Aug 31, 2012

Back to School/Uni stuff :D



Hello everyone

Today I'll talk about daily \ natural lipsticks colors.
every color has all the informations you need
I have some recommendations at the end .

Enjoy.

 

 

 


 

مرحبا :$

فكرت أسوي سلسلة يومية عن مكياج و مستحضرات تقدر تستخدمها بنت الثنوي (إذا مدرستها تسمح)
و كمان بنت الجامعة .. و مو بس هالفئة..
 ممكن أي وحدة تحب المكياج الهادي أو الصباحي.. و حابة تبرز جمالها بدون مبالغة..

طبعا ما عندي كل المنتجات و الألوان.. بس راح أشارككم باللي عندي و بعدين بعطيكم أسماء و ماركات ممكن تشترون منها..
راح أحاول أنوّع بين مختلف الماركات و الميزانيات..
راعيت كثييييييير تكون كل المنتجات من اللي موجودة بالسعودية.. و أي منتج من النت أو شريته من برا ما تطرقت له أبد..
و كمان عندي منتجات قديمة ما عاد تنباع ما تكلمت عنها برضو..

و مهم جدا أذكر لكم نقطتين ضرورية قبل أبدأ..

أولا : كل وحدة لها ستايلها الخاص و ألوانها اللي تناسبها  و بشرتها
و تناسب مزاجها في أيام معينة أو فعاليات معينة في الجامعة أو المدرسة
و كل اللي أذكره من باب المساعدة و الإرشاد فقط.. مو لازم أحد يلتزم فيها..

ثانيا : حلو كسر حاجر الألوان الطبيعية و الهادية اللي راح أذكرها في هالسلسلة بألوان جريئة و قوية
و الخروج عن المألوف مرات بشكل يتناسب ويا شخصيتك قبل كل شي و طبيعة لبسك و هاليوم بالذات
زي مثلا يكون يوم فيه محاضرة وحدة.. ممكن تغامرين بلوك غريب..!!! و ما عليك من أحد دامه عاجبك
عني أنا أحب أشوف شخصية البنت تبرز مرات في طلاتها.. و أحس ملل لما تكون البنت ستايلها واحد و مألوف دايم..

(انتظروا بوست عن كيف تستخدمين الظلال الجرئية بشكل محترف مو زحمة زي الخليجي خخ )

طيب بسم الله .. اليوم راح أتكلم عن الأرواج و البلشرات

الأرواج الطبيعية غالبا تكون بلون الشفايف بس أحسن و أصح شوي..
و الدرجة متوسطة مو فاتحة مرة و لا غامقة مرة.. و تميل يا إما للبني أو الوردي أو المشمشي أو الموف..
كل صورة فيها سواتشات مكتوب أول شي ماركتها بعدين رقمها و اسمها..
 
المجموعة الأولى : المشمشي و الكورال :
 
 
 
المجموعة الوردية الطبيعية بدرجاتها و بعضها مايل ع الموف شوي:
 
 
 
مجموعة النود و البيج :
 
 
 


نجي للبلشرات.. ما أحب أكثر حكي ههههههه... فبحط لكم رد في الإقلاع هنا تكلمت فيه عن أفضل البلشرات عندي..
خذوا منها الألوان الهادية و اللي تناسبكم.. و أرشح لكم المجموعتين الأخيرة..
 


الحين اقتراحات للأرواج بأسماء فقط لأنها مو عندي بس أعرف عنها.. راح يكون اسم الماركة متبوع بالرقم أو الاسم
و اللي حابة تشوف الألوان ممكن تنسخون اسم الدرجة و تشوفونها في قوقل.. :$
MUFE 2
MUFE 3
MUFE 4
MUFE 23
MUFE 25
MUFE  26
MUFE 28
Rimmel Kate Moss  8
Rimmel Kate Moss 12
Rimmel Kate Moss  14
CHANEL rouge coco 5
CHANEL rouge coco  6
 
نفس الشي البلشرات :
MUFE HD cream blush 8
MUFE HD cream blush 9
MUFE HD cream blush 10
MUFE HD cream blush 12
NYX cream blush in glow
NYX cream blush in natural
كمان بلشرات بودي شوب و ريمل و ريفلون حلوين.. :$
 
انتظروني بكرة في البوست الثاني من هالسلسلة.. 
()

Aug 30, 2012

كيف أحط الروج بـ 8 طرق..؟

مرحبا..
 
في بالي هالفكرة من زماااان بس ما لقيت أحد ممكن أنفذ عليه الأفكار هذي..
و هنا شكرت الله ع الفوتوشوب..  خخ
هذي هي الصورة الأساسية اللي أخذتها من قوقل الصور.. و منها انطلقت في توضيح هالأفكار أو الطرق
عن طريق الفوتوشوب فقط..!!!
 
 
كل اللي تشوفونه تعلمته من الفيديوهات اللي أشوفها و من الملاحظة و التجربة و حبيت أشارككم إياها..
و هي عن كيف تحصلين على كذا لوك باستخدام روج واحد أو روجين و قلوس و شوي شغلات
و هي قابلة للتطبيق ع أي لون.. هنا سويت لون أحمر ع شوي أورنج.. لا تسألوني كم رقم الروج
ههههههههه لأن كله فوتوشوب خخ
 
 
1
قلوس شفاف.. و ممكن فازلين أو زيت زيتون يغنونك عنه
 
 
 
2
الروج طبقة وحدة فقط
 
 
 
3
الروج بكذا طبقة
 
 
 
4
الروج بكذا طبقة + قلوس
 
 
 
5
الروج بعد طبطبة عليه بالإصبع أو بعد تطبيق الشفايف ع منديل..
يعطي لوك ثابت أكثر و كأنه صابغ الشفايف
 
 
 
 
6
الروج بطبقة وحدة بس نمسح الأطراف خفيف بعود قطن أو اصبعك.. 
هاللوك يناسب الألوان الطبيعية أكثر و يوحي بشكل هادي للروج و انه مندمج مع بشرة الوجه أكثر
 
 
 
 
7
الروج بكذا طبقة مع شوي بودرة أو ممكن ظل بنفس اللون يحول الروج لمطفي  و ممكن يغير في لونه كمان..!
يعني حابة الأحمر يميل ع أورنج حطي شوي أورنج .. إذا مايل ع الفوشي حطي شوي ظل فوشي
 
 
 
 
8
هاللوك مدري وش يسمونه بالعربي بالضبط.. بس هو يكون وسط الشفايف لون أغمق..
و يعتمدونه كثيييير في عروض الأزياء..
مثلا لو عندك عودي ممكن تحطينه ع الأحمر هذا بس في النص و كذا تكون النتيجة
 
 
و ممكن هاللوك كمان ع الشفايف الطبيعية يعطيها بعد و يروح البياض اللي فيها شوي أو ع الأقل يعطيه بعد مختلف مثل كذا
 
 
 
 و آخر طريقة و هي ممكن تستخدمين الروج مثل البلش الكريمي..
و سلامتكم..

 
أتمنى تشاركون هالرابط في تويتراتكم و مواقعكم عشان يستفيد أكبر عدد م البنات..
 
 
انتظروا سلسلة العودة للمدرسة و الجامعة بداية من السبت إن شاء الله
()

Aug 28, 2012

the KNOCKOUT brush!

مرحبا...



اليوم راح أتكلم عن فرشة رااااائعة و خصوصا مع البقمنت أو الظل السائب أو اللوس آيشدو
تصلح مع أي ظل مضغوط بس لاحظت روعها مع البقمنت أكثر
اشتريتها أول مرة لأني لاحظت قصة شعراتها و نوعيتها من داخل الكيس حقها مبينة ممتازة


 




شعراتها رائعة حتى بعد الغسل كم مرة
و لأني مجنونة و وقعت في غرامها خخ
رحت أشتري كمان..و صار عندي منها 5 حبات
 



و هي الفرشة اللي كانت موجودة في القف أوي حق رمضان
اسمها سولاف
 
 

 

هي مالها محل معين و لا موقع و المكان الوحيد اللي شفتها فيه للحين هو

صوت قرع طبول

ههههههههه

من

مهجة






أبو ريالين...؟؟؟

إيه ما غيره

إيوه سعرها بريالين...!! خخ

يعني كل الـ5 اللي عندي مع اللي كانت في القف أوي بـ 12 ريال

إيوه 12 ريال..!!!!! ههههه

و الله السعر بعد ما شفت هالفرشة آمنت إنه مو مقياس .. و لا اسم الماركة.. الجودة أولا و أخيرا.. لو بريال أو 100
أهم شي تنفعني و أطلع فيها بنتيجة ترضيني
هم يجيبونها بين فترة و الثانية.. دققوا بس تكون نفس الشعرات و لون اليد الخشب و خذوها

 

أشوفكم وقت ثاني
()

Aug 26, 2012

Eid Nails :D



صباح الخير.. كيف حالكم..؟
 
 
 
 
 
أنا مو مرة شاطرة في شغل المناكير بس أحط لون واحد في الغالب
:$ :$

لكن يوم العيد قررت أجرب هالشي و أعجبني ججججددددددددا... حسيت كأنه ستيكر

 
و كثير سألوني عن أظافري و كيف سويتها

و الطريقة جدا سهلة

طبقتين مناكير أبيض ع لؤلؤي و طبقة قليتر ذهبي متعدد الأحجام



و أحس كمان اللوك بيطلع حلو لو المناكير بيج أكثر كمان زي حق ريفلون قري سويد مع نفس هالقليتر
و كان علي كذا يوم هالمناكير بحكم الشسمة $: عشان كذا متقشرة شوي م الأطراف

 

 

أشوفكم وقت ثاني و كل عام و الجميع بخير :)

Aug 11, 2012

SEPHORA Jumbo Liner - 12HR Wear - Waterproof

مرحبا.. صباح الخير

اليوم بتكلم عن منتج جدددددا جميل اللي هو أقلام الظلال من سيفورا
حلوة للي مستعجلة و تبي لوك سريع.. أو اللي مبتدئة في عالم الظلال و تبي شي سهل..




ميزة هالأقلام تعدد ألوانها اللي هي 28 لون حسب موقعهم.. أغلبهم بشيمر و بعضهم فيها قليتر خفيف مرة .و فيه أسود مات..
و إنها ما تتكتل ع العين.. لأنها واتر بروف - ضد الموية.. ( و هالشي صحيح)
و تدوم 12 ساعة.. (و هالشي تقريبا صح بنسبة 90% )
تكون كريمية بس تنشف كأنها بودرة .. يعني ما تقعد كريمية و رطبة .. لأنها واتر بروف طبعا..

و سعرها بحدود 80 ريال سعودي.. تقريبا مو متذكرة..
طيب نجي للتفاصيل العميقة و نبدأ بالصور ..






السواتشات كان ممكن تكون أحلى بس عاد أمري لله..
اللي تحت بعد دعك جااااااامد .. لسا باقي اللون.. طبعا ع عينك ما رح يصير هالحكي و التمسيح و الفرك..

ممكن تستخدم بكذا طريقة..
ممكن تنحط كأساس للظلال البودرة..
ممكن تنحط لون واحد ع الجفن و ينمد ع برا شوي من الزاوية الخارجية و تموهين الأطراف بأصبعك عشان تبان مدموجة
و ممكن تحطين لونين.. فاتح ع الجفن و في الزاوية الخارجية لون غامق و تموهينهم ع بعض خفيف بطبطبة..
و ممكن تحطين لون غامق ع الجفن زي خط الكحل ثقيل و بعده خط ثاني لون فاتح و تموهينهم سوا.. يصير سموكي بسيط
و ممكن لون فاتح زي البيج أو الأبيض ينحط تحت الحاجب مثل الهايلايت.. و ممكن في مدمع العين..
و عني أنا.. قد جربتها داخل العين مثل الحكل و ما سببت مشاكل.. فما أدري يعني ما أفتي..
و ممكن تحت العين زي الخط العريض و تتموه الأطراف بأصبعك بعد يعطي منظر الكحل المموه الناعم اللي كل البنات يحلمون فيه


ههههههههههه فاصل يا جماعة
رحت بجيب لكم الرابط لقيتهم كاتبين :
Suggested Usage:
-Draw a line from the inner corner to the outer corner of upper and lower lid.
-For a more dramatic effect: apply all over the eyelid.
-Pencil may be blended with fingers or a brush to spread color all over the eyelid.
-Layer two jumbo pencils to create your own custom look.
-Use 05 beige jumbo pencil as a base for your eyeshadow that lasts all day long.
-Use 01 white on the inner corner of the eye to make eyes pop.




و جبت لكم رابط مفيد كمان من باب الاستزادة :


Aug 6, 2012

THE GIVEAWAY ladies..!! :D CLOSED

بسم الله بدينا المدونة أخيرا..


راح يكون التمبلر موجود برضو و أي شي ينزل هنا راح يكون في التمبلر برضو
(عشان نرضي جميع الأطراف) ..
اللي ما شاف التمبلر حقي و حاب يعرف عن طبيعة كتاباتي في التجميل يطل عليه هنا :
http://terter-bwia.tumblr.com/

القف أوي بسيط جدا.. :$ :$
عبارة عن مجموعة من المنتجات اللي حبيتها و جربتها أنا و أختي قبل كذا..
و اعذروني ع الصور .. صورتها بالكاميرا و ما لقيت الكارد ريدر حقي و اضطريت أصورها بالجوال..
و سألتكم في تويتر و قلتوا ما يخالف بالجوال عادي .. فـ... إيوه.. تفضلوا


1-
ريفلون لب بتر - اللون فيق جام
fig jam
أنا شريته من برا قبل تنزل في السعودية.. و من حسن الحظ هاللون ما نزلوه في السعودية للحين
هو عبارة عن مرطب و روج و قلوس في الوقت نفسه..
في العلبة مبين عودي بني غاااامق.. لكن ع الشفايف مختلف
طبقة وحدة تعطي منظر صحي للشفاه و لمعة و ترطيب..
و كذا طبقة يصير اللون عودي فاتح جميل.. مو غامق مرة.. وسط يعني خخ


2-
مرطب ميبلين - اللون وردي ع فوشي..
ميزة المرطب هذا زود ع الترطيب طبعا..
إنه تحطينه ع الشفايف يكون شفاف و بلمعة.. و شوي شوي يتحول ع الشفايف لون وردي ع فوشي ناعم و منعش..
مو موجود بالسعودية لسا..


3-
هايلايتر دوو - اللون ذهبي ع بيج و ذهبي ع زهر..
من ماركة آسيوية مشهورة.. Etude House
عبارة عن جزئين..
اللي فوق زي فكرة ماك كريم كلر بيس.. كريمي و يعطي إضاءة طبيعية و يصلح كثير للبشرات العربية
و الجزء الكبير اللي تحت و هو المفضل عندي نفس فكرة المون بيم.. ذهبي بس ع الخد يعكس شوي زهري جميييل..
يعني منتجين في علبة وحدة..


4-
ثلاث ماسكات للوجه .. بالورد و الفراولة و الشاهي الأخضر
منعشة و ترطب و تغذي البشرة


5-
فرشة للظل.. بطططططلة راح أسوي عنها ريفيو قريب..


6-
ملف (أنا أحب المكباج)
ملف للأوراق بجيبين مقاس أي4.. و هو من تصميمي يعني ما فيه زيه إلا عندي و عندك :$



7-
روج من ريفلون من مجموعة كلر بيرست - اللون روزي نود Rosy Nude
هالدرجة طبيعية جدا جدا وردي ع نود و ينفع حق كل يوم..
و قوام الروج نفسه ناعم و كأنه مرطب ع الشفايف..
من الدرجات المحببة عندي..



8-
كحل ليكويفاي آيلاينر من ماركة ميلاني - اللون أسود..
هذا الكحل قلم و يتبرا .. سواده حالك و ثابت داخل العين و خارجه..



هي أشياء بسيطة تعبير عن امتناني لكل البنات اللي يتابعوني و يدعموني في تويتر و تمبلر و الإقلاع..
و احتمال أضيف في اللحظات الأخيرة منتج أو منتجين أحبهم مرة..

الشروط

ع المشاركة في المسابقة تكون :
1- مسوية لي فولو ع تويتر
2- تسوي تويتة لرابط المدونة هذا (و ليس ريتويت) مع نبذة تعريفية  و يا حبذا تحطون فيها منشن لي عشان أشوفها بسهولة 
3- تكون متواجدة في السعودية..
4- عندها استعداد تعطيني رقم جوالها و اسمها في حالة الفوز لأجل أرسل لها الطرد ع أراميكس أو فيدكس

good luck

 الفااااااائزة هي /

 @LamaF_ 


شكرا لكل اللي شاركوا

@Visions_R
@sarwin_
@Fatimah0_
@alkhater2011
@ssttyyuu22
@NoufAlomari 
@Rawan_aak
@___arwa___
@De_LAme_
@frrrr7
@btboot
@_Looty
@ghazalh09
@OvErTitO
@Emeeness
@ikhawlah
@4_munirah
@Fatimah_za
@huda_al_qahtani
@CatwalkGlam
@Noweerah
@renad_N
@ASOYMAGIC
@R_WRE
@noonym
@Nora2244
@SaraJazi
@_aout
@LamaF_
@iRAGHAD_
@iRaghad
@amaniad
@nono_345 
@mee__moo
@Abrar_Ob
@khrboosha
@b6ree8a3
@EnasAlobaid
 @Lamyakh
 @i_sara_
@Mee__sA
@iRAONAQ
 @i_NdoOo
@reemyaty
@i_hopes