May 17, 2016

My Perfume OIls Collection زيوتي العطرية

السلام عليكم 

كيف حالكم؟
و كيف استعداداتكم لرمضان و الإجازة؟


حبيت أكتب لكم عن الزيوت العطرية اللي عندي لأن كثير بنات طلبوها مني على سناب تشات.. بالنسبة لي الزيوت العطرية أستخدمها لشعري و لأماكن النبض و كمان أخلط نقطة منها مع كريمات و زيوت الجسم بعض المرات في المناسبات.. أغلب اللي عندي روائح خفيفة و هادية و إن شاء الله تستفيدون من اختياراتي و يعجبكم الموضوع.. 


زيوت عبدالصمد القرشي مرة حلوة و متنوعة و أحب استغل الخصومات عشان أشتري منهم.. و لأني ملولة شوي آخذ دايم ربع تولة و تقعد عندي سنين ما تخلص خخ.. أكثر ريحتين أحبهم  (الحياة) و (دعاء الجنة) أحسهم مميزين مرة.. و عندي كمان (بخور) و (فواكه) و (فُل) كل واحد منهم له ريحة و جو مختلف.. لو عندكم عطور أعجبتكم من عبدالصمد القرشي ترشحونها لي بليز اكتبوا لي أساميها في التعليقات تحت الموضوع. 


زيوت ذا بودي شوب تعجبني كثيييير لأنها خفيفة و روايحها ناعمة.. عندي لايف إز قولد Life Is Gold اللي نزلوه في 2015 ريحته قوية و منعشة بنفس الوقت كأنه فيها برتقال و ليمون.. العطر الثاني هو مدغشقر فانيلا فلاور Madagascar Vanilla Flower من ذا بودي شوب برضو.. هذا ريحته تذكرني برمضان مرررة لأني أول ما استخدمته كان برمضان.. ريحته فانيلا مع ورد خفيف.. حتى حلوة للأطفال كمان 




عطر Red Musk Oud هو إصدار جديد من عطر Red Musk بس بالعود و حسب علمي إنه بس للشرق الأوسط.. الغريب إني أشم فيه ريحة عنبر و صندل أكثر من العود هههههه.. بس مرة مرة حلو و يذكرني برمضان بعد لأنه نزل و بديت أستخدمه رمضان السنة الماضية.. اللي يبون عطر شرقي خفيف مو ثقيل بيعجبهم هذا كثير ..



العطر الزيتي Black Musk من ذا بودي شوب كمان نزل قبل فترة بسيطة و ما أخفيكم إن واحد من أسباب إعجابي بالعطر هو علبته الأنيقة و الجذابة.. ريحته دافية و سويت مايل للفانيلا و الكاكاو و المسك.. ناعمة و فخمة




و أخيرا الزيت العطري Nirvana Black نيرفانا بلاك من إليزابيث آند جيمس.. أخذته من سيفورا الأمريكي بصراحة مميز مرة و عندي منه العطر العادي كمان.. ريحته دافية و أنثوية.. تقريبا ريحة نظافة و بودرة و شوي فانيلا و مسك و صندل و ورد.. 



و بس هذي زيوتي العطرية..
إذا عندكم اقتراحات لزيوت ثانية أجربها اكتبوا لي في التعليقات.. كثير بنات قالوا لي أجرب "مسك الختام" من عبدالصمد القرشي و "مسك الجسم" كمان.. إيه ترى الماجد بيسوون خصوماتهم السنوية على رمضان إن شاء الله لو فيه شي تنصحوني أجربه سواء زيوت عطرية و لا غيره خبروني بليز..

لا تنسوني من دعاكم و بنت أخوي ربي يشفيها و يعافيها.. 
في أمان الله

PEACE





4 comments

  1. حبيت موضوعك حيل وحفظت اسماء زيوت عبدالصمد القرشي بجربها
    انا عن نفسي جربت مسك الختام والمسك الابيض ورنه خلخال من عبدالصمد ريحتها تتههبل انصحك فيها وفيه كمان المسك الابيضمن اجمل حلو ريحته ورخيص بعد

    ReplyDelete
    Replies
    1. الحين مطلعين كمان أنواع جديدة تحمس.. مسك سفاري و خلطة القرشي
      نفسي أجربهم
      :D

      Delete

© ●terter thinks● | All rights reserved.
BLOG TEMPLATE HANDCRAFTED BY pipdig