السلام عليكم و رحمة الله..
كيف حالكم؟
اليوم بأكتب لكم عن بالتات الظلال الجديدة Down to Earth من ذا بودي شوب اللي نزلت قبل شهرين تقريبا.. هم عبارة عن خمسة بالتات رباعية و بالت كبير بثمان ألوان.. و درجات الألوان في كل البالتات هذي طبيعية و هادية تناسب الجميع.. يعني ما فيها ألوان فاقعة و غريبة.. البالتات فيها ٣ أنواع من الظلال : مطفي - ساتن - شيمر و قليتر.. سعر البالت الرباعي ٨٩ ريال والبالت الكبير ١١٩ ريال..
خلوني أوريكم السواتشات أول و بعدين أقول لكم تجربتي معها..
البالت رقم 01:
البالت رقم 02:
البالت رقم 04:
البالت الكبير:
بالنسبة للظلال بشكل عام قوامها ناعم زي الزبدة و لاحظت لما استخدمتها بأصبعي عطتني لون أكثر و أحلى من الفرشة.. كل الدرجات حلوة و خصوصا الغوامق و المطفية.. و أكثر شي عاجبني في البالتات غير المراية الكبيرة هو إن كل الظلال ممكن تطلع برا و أقدر أبدل الألوان بين البالتات بالشكل اللي يناسبني.. بالنسبة للثبات فأنا عموما لازم أحط برايمر قبل أي ظلال من أي ماركة لأن جفوني تدهن بسرعة و في الغالب بعد البرايمر أي ظل بيكون ثابت معي لفترة طويلة و ما يقطع.. حسب المكتوب في موقعهم إن الظلال ممكن تستخدم رطبة أو جافة.. أنا استخدمتهم بشكل جاف فقط لأني ما أحب استخدم الظلال رطبة بصراحة خخ..
أفضل بالت منهم -في نظري- هو البالت الكبير لأنه جامع تقريبا كل الدرجات المهمة و لأن الظل الأسود فيه فاااحم و ثااابت و قوووي و لو حسبتوا سعره بيكون أوفر في نظري من البالت الرباعي.. بس لو استخدامك قليل للظلال و حابة بالت رباعي أرشح لك رقم 01 لأنه بيعطيك لوكات طبيعية و كمان لوك سموكي.. و البني الغامق المطفي ممكن تستخدمينه لتعبئة الحواجب.. طبعا مهم تجربون التيستر في المحل قبل لا تشترون أى شي :)
فيه باقي بالتين ما صورتهم و قم رقم 03 و 05 لأن ألوانهم غامقة مرة و مايلة للفضي و الكحلي و ما تناسبني كثير.. فأعطيتهم أمي..
حسب ما فهمت من المسؤولات عن ذا بودي شوب إنه احتمال في المستقبل يكون فيه ألوان جديدة على شكل تعبئة تشترينها و تحطينها في بالت فاضي.. أتمنى وقتها يطلعون ألوان قوية و جريئة مثل البنفسجي و العودي و الوردي
و بس
أتمنى أعجبكم الموضوع و استفدتوا.. و لا تنسون تشاركونه مع قريباتكم و صديقاتكم و لا تنسوني من دعاكم
PEACE
No comments
Post a Comment