MAKE UP FOR EVER Ultra HD foundation

السلام عليكم و رحمة الله..

كيف حالكم؟ كيف البرد معاكم؟ 

اليوم بأتكلم عن تجربتي مع أساس ميك أب فور إيفر الجديد ألترا أتش اللي نزل تقريبا في أخر شهرين من ٢٠١٥ و هو تركيبة مطورة و محسنة من أساسهم القديم (اللي قطعوه خلاص من الأسواق).. سعره تقريبا ٢٢٠ ريال و متوفر في سيفورا - وجوه - دبنهامز - بوتيكات ميك أب فور إيفر

التركيبة الجديدة للأساس مصنوعة عشان تعطي بشرة مثالية في التصوير و خصوصا مع تقنية 4K الجديدة لكن ممكن أي بنت تستخدم هالمنتج في الحياة اليومية.. و صار الأساس متوفر بـ ٤٠ درجة تناسب الجميع.. راح تلاقون أرقام الأساس تغيرت عن القديم و أضافوا لها كمان رموز توضح الأندر تون لكل درجة..التون الوردي رمزه R.. و التون الأصفر يرمزون له بحرف Y.. 

 لو حافظة رقم درجتك في الأساس القديم راح يفيدك كثير لأنهم يكتبون الرقم القديم و الجديد ع العلب

تجربتي مع الأساس:

جربت أول شي الدرجة رقم Y305 و كانت غامقة علي شووووي.. و جربت بعدها Y245 و كانت اللون المناسب لي بالتمام الحمدلله.. عمومًا تغطيته متوسطة لخفيفة و ضغطتين كافية جدًا بالنسبة لي لأني ما أحب التغطية الكاملة.. بس ممكن لو حابة تزيدين التغطية تحطين طبقة ثانية أو تكتفين في طبقة وحدة و تغطين باقي العيوب بالكونسيلر.. أحب أستخدمه بالبيوتي بليندر عشان يندمج مضبوط على البشرة و لاحظت إني لازم أستخدم كريم مرطب قوي قبله عشان ما يخطط و يتكتل ع الوجه.. 

 أما شكله النهائي على البشرة فهو تقريبا بين المطفي و اللمعة مرات أحط شوي بودرة لو أبيه مطفي بالكامل بس معظم الأوقات أخليه بدون بودرة.. و ثباته حلو مرة من ٤ إلى ٦ ساعات.. و الأهم عندي إني ما أحس فيه على وجهي لأن تركيبته جددددا خفيفة.. بخصوص نقطة التصوير فهو يخلي وجهك ناااعم و صاااافي كأنك مسويته فوتوشوب فعلا!!!!

بشكل عام الأساس حلو و أعجبني أكثر من القديم بكثييير..

لو جربتوه اكتبوا لي تجاربكم في التعليقات و لا تنسوني من دعاكم

PEACE