكم..
معليش تأخرت عليكم مرة فيهالبوست.. ع أساس ينزل المغرب بس ما عليه..
it's better late than never
خخ
 
اليوم راح أكلمكم عن أساس من ماركة ريفلون
 
 
هالأساس من اسمه.. ممكن تحطينه و تتصورين و تبان صورك حلوة و جميلة..
فيه حماية من الشمس بنسبة 20 و خالي من الدهون و العطور
إذا مسكتوا العلبة قريب مرة راح تلاحظون فيه شيمر خفيف.. يعني؟؟؟
يعني يعطي ديوي لوك نوعا ما.. فيه ناس تخاف إنه يطلع مرة لامع
بس لا تخافون.. ما يخليك لماعة أبدا و لا يعطي لوك دهني..
إضاءة و نضارة خفيفة..
اللون اللي أستخدمه 004 Nude
و هي درجة أغمق نقطة من هيلثي مكس حق بروجوا رقم 52
و قريب ع ميك أب فور إيفر إتش دي بين الدرجة رقم 118 و 120
قوامه كريمي.. ماهو سائل و لا هو مرة ثقيل
سعره ما أذكر تمام بس أتوقع بحدود 80 ريال
تغطيته متوسطة إلى كاملة
 
خلينا نشوف الصور و بعدين أحكي لكم كيف أستخدمه..
 
 
 
 
 
  
 
 
 
 
 
طيب .. أنا جربته بكذا طريقة.. و ما حبيته في البداية..
لكن لما فهمته و اختبرته كثير عرفت كيف يعطيني النتيجة الحلوة اللي أبيها
 
بالنسبة لي أنا ما أحط أساس زي هذا إلا في المناسبات و إذا بشرتي تعبانة مرة و محتاجة تغطية
و مرات أحطه في جهات محددة في الوجه حسب حاجتي
 
الأساس هذا كريمي و تركيز اللون عالي.. يعني ما يحتاج كمية كبيرة منه ..هذا أولا.. طبقة خفيفة و بس
ثانيا هو ينشف بسررررعة.. فما يحتاج بودرة بعده.. لكن فيه نقطة مهمة
عشان يندمج معاكم زين.. ما ينفع تحطين نقط ع وجهك و توزعين.. و لا تحطين ع يديك و تاخذين كل شوي
لأنه ينشف و يثقل زيادة.. السر في وضعه هو تحطين نقطتين مثلا ع الخد اليمين و بسرعة تدمجين..
و بعدين نقطتين ع اليسار و تدمجين.. و بعدين ع الجبهة و تدمجين.. و هكذا
أنا لاحظت بهالطريقة أستخدم كمية قليلة ما أكتل ع وجهي.. و يندمج معاي أسرع
إذا حسيتوا الطبقة هذي ما غطت عيوب البشرة.. انتظروا شوي و حطوا طبقة خفيفة ثانية..
ما يخالف بفرشة أو اسفنجة أو أصابعكم.. اللي يريحكم..
 
و فيه شي مرة راح يفيد مع الأساس و يسهل دمجه ع البشرة إنكم تحطون برايمر أو كريم مرطب قبله..
و ممكن أثناء دمج الأساس تبخون ع الفرشة أو الاسفنجة بخاخ مثبت مثل ميك أب فور إيفر مست آند فكس
أو بخاخ أفين أو إيفيان أو ذا بودي شوب..
عشان يمشي معاكم أكثر و ما يتكتل..
 
هذي طريقتي و رايي فيه.. و بصرحة أحسه ينافس أساسات أغلى منه بكثير..
 
 
أشوفكم وقت ثاني.. لا تنسون تسوون فولو للمدونة من يمين الصفحة
و ممكن تشاركون بيوزر تويتر أو قوقل
 
 
أحلام سعيدة
()

Oct 27, 2012

October Favorites

السلام عليكم
كل عام و أنتم بخير..



قررت أسوي مفضلات الشهر.. بس ما أضمن أسويها كل شهر.. ممكن شهر إيه و شهر لا..
عموما اليوم حابة أوريكم منتجات لاحظت إني استخدمها أكثر من غيرها هالشهر
و التصوير اليوم لكم عليه لأني صورت قبل المغرب ما فيه نور شمس كفاية .. لأني بالعادة أصور الصبح أو الظهر

بسم الله

جل فازلين و كريم إليزابيث أردن 8 أور كريم

هالمنتجين ويا جفاف اليدين أنقذوووووني..
أخلطهم مع أي كريم أو لوشن و أحس يدي مترطبة حيييل..

الجل بحدود الـ 20 ريال من أي صيدلية.. قريت عنه في مدونة إسأل مجرب
قوامه ثقيل شوي ما أحب أحطه لحاله إلا في الليل بعض المرات.. يصلح للجسم طبعا و ريحته جميلة

و كريم إليزابيث آردن ما أذكر بس فوق الـ 100.. و له استخدامات كثيرة ممكن للشفايف و الوجه و المناطق الجافة
ريحته شينة مرة هههههههه للتنبيه .. بس لأنه خالي عطور مو لأنه خربان.. و مع الأيام عادي تعودت عليها
بالعادة يجي في علبة زي العصار أو أنبوب.. هنا شكله غير لأن هالعلبة إصدار خاص ..نزل فترة و راح..
تكلمت أختي عنه في الروتين حقها قبل فترة هنا في البلوق


محسن و برايمر للوجه بفيتامين سي من ذا بودي شوب


بشرتي من منطقة الخدود بس صايرة تطلع فيها حبوب صغيرة حمرا زي النقط مالها بروز و لا شي..
و في هالحالة دايم ألجأ لأي شي عندي بفيتامين سي لأنه يجدد البشرة و يعالجها
صرت أحط هذا ع وجهي الصبح قبل الدوام و مرات ع العصر أو المغرب أحط كمان
ريحته منعشة و البشرة بعده ناعمة و جميلة.. ما أدري إذا راح ينفع للبشرة الدهنية كثير..
بس للأنواع الباقية مرة ممتاز.. ما أفتكر سعره بس أتوقع 70 أو حولها..


فونديشن ريفلون فوتوريدي و كونسيلر إيف سان لوران


زي ما قلت لكم عن الحبوب اللي تطلع لي بين فترة و الثانية ع خديداتي خخ
فصرت مرات أحط أساس فوتوريدي ع الخدود بس و يخفيها تمام.. أنقذني هالشهر
الأساس هذا بعد تجارب عرفت كيف أطلع فيه بنتيجة حلوة لأن قوامه شوي صعب
راح أكتب عن الفونديشن هذا بعدين في بوست لحاله ..
و إذا ما استخدمته .. استخدم هالكونسيلر من إيف سان لوران رقم 2.. بس ع الخدود
قوامه كريمي و يندمج بسرعة.. لونه ينفع للوجه بس ما استخدمه للهالات


برايمر إيربن ديكي - اللون سِن sin


في الأسابيع اللي فاتت و مع قرب الإجازة و ضغط الشغل في المدرسة جتني حالة خمول و كسل و نوم..
و صرت مالي خلق أحط ظل كل يوم و هيك..
فـ أحط هذا ع العين كلها و بعده كحل و اطلع.. مرات  أتناشط وأحط المسكرة في الدوام و مرات لا ههههههه
لونه بيج ع ذهبي مايل للتوبي أكثر و فيه شمر طبعا.. يصلح كـ ظل لحاله و يصلح إذا بينحط فوقه ظل ثاني..
و لأنه برايمر راح يثبت و ما يكتل


ظل من نكس الدرجة رست rust


هذا لون كسرة العين (كريس) المفضل هالشهر.. :$
تكلمت عنه قبل.. أحطه مع برايمر إربن ديكي و مرات مع وردي و مرات ويا ذهبي.. المهم إني أحب استخدمه هالشهر كثير


روج من إيلف.. بـ دوولاااااغ >> دولار يعني خخ


الدرجة اسمها فانتزي..لونها نود بس مايل ع البني أكثر.. أحس هالدرجة من النود تناسب البشرات العربية
و الوسط مثلي.. من أكثر الألوان اللي استخدمها هالشهر.. و هنا سواتش له :




بلسم للشعر من ماركة Vo5


فيه كذا نوع احترت بينهم .. بعدين خذيت هذا حسيته يناديني خخ.. سعره الظاهر بحدود الـ 20
مرررررررررررة عجببببني..  حسيته يرطب شعري و يخلي ملمسه ناعم..
و ع فكرة ترى البلسم عندي عموما يخلص بسرعة.. ممكن كل أسبوع و نص أشتري
و أجرب أنواع كثيرة كل مرة.. بس للحين هذا و حق ذا بودي شوب اللي حطيت عنه زمان هم الأفضل للحين
و مع أي شامبو ألاقي نفس النتيجة الحلوة..



سبري للشعر من بوتس من ماركة لي ستافورد ..


اسمه شاين هيد.. مثبت و يعطي لمعة.. أنا ما لاحظت اللمعة بصراحة بس عجبني إنه يثبت تمويجات شعري
بدون ما يعطي ملمس قاسي .. و طبعا الغطا ضايع من كثر ما استخدمه و آخذه معي بكل مكان..
فيه منه ترافل سايز أحطه في شنطتي لما أرفع شعري فوق و ما أبي شعرات تتطاير هنا و لا هناك خخ


سيروم بزيت بذور العنب >> و الله..؟


يعطي لمعة و ملمس ناعم للشعر و يهجد التطاير شويتين.. أحب أحطه ع الأطراف بعد ما أسوي الفير
من ذا بودي شوب .. و سامحوني ماني مفتكرة سعره :$


طيب نجي للفير خخ.. جوس إيبر مقاس 19 .. الوسط


أسرع شي و أفضل نتيجة و أستخدمه كثيييييييير هالشهر..
إذا بغيت تمويجات مرتخية و ناعمة مرة ملست شعري بالسيراميك خفيف قبله
و إذا بغيتها واضحة و فيها حجم سويت شعري علطول فيها بمجرد ما ينشف
شعري للمعلومية كيرلي طويل :$
أخذته ما أدري من أي تاجرة بس زمان و الله قبل 3 سنوات ممكن.. يوم أول ما طلع و طاحوا فيه الناس


آخر شي هالعطر :$


ريحة تنعش القلب صدق .. أحبببببببببببببببببببببه و له ذكريات جميلة ()
من ذا بودي شوب .. سعره تقريبا 130 ريال


و بس.. راح يكون البوست الجاي عن أساس ريفلون فوتوريدي بالتفصيل
و انتظروا ليلة الدوامات بوست مشوق مرررررة..  عشان يخفف و يواسي كل المداومات خخ


peace
:$

Oct 21, 2012

burgundy / maroon for fall 2012





السلام عليكم
 
فصل الخريف هذا تميز باللونين العودي و العنابي  في كثير من عروض الأزياء و ع الممثلات و الشخصيات الكبيرة
و هاللوكات انتشرت كثيييير في محلات الملابس عندنا لو لاحظتوا
و لا تسألوني كم شريت ملابس من هاللونين لأنهم كثار مرة خخ
لكم تتخيلون أنا أحب هاللونين من زمان شلون و هو موضة هاليومين 
 
اليوم راح أتكلم ع المكياج العودي و العنابي
بالنسبة للأرواج و القلوسات من هاللون أمرها سهل و الحين كل بنت عندها روج عودي
لأنه يوم جت فترة موضة الأرواج الغامقة المستمرة للحين الكل اشترى منها فما يحتاج أذكرها
إلا إذا حابين أضيف الأرواج هنا كمان ؟ خبروني ع تويتر
فـ قررت أتكلم عن الظلال اللي من هاللونين
و أوحت لي مدونة تمتاليا بإني أسوي أفضل الدرجات اللي عندي من اللون العودي بالذات


و راح أسوي كمان سلسلة كل كم يوم راح أنزل لكم لون معين و كذا ظل و ماركة من عندي عن هاللون

بسم الله نبدأ الظلال العوديّة
 
أول شي هاللون من إنجلوت رقم 55.. عودي و جدا حلو في كسرة العين (الكريس) لأنه مطفي (مات) و فيه قليتر خفيف ذهبي بس يروح لما يندمج ع العين.. عندهم درجة عودي شيمر مرة حلوة كمان بس مو متذكرة رقمها
 
 
اللون اللي كذا ينحط في البالت سعره بشي و 30 .. مدري بكم سعره في علبة لحاله بس ما أتوقع أغلى من 60
 
**
 
ع اليمين من نكس اسمه لونه عودي ع أحمر غامق.. جميل للسموكي آيز Rust
 
و كمان في كسرة العين (الكريس) حلو و سعره بحدود الـ 26 ريال
 
اليسار هاللون برضو من نكس اسمه فهرنهايت.. بس فاتح شوي و بشيمر ..
و مناسب جدا للي حابين هاللون العودي بس ما يبون يغامرون مرة..
و يعطي لوك جميل ع الجفن كله و ممكن توصلونه لين الحاجب ..يااااااهـ.. سعره نفس اللي قبله
 
**
 
بلش من نكس موازييك اسمه شامبين ماهو مطفي و لا شيمر.. بس يميل للمطفي أكثر.. ممكن يستخدم ظلال برضو خصوصا بهالدرجات اللي صعب تتوفر في بالت واحد جاهز مثله.. درجاته حلوة و من ضمنها العودي ..أرشحه لكل بنت لأنه بجد 2 في 1 .. سعره بحدود 40 ريال
 
 
**
 
 
الشيمر ويفز حقت ذا بودي شوب.. و أكيد بشيمر خخ.. رقم البالت 01 برونز .. اللون الوسط فيه جدا جمييييل  
و ممكن يسخدم للوجه و العين كمان..سعره كله بحدود 90 ريال
 
 
 
**
 
بقمنت من هلينا ربنشتاين.. عودي بشيمر برضو.. مررررة جميييييييييل
:$ أخذته في خصم بسعر رخيص بس ما أذكر بكم
 
 
 
**
 
آخر شي لون عودي فاتح من بالت إيربن ديكي اسمه توستد .. حلو و يصلح لتجربة اللون العودي كبداية
ماهو صارخ و يعتبر أهدى درجة في العودي بالنسبة لي

 
 
 
**
 
 
و خلص اللي عندي.. :$
 
أهم شي في هاللون إنك تخففين باقي الميك أب في وجهك و شفايفك.. يعني برونزر أو بلش.. و روج و نود و خلصنا
و إذا أنت مغامرة ممكن تحطين لون عودي كمان أو فوشي فاقع وياه.. و ممكن أحمر
و كل ما كان الظل عودي مايل للأحمر شوي.. راح تحتاجين كحل قريب و حول العين عشان يفصل بين العين و الظل الأحمر .. لأنه من دونها راح يبين إنك تعبانة و يحتاج بشرة صافية خالية من العيوب.. إلا إذا كان هدفك لوك هاي فاشن و إيداتوريال .. هنا عادي لا تحطين كحل ما يخالف
 
و هنا بعض اللوكات للعودي و الأحمر ع العين.. و كيف ممكن ندمجهم مع ألوان ثانية
 
 
 
 
  
 

  
 
 
 
 
 
 
 
 
 
 


 

و بس.. أشوفكم وقت ثاني و لون ثاني إن شاء الله
إذا حابين لون معين للمرة الجاية خبروني ع تويتر
و لا تنسوون تنضمون للمدونة ع اليمين تحت التصويت
و لا تنسون تصوتون كمان خخ


سلام

Oct 19, 2012

polka dots nails :D

 
مرحبا
 
 زي ما تعرفون مو كثير شاطرة في المناكير و شغلاته و يا دوب لون و قليتر و فرينش مانكير و بس
لكن هاليومين أحاول أتعلم و أسوي حركات خخ.. و لازلت أكره الرسم المبالغ ع الأظافر .. عشان كذا سويت هالشكل
ما عندي طبعا أدوات التنقيط حقت المناكير.. و كنت أتصفح موقع إيلف لقيت وحدة مستخدمة هالفرشة حقت الكحل للأظافر
حبيييييييت الفكرة خصوصا إن هالفرشة عندي و ما عجبتني كثير للكحل.. فقررت أجرب و أشوف تنفع للأظافر و لا لا
و يمكن أتعلم عليها شوي و أصير فنانة و ذا :$ :$
استخدمت مناكيرين أسود من ريمل لندن (25 ريال) و سكري على لؤلؤي من جسيكا (15 ريال) اللي استخدمته لمناكير العيد قبل
تفضلوا الصور راح توضح لكم كل شي
 
 
 
 
 
 
 
و بس.. طبعا الدوائر مو مرة بيرفكت ههههههه.. لكن من بعيد مو مبينة.. و أكيد لو فيه عندكم أدوات التنقيط راح تطلع أضبط
و أتوقع أعواد الأسنان الخشب أو طرف القلم أو أقلام الرصاص ممكن يعطون نفس النتيجة..
 
لا تنسون التكبير و صيام العشر
الله يتقبل منا و منكم صالح الأعمال
:)

Oct 16, 2012

URBAN DECAY highlighter

 
 
 

مرحبا :$
اليوم راح أتكلم عن هايلايتر كريمي من ماركة إيربن ديكاي.. أخذته من سيفورا كوالالمبو قبل سنة و شوي
ما أتذكر سعره بس أكيد موجود للحين ع النت .. و كمان في سيفورا دبي أذكر شفته


علبته موف و ع الغطاء رسمه جمجمة بالورد لونها ذهبي.. بس انمسحت مع الاستخدام خووسارة
 
كذا شكلها قبل.. لقيت الصورة من النت
 
اللون اسمه ويكيد
شيمر و فيه قليتر صغير مرة فضي
اللي عجبني فيه لونه.. كل الهايلاترات اللي عندي إما على بيج أو على ذهبي أو برونز
بس هذا وردي مايل شوي ع فضي و نقطة موف.. و شوي قوي يعني حبذا ما تكثرين و يكون مكياجك هادي أصلا
نشوف الصور؟
 
 
شوفوا انمسح كل شي إلا شعار الماركة هههههه.. مدري قاصدينها و لا لا خخ
 
 
 
 
 
أحب أحطه بأصابعي بطبطبة .. أفضل طريقة له كذا
جربت الفرشة حسيتها امتصت الكريم و الشيمر و بقى القليتر بس..!! مرة ما ينفع كذا خخ
بالأصابع أحسن
فيه منه درجات ع ذهبي و بيج... بس أنا حبيت هذي لأنها غريبة و تأثيرها زي الميتاليك حلو ع الوجه
 
 
 
سي ياااا
()

 

Oct 14, 2012

remove your facial hair like a dream!!!

 
مرحبا
إيوه يا جماعة.. الناس لاهية بـ قفزة فيلكس و أنا أسوي هالبوست..
كلهم مهمين صح؟ .. هههههههه 
و راح يجي يوم ترجعون للبوست هذا و تنسون فيلكس << غيرانة خخ
 
المهم أنا أحاول بوستاتي تكون مختصرة و مفيدة ما أحب كثر الحكي هههههه
بس اليوم راح أتكلم بالتفصييييل الممل
 
 
أنا وحدة أعاني من شيل شعر الوجه زي كثير من البنات.. و هو شي عادي و يعزز الجمال و ما ينخجل منه
جربت الشمع و الفتلة .. و كلهم يكلفون فلوس عند الكوفيرات و ما نضمن نظافتهم
شفت هالمنتج في بووتس.. و بـ 20 ريال.. قلت أجربه و إذا نفع يصير حل مثالي في البيت و سعره رخيص
 
أول شي نشوف وش يجي جوا الكرتون هذا :
 
 
كريم إزالة الشعر و هو الخطوة رقم 1 (مو شمع)
كريم مرطب و هو الخطوة رقم 2
أداة بلاستيكية لتوزيع كريم إزالة الشعر و مسحه بعد الانتهاء..
 
 
و هنا الخطوات و الإرشادات و التحذيرات اللي ع العلبة :
 
 
راح أقول لكم وش اللي ع العلبة باختصار :
يوضع كريم الإزالة خطوة 1 ع البشرة بواسطة الأداة البلاستيكة بطبقة كثيفة متساوية من دون تدليك أو فرك
يترك لـ 3 دقايق بالتمام و نجرب بالأداة البلاستيك نشيل شوي من الكريم و نشوف..
إذا راح الشعر معاك خلاص شيلي عن الباقي بعد
و إذا لسا خليه ع وجهك كمان دقيقتين لين يصير المجموع كامل 5 دقايق..
منبهين و محذرين إنك ما تخمنين أو تزيدين ع الـ 5 دقايق!!
و يقولون استخدمي مؤقت عشان تعرفين الوقت >> هنا خفت شوي خخ
بعد ما يزال بالأداة البلاستيكية يغسل الوجه بدون صابون أو غسول .. ب موية و بعدين بالمنشفة أو المنديل طبطبي ع الوجه
و حطي كريم المرطب خطوة رقم 2 طبقة عادية زي أي كريم مرطب..
***لازم قبل هذا كله تسوين تجربة كريم الإزالة الخطوة 1 ع جزء من البشرة قبل عشان في حالة حدوث هيجان أو حساسية
تبطلين تستخدمينه من الأساس
مكتوب برضو لا تستخدمين أي غسول أو صابون قبل استخدام هذا بشوي و لا بعده..
و لا تستخدمين منتجات فيها عطور لمدة 24 ساعة و إذا ما شال معاك الشعر زين انتظري 48 ساعة قبل تعيدين العملية
و مكتوب يستخدم لشعر الشنب و الساقين و ما يستخدم ع الصدر و لا المناطق الحساسة
و أكيد زي باقي المنتجات يحذرون من دخوله للعيون .. و يحفظ بعيد عن الأطفال
 
 
طيب راح أحكي تجربتي..
جربت ع بشرتي اختبار و ما سبب لي مشاكل.. يعني أنصح لو بشرتك حساسة و فيها حبوب تبتعدين عنه
أو تستخدمينه ع الشنب و بس..
حطيت طبقة خفيفة لمدة 3 دقايق و شفت شوي و ما شال الشعر..
رجعت خليته كمان دقيقتين .. يعني كله ع بعضه 5 دقايق زي ما قالوا
شلته و ما عجبني أبببببببد...!!! شال شوي شعر في نواحي متفرقة و شعر لسا باقي..!!!
مرة زعلت و سويت تويته سبيته سب خخ
 
بعد أسبوع ممكن عطيته فرصة ثانية قلت خليني أجربه 5 دقايق مرة وحدة ..من دون سالفة 3 دقايق و بعدين دقيقتين..
و هالمرة حطيت طبقة كثيفة.. و شلته... و فعلا حبيييتووووهـ خخ.. راح الشعر كله تماما و طلعت النتيجة بطلة
و حسيت بعده بشعور نفس اللي يجي بعد الفتلة .. بس بمجرد ما أجفف وجهي و أحط كريم الخطوة 2 .. راح هالشعور الحمدلله
و بشرتي ما جاها أي حبوب حمرا صغار مثل ما تجي مرات بعد الشمع .. و الوضع مية المية..
و لأن بعد هالبوست ممكن ما ألاقيه.. :$ شريت منه 2 زيادة باك أب (احتياط) هههههههه
 
 
 
كتبت عليه عشان ما ألخبط أو أفتح منهم شي قبل ما أخلص العلبة اللي قبل..
يخلص تاريخه بعد 12 شهر من تاريخ الفتح... في حالة ما انفتح عادي يبقى معاك لين تخلصين اللي بديتي فيه..
 
و بس :$
مفيد قبل العيد و بصراحة حبيت أشارككم إياه لأنه جدا فادني و ارتحت من مرمطة الصوالين..
 و حسب ما قريت إن الشعر سواء الوجه أو الجسم بعد كريمات إزالة الشعر ما يطلع أسمك و لا أكثر و هالشي خرافات خخ
 
 
يالله نشوف فيلكس و نرجع @_@