Apr 2, 2017

Less Stuff, Less Stress

السلام عليكم..

كيف حالكم؟ اليوم حابة أتكلم عن موضوع خارج عن التجميل شوي و يا رب يعجبكم و يا ليت تقولون لي بعد القراءة هل تبون أستمر أحط موضوعات من الحياة زي كذا مستقبلا و لا لا؟

أختي من ثلاث سنوات تقريبا صارت عايشة نمط الـ minimalisim.. و هذا النوع من أنماط الحياة يعتمد على امتلاك الشخص أشياء ضرورية و أساسية فقط يعني بشكل عام يكون عنده أشياء قليلة.. لهذا النمط من الحياة شرح كثير على النت و أفكار مالها حصر فما رح أتوسع كثير في هالنقطة لكن من بعد ما صارت أختي minimalist و أنا تغيرت نظرتي للأشياء.. ما أقول إني صرت زيها لأن ما شاء الله هالشي يبي له قوة جبارة.. لكن حاولت أحسّن نمط حياتي و أحاول أقلل من اللي عندي و لاحظت حياتي صارت أسهل و صرت مسترخية أكثر.. في هذا الموضوع بأعطيكم بعض النقاط اللي قرأتها و سمعتها و ساعدتني في ترتيب حياتي و تقليل الأشياء و الفوضى من حولي و يمكن بعضها معروف بس لا مانع من التذكير.. و عشان أهيء لكم جو ممتع للقراءة حطيت لكم بعض اللقطات اللي صورتها و يا رب تعجبكم..



Mar 3, 2017

My Quick/Lazy Makeup (NO BRUSHES NEEDED)

السلام عليكم و رحمة الله

كيف حالكم؟ 

هالموضوع سبق و ذكرته بشكل سريع على سناب تشات و حبيت أعيده هنا بالتفصيل أكثر..
 بعض الأحيان تجيني مشاوير سريعة مرة أو طلعات قصيرة أو ضيوف الفجأة!! على فكرة مرررة أنقهر من الناس اللي تطب على الواحد فجأة.. مهما كان يا جماعة ترى ما فيها شيء تعطون خبر بزيارتكم قبلها بيوم أو ع الأقل بساعة ساعتين..
 ما علينا..  في هالحالات أحتاج مكياج سريع جدا بحيث يعطي وجهي حياة و نضارة.. و الحلو في المنتجات اللي بأوريكم إياها اليوم إنها ما تحتاج فرش خارجية و تحتاج بس أصابع نظيفة خخ..

Nov 17, 2016

The Body Shop Down to Earth Eyeshadow Palettes


السلام عليكم و رحمة الله.. 
كيف حالكم؟ 

اليوم بأكتب لكم عن بالتات الظلال الجديدة Down to Earth من ذا بودي شوب اللي نزلت قبل شهرين تقريبا.. هم عبارة عن خمسة بالتات رباعية و بالت كبير بثمان ألوان.. و درجات الألوان في كل البالتات هذي طبيعية و هادية تناسب الجميع.. يعني ما فيها ألوان فاقعة و غريبة.. البالتات فيها ٣ أنواع من الظلال : مطفي - ساتن - شيمر و قليتر.. سعر البالت الرباعي ٨٩ ريال والبالت الكبير ١١٩ ريال.. 


خلوني أوريكم السواتشات أول و بعدين أقول لكم تجربتي معها.. 

Nov 10, 2016

New Products \ First Impressions

السلام عليكم و رحمة الله

في الفترة الأخيرة وصلتني منتجات كثيرة من ماركات مختلفة.. بعضها جديد بالسوق و بعضها جديد علي شخصيا.. و جربتها مدة كافية و كونت عنها انطباع و رأي و راح أشارككم إياه اليوم و يا رب يعجبكم الموضوع و يفيدكم.. الموضوع مفصل تفصييييل ممل.. فلو ما عندكم وقت تقرونه كله الحين ممكن تشوفون المنتج اللي تبونه بس و تكملون قراءة الباقي بعدين :$ و ترى حطيت لكم تقييمي الشخصي من ٥ تحت كل منتج.. يالله بسم الله نبدأ


Oct 15, 2016

Top 10 High-End Products (Collaboration)

السلام عليكم و رحمة الله

اليوم أنا كثييير متحمسة لهالموضوع لأني تعاونت فيه مع مدونات أحبهم كثير و أثق فيهم و أحب أتابعهم بكل مكان و هم: 
أسماء المالكي من مدونة That Red Lip |  هنا
 غادة عبدالله من مدونة GhadaAbdullah09 | هنا
سناء من مدونة La Beautiful Details | هنا 

راح نتكلم عن أفضل ١٠ منتجات غالية جربناها من المحلات الكبيرة مثل سيفورا و دبنهامز و غيرها و نشوف إنها تستحق الاقتناء..

هنا في مدونتي راح أشارككم خياراتي و أتمنى بعد ما تخلصون من موضوعي تروحون تشوفون موضوعات المدونات اللي ذكرتهم فوق و تشوفون خياراتهم و بالتالي تحددون المنتجات اللي تناسبكم أكثر.. 


 شخصيا لقيت صعوبة في تحديد ١٠ منتجات بس!!! لكن خلاصة المنتجات أنا راضية عنها جدا و بتلاحظون إني دايم أنصح فيهم و أتكلم عنهم كثير بالسنوات اللي فاتوا سواء هنا أو على الإنستقرام و السناب..  يالله نبدأ سوا بسم الله:

Oct 1, 2016

Makeup Haul مشتروات مكياجية

السلام عليكم و رحمة الله و بركاته..

كيف حالكم؟ و كيف الدوامات معاكم؟
الله يكتب لنا و لكم التوفيق و البركة في الوقت و الجهد إن شاء الله

في الفترة الماضية سافرت أوروبا و استغليت الفرصة طبعا و اشتريت مكياج و منتجات عناية خخ.. حاولت أشتري أشياء مو متوفرة عندنا و كمان اشتريت أشياء موجوة هنا بس سعرها هناك أرخص بكثييير.. اليوم راح أخصصه للمكياج و الموضوع الجاي للعناية لأن مشتروات العناية ودي أفصل فيها أكثر.. 


نبدأ بسم الله و راح أحاول أذكر لكم الأسعار التقريبية بالريال لأن مو كل شي عندي فاتورته..

Aug 6, 2016

July Favorites | مفضلات يوليو

السلام عليكم و رحمة الله..
كيف حالكم؟ و كيف الإجازة معاكم للحين؟ 


موضوعي اليوم هو مفضلات شهر يوليو.. في الإجازة مو كثير أطلع برا فـ مفضلات المكياج قليل هالشهر و بعضها قد ذكرته في موضوعات المفضلات قبل و ما فيه داعي للتكرار.. بسم الله نبدأ.. تنبيه: موضوعي طويل و مفصل هههههه



أحب أبدأ ببودرة بينفت the Porefessional Agent Zero Shine هي المفروض تنحط ع الوجه عشان تثبت الأساس و تخليه مطفي لكن جربت أثبت فيها الكونسيلر تحت عيني بطريقة الـ baking و أعجبني شكلها و ثباتها فوق الكونسيلر.. هو بس العلبة شوي تقهر لو كانت عادية بدل هالشكل.. لكن هذا ما يمنع إن المنتج نفسه حلو و راح أستمر عليه..