Jun 25, 2016

Makeup Haul (Sephora - the balm - drugstore)


السلام عليكم و رحمة الله.. 
كيف حالكم؟
معليش انشغلت كثير الفترة الماضية مع رمضان و مريت في ظروف شوي صعبة الحمدلله.. و كان المفروض ينزل هالموضوع من زمان لأني مجهزة الصور خلاص بس باقي الكتابة اللي ما لقيت لها وقت.. فأتمنى اليوم يعجبكم الموضوع و تلاقون فيه شي يفيدكم.. و أحب أطلب منكم تدعون لبنت أخوي ربي يشفيها و يشفي مرضى المسلمين.. 



اليوم راح أشارككم مشترياتي الشهور الماضية من أماكن مختلفة و بعضها أونلاين..



أخذت هذي الثلاث منتجات من موقع ذا بام وقت البلاك فرايداي.. كنت أبغى روج مطفي كمان بس خلص من الموقع.. أخذت الإضاءة بيتي لو البرونزية و هي غامقة مرة علي بس باستخدمها فوق البلشرات و بأستخدمها ظل كمان.. أخذت بودرة ديزيرت البرونز المطفية.. حلوة و ناعمة.. و آخر منتج هو اللي كنت أبيه من زمااااااان.. بلشر من مجموعة إنستاين الدرجة بنسترايب.. درجة مميزة وردي غااامق مايل للموف مع شوي بني.. مختلفة و غريبة و تستحق الاقتناء و تشبه كثثيييير بلشري المفضل سِن من نارس.. 

-    -    -    -    -    -



هذي الثلاث ظلال ميك أب فور إيفر كانت على قائمة الأماني حقتي من يوم ما طلعت قبل سنتين يمكن.. و أتردد أشتريها و إذا عزمت و رحت البوتيك حقهم ما لقيتهم دايم مخلصين بالذات الأحمر..فـ طلبتهم من موقع سيفورا الأمريكي و عليهم عرض حلو مرة: الظل الواحد بدون علبة بـ21 دولار.. إذا أضفتوا 3 ظلال في السلة مع بالت ثلاثي فاضي بدولار واحد ينخصم لكم تلقائي 20 دولار بدون كود و لا شي و يصير المجموع 44 دولار بدل 64 دولار!! و هالعرض موجود في محلاتهم الأمريكية بعد بس لازم يكونون كلهم في فاتورة وحدة عشان ينطبق عليهم العرض.. الدرجات اللي عندي I544 Pink Granite و ME840 Pink Chrome و M846 Morello Cherry و خذت معاهم بالت ثلاثي فاضي طبعا و استفدت من العرض.. و هذي مو أول مرة أجرب ظلالهم.. قد تكلمت عنها في مفضلاتي هنا

-    -    -    -    -    -



من الأشياء اللي أخذتها من موقع سيفورا هو محدد هدى بيوتي الدرجة Tropy Wife.. كانت تووووها نازلة بالموقع و بالصدفة أرسلوا لي كود خصم 10٪ و استغليته و طلبته.. توقعته بيكون غالي بصراحة لكن طلع سعره العادي بدون خصم بس 19 دولار!! 
و أخذت من موقعهم كمان محدد صوغنن من ماركة سيفورا نفسها و موجود هالمحدد عندنا كمان.. أعجبني لونه مرة اسمه Rose 11 حجمه زين للشنطة و السفر و مناسب للي ما تستخدم محددات كثير.. 
و آخر شي من سيفورا هو ظل كريمي من ماركة ميلك Milk و هي ماركة جديدة علي بصراحة و حبيت أجرب منها أي منتج و كان المنتج طبعا ظل بنفسجي ههههههه.. مهووسة بهاللون أنا.. عموما توقعت العلبة ع الطبيعة أفخم شوي بس ما عليه أهم شي أجرب المنتج و يكون كويس من داخل.. 
و من سوبرماركت هوول فوودز الأمريكي أخذت زيت جوز هند عضوي بس نسيت أصوره للأسف و أخذت فيتامين E بشكل أنبوب مناسب للشفايف و منطقة العيون.. ما جربته قبل كذا بس أمي دايم توصي عليه و تمدحه مرررة.. أتوقع تلاقونه في موقع آي هيرب..
و من محل أرجوان السويدي أخذت مجموعة أكحال.. كحل قولدن ليدي البني ضروري طبعا و هذي يمكن رابع أو خامس مرة أشتريه.. قوامه كريمي و مطفي يجنن و ثابت و درجته مناسبتني مرة.. و كنت بآخذ الأسود بعد لكني شفت عندهم أكحال Forever 52 و دايم أسمع الإماراتيات و الكويتيات يمدحونها قلت أجرب كم لون و خذيت أسود و أزرق سعر الواحد تقريبا 30 ريال.. و أخيرا كحل ريمل البيج المشهور و حبيب الكل.. خلص اللي عندي و كان لازم أشتري واحد جديد.. 

-    -    -    -    -    -

و أخيرا أحب أوريكم ليش أطلب من سيفورا الأمريكي و ما أشتري من هنا..
أولا أخواني هناك بأمريكا فأنا استغلهم أسوأ استغلال خخ.. و ثانيا ماركاتهم أكثر و أسعارهم أرخص من هنا.. و ثالثا عندي بطاقة VIB Rouge و هالعضوية تعطيني خصومات و عروض و عينات كثيرة ما شاء الله!! شوفوا بس


لحظة مو بس هذي!!! شوفوا كمان :" 


-    -    -    -    -    -

و من نقاطي اللي مجمعتها هناك أخذت 4 من مزيل مكياج لانكوم اللي أحبه حجم متوسط بلاش!! العلبة الوحدة 50 مل تكفيني أسبوع و شوي..


-    -    -    -    -    -

 و بس هذا كل شي لليوم.. أسعدوني بتعليقاتكم و دعمكم تحت هالموضوع و اكتبوا لي تجاربكم مع أي منتج شفتوه من مشترياتي.. و بإذن الله أكتب لكم رأيي فيهم بعد التجربة سواء هنا بالمدونة أو ع انستقرامي هنا أو في سنابي:terter_thinks

و لا تنسون بنت أخوي من دعاكم بالعشر الأواخر..
الله يحفظ لكم أحبابكم يا رب و يتقبل منا و منكم صالح الأعمال

PEACE

4 comments:

  1. شوقتيني اجرب ظلال ميك اب فور ايفر دايم اتردد اشتريها هل فيه الوان معينه تنصيحني ما افوتها من عندهم؟
    انا جداً حابه انستازيا بيفرلي هيلز الظلال ثابته جدا ومره بيقمنت
    وكيف بتستخدمين الاحمر احسه لون صعب يدخل اخاف منه كثير

    والله يشافي بنت اخوك ومرضى المسلمين يا رب العالمين

    ReplyDelete
    Replies
    1. آمين يا زب و جميع مرضى المسلمين..
      ما أقدر أرشح لك ألوان معينة لأنه حسب ذوقك و اللي تفضلينه بس كجودة جدا روووعة
      شخصيا جربت بالتات أنستازيا من عند صديقتي و في سيفورا الأمريكي لما سافرت و ماهي ذات جودة عالية و ما أفكر أشتري منها

      الأحمر مع الدمج يصير مايل للعودي العنابي.. أحبه في كسرة العين..
      لو تبينه أحمر أحمر حطي قبله كونسيلر أو ظل كريمي أبيض

      Delete
  2. الله يشفي بنت اخوكي يارب
    المنتجات مرة تحمس عندي عينة من مزيل لانكون جاني مجانا من سيفورا بس بسالك كيف احصل على بطاقة ال vib rouge او على عضوية بسيفورا امريكا ؟؟

    ReplyDelete
    Replies
    1. اللهم آمين و جميع مرضى المسلمين..
      العضوية بسيفورا الأمريكي أنواع بس أول شي لازم تشترين منهم سواء ع النت أو إذا سافرتي
      و كل ما اشتريتي تتجمع لك نقاط
      و إذا صرفتي أكثر من ألف دولار بالسنة تصيرين عضوية
      VIB Rouge
      و تقعد معاك العضوية سنتين.. السنة الحالية و اللي بعدها..
      و العضوية هذي تعطيك خصومات مرتين بالسنة و أكواد تخفيض و هدايا
      و يبلغونك بالجديد الحصري أو اللمتد قبل البقية عشان تشترينه قبل يخلص من الموقع

      Delete