Home Scents عطور البيت :)

مرحبا..

فكرت أطلع برا مجال المكياج شوي و أحكي لكم عن زيوت الفواحات..

أنا من الناس اللي كثيييير أحب أقتني هالزيوت و الفواحات و الشموع عموما..

و عندي تشكيلة لا بأس فيها و حابة أشارككم فيها..

 

  

أول شي قبل أبدأ.. عندي صينية حسيتها كيوت مرررة من مهجة.. بريالين خخ

و نفسي أستخدمها بس هي صغيرة و لطيفة فيها رسمة دبدوبين..

ما تستاهل تعيش في المطبخ و الحر بصراحة ههههههههه

فأخذتها و حطيت فيها الزيوت و خليتها داخل درج التسريحة.. أعجبني شكلها كذا للحين
شوفوا الدبدوبين .. يا حلوهم ههههه

 

 

 

المهم.. أشتري زيوت الفواحات غالبا من سنتر بوينت و ذا بودي شوب و الماجد

سنتر بوينت تبيع كذا ماركة بس كولوني و كلاريمونت آند ماي هي المحببة لي و سعر الواحد منهم 15 ريال

و مرات في الخصم توصل لـ 4 ريال..!!!

و فيه فواحات حجمها أكبر شوي بـ 24 ريال من ماركات ثانية في سنتربوينت برضو..

أما ذا بودي شوب عطور فواحاتهم تقريبا بـ 25 و الماجد تتراوح بين 20 و 40

بس في تخفضياتهم توصل لـ 10 ريال ..

وعندي زيوت قديمة مررررة ما عاد تنوجد الحين فما حطيتهم في هالبوست

قسمتهم على 4 أنواع : ورد - فاكهة - عطور - نظافة و انتعاش

و الصور تكبر إذا ضغطتوا عليها :)

. . . . . . . . . . . .

 

ورد Floral scents

هذي مجموعة بروائح الورد..

و أكثر ريحة أحبها في الورد هي ريحة الياسمين

تجذبني بشكل عجييييب و أميزها من بين أي ريحة

أحس مم.. لو للحب ريحة.. راح تكون مثل الياسمين

لو تلاحظون أغلب فواحات الورد اللي عندي إلا ما يكون فيها ياسمين :$

 

 

1- jasmine & white frangipani - The Body Shop

2- honeysuckle & jasmine - Claremont & May

3- Arabian jasmine - Scented Space

4- jasmine - ABODE AROMA

5- rose garden - Colony

6- champagne & roses - Claremont & May

7- tobacco flower - The Body Shop

 

 . . . . . . . . . . . .

 

فواكه Fruity scents

في الغالب أميل للفواكه الإستوائية و الصيفية في الفواحات

و كمان الحمضيات >> يا رب تراني مو منهم هههههه

يعني أحب ريحة الليمون و البرتقال و هيك

 

 

8- cranberry joy - The Body Shop

9- green tea & lemon - The Body Shop

10 - pomegranate & raspberry - The Body Shop

11- cherry - Claremont & May

12- mandarin & cedarwood - Colony

13- passion fruit & melon - Claremont & May

14 - فواحة منعش - الماجد للعود 

 

. . . . . . . . . . . .

 

 

عطر Perfumy scents

 هالمجموعة مدري أحس روائحها شوي قوية و كأنها عطور من جد..!!

كثير أستخدمها إذا بيجيني ضيوف .. أوجه و أفخم و أقوى و ثباتها في البيت أقوى

 

 

15- فواحة العاذرية - الماجد للعود

16- wood - ADORE

17- amber - atmosphere

18 - aloe & soft linen - The Body Shop

 

. . . . . . . . . . . .

 

 

نظافة و انتعاش Clean & fresh scents 

هالمجموعة من اسمها.. أحس كذا باسترخاء و نظافة و انتعاش يوم أحطها..

يمكن رقم 19 شوي ريحتها كأنها حلى لأنها فانيليا و عسل.. بس أحبها كثير

 

 

19- honey & vanilla - Claremont & May

20- fresh linen - Colony

21- powder fresh - Colony

 

. . . . . . . . . . . .

 

و بس..

أحب أستخدم الفواحات مع شموع آيكيا ..

تطول و جودتها مرة جميلة.. و عادي أستخدم اللي بريحة مو العادية

ما تفرق كثير خخ

 

يا رب عجبكم البوست.. و شاركوه ويا صحباتكم و أقاربكم

 

peace ()

make up for dark circles مكياج للهالات السوداء

مرحبا..

مو معقولة راح نرجع نداوم :""

هالإجازة اللي ما فيها بركة ههههههه.. يالله ع الأقل حققت شوي من أهدافي و شبعت نوم..

و الحمدلله مدونتي وصلت مشاهداتها لـ 100 ألف..!!

و حابة تشاركوني باقتراحاتكم لتطوير المدونة.. و رايكم في طريقة العرض و الصور و هالأمور

و هل أستمر بالعامي أو هل محتاجين أكتب بالفصحى ..؟

أنتظر تفاعلكم بهالخصوص ع الإيميل theguruterter@gmail.com

أو ع تويتر @TaRaNeeM

أو الانستقرام على أي صورة تحبون terter_thinks

طيب أكيد من الباندا عرفتوا راح أتكلم عن شي له علاقة بالهالات ..! خخ

كثير بنات طلبوا مني أتكلم عنها.. بصراحة أسبابها كثيرة و متعددة و مجال البحث و القراءة فيها واسع ع قوقل

ما أتوقع راح أزيد شيء في هذه النقطة

و ما أقدر أنصح بكريمات أو خلطات لأن فرص النجاح فيها متفاوتة و أحس ما لي خبرة كبيرة فيها

و بالتالي ما أبي أضر أحد .. ممكن تسألون دكتور يمكن يكون سببها عضوي و ينحل..!

بالنسبة لموضوع الكونسيلر للهالات تحت العين : استخدموا اللي تفضلونه..

بس أحسن في نظري يكون أغمق من بشرتك  درجة و يكون مايل ع مشمشي أو برتقالي..

و ممكن تحطون مصحح باللون البرتقالي و فوقه الكونسيلر اللي تحبون..

اليوم راح أركز على كيف نحط ظلال ع الجفون اللي فيه هالات غامقة و كثيرة.. و كيف نتحايل عليها

و هالشي تعلمته  من تجاربي لأني أعاني من الهالات حول عيني .. و كنت أتعب في الظلال و دمجها..

و الحين راح أشارككم خبرتي و تجاربي في هالموضوع..

أول شي مهم يكون عندك ظلين.. برتقالي و أصفر

بس ما يكونون صارخين و فسفوريين طبعا..!!

شي مقارب لهذه الدرجات أو أغمق شوي حتى

اللون الأصفر راح ندمجه أو نسنخدمه ويا الفواتح و خصوصا البيج

(البيج لون صعب جدا لأصحاب الهالات)

و البرتقالي راح نستخدمه في كسرة العين مع معظم الألوان و خصوصا البني ..

و لا تخافون غالبا هاللونين راح تكنسل السواد و ما رح تبان إنك حاطة أصفر أو برتقالي

ممكن يكونون مات أو بشيمر.. اللي تحبون

أنا عندي أصفر مات و شيمر و نفس الشي البرتقالي

إلى الآن مركزين..؟

حلو

اللي عندهم هالات و يستخدمون ظلال راح يفهمون قصدي زين..

أكيد إذا حطيتوا ظل بيج أو فاتح ع العين.. مهما تحطون منه يعطي لون مايل ع لون رمادي

صح..؟ و إذا طلع بيج تمام.. بعد ساعة يقلب ع رمادي فاتح تقريبا أو أبيض

يعني ما يصير دافي مثل ما حطيتيه أول مرة

هنا يجي دور الظل الأصفر يرجع الدفء للون البيج..

و ممكن تستخدمينه بـ 3 طرق:

* قبل الظل البيج حطي طبقة خفيفة أصفر

* تدمجينه مع الظل البيج و تحطينهم سواء مع بعض مرة وحدة

* تحطين الظل البيج عادي و تخلين الأًصفر في شنطتك مع فرشة منفوشة

إذا تغير لون الظل البيج بالفرشة حطي طبقة خفيفه من الأصفر

و شوفي السحر..!! يرجع بيج دافي زي ما كان

حتى لو أنت من البنات اللي يحبون يحطون لون فاتح لؤلؤي على مدمع العين

و تغير لونه و صار مقارب للأبيض الفضي.. سوي نفس الشي بالظل الأصفر

 طيب بكذا خلصنا من اللون الأصفر.. و نجي للون البرتقالي.. و ممكن تستخدمينه بهالطرق:

* إذا بتحطين بني ع عيونك..ينحط طبقة خفيفة قبل اللون البني عشان ما يصير مايل ع رمادي

* إذا حطيتي ظل أزرق أو أخضر أو موف مثلا.. تلاحظين  وقت دمج الظل الملون في كسرة العين

يعطي درجة مايلة لرمادي أو لون غريب كذا مو حلو..

هنا وقت البرتقالي ع فرشة دمج نحطه بكسرة العين راح يخفف هاللون البايخ و يعطي دفء للعين

* و نفس ما قلت قبل ممكن تاخذين البرتقالي معاك لأي تعديل في كسرة العين أو شي من هالقبيل

لين هنا مفهوم يا بنات..؟ يمكن اللي ما عندها هالات راح تحس كلامي غريب و مو واضح
لكن اللي عندها هالات راح تفهم إن شاء الله



طيب نصايح عامة لما تشترين ألوان الظلال :

- أي ظل حاولي يكون دافي
- دوري الدرجات المشمشي و البرونز .. كثير حلوة
- دوري ظلال كريمية مشمشي و حطيها قبل أي ظل تساعدك تخففين الهالات



سامحوني ما عندي صورة للهالات توصف كلامي
و لا عندي مودل أطبق عليها
إذا فيه نقطة محتاجة شرح خبروني و راح أعدل البوست و أتوسع فيها


peace
()

Garnier BB Cream

 

مرحبا..

اليوم راح أتكلم عن منتج كثير البنات يتكلمون عنه أو حابين يعرفون وش طبيعته..

هو البيبي كريم من قارنييه..

 

قبل كذا خلوني أكلمكم عن البيبي كريم عموما..

هو اختصار بليمش بام Blemish Balm

و هو في بدايته مستهدف لتحسين البشرة و زيادة نضارتها..

و فيه تغطية قوية و حماية عظيمة من الشمس توصل لـ 40 أو 50 ..!!

و يعطي لوك لماع و صحي.. و يستخدمونه الأسيويات كثير..

هذا البيبي كريم في مفهومه الصحيح.. و اللي بدأ في دول جنوب شرق آسيا

زي كوريا و اليابان و الفلبين.. و هالدول..

 

 

اللي منتشر الحين من كذا ماركة مثل قارنييه و لوريال و ريمل..! ماهو بيبي كريم أعتقد

هذا تينتد مويسترايزر في نظري..

لأنه ما فيهم تغطية.. و لا فيهم حماية قوية من الشمس.. و هذولي أهم خاصيتين في البيبي كريم

و فيهم مواصفات التنتد مويستشرايزر (المرطب الملون) و هي لون خفيف و ترطيب و حماية خفيفة من الشمس..!

هذا منطقي و مفهومي للبيبي كريم و التنتد مويستشرايزر..

 

 

نرجع لكريم البيبي كريم من قارنييه.. اللي في نظري أحسه مرطب ملون أو تنتد مويستشرايزر..

و هذا شكله :

 

 

فيه منه درجتين عندنا : فاتحة و وسط

سعره حدود 30 ريال في الصيدليات و السوبرماركتات

 

راح أتكلم عن الدرجة الفاتحة اللي عندي

الفاتحة مو كثير فاتحة.. عادي لو لونك وسط تشترينها

 

طيب.. راح أنقسم في كلامي قسمين..

تجربتي ع نفسي و تجربتي ع أختي و صحباتي

 

بالنسبة لي أنا بشرتي مختلطة.. و كنت حابة المنتج و متحمسة له

بس لما بديت أستخدمه انصدمت..!!

أول مرة أحس كريم يزعم إنه بيبي كريم يحسن شكل البشرة .. يبين بشرتي كبيرة و متعبة..!!

حسيته وضح سطح بشرتي كثيييير و مرة ما عجبني شكله علي.. و بعد ما فيه تغطية أبد

هذا مو السبب اللي خلاني أكرهه لسا ههههههه..

السبب اللي نفرني منه إنه خلى وجهي شكله مزيت و دهني مرررررة..

أنا أحب الدوي لوك أو المنظر الرطب للبشرة.. بس مو منظر الوجه بالزيت..

قلت ممكن لأنه فيه مرطب و بشرتي مختلطة.. فرحت مسحتها بتونك عشان تنشف شوي

و حطيته.. نفس المشكلة..!! مدري ليش..

يا ليت منظر مزيت و بشرة شكلها متعب و مرهق..

لا.. كمان ما يثبت أي نسبة رطوبة من عرق و لا موية يسيح و يصير هالمكان مايل ع أبيض..!!

حاولت أحط فوقه بودرة.. طلع حلو بس بعد ساعة رجعت نفس المشاكل

يا ربي عجزت في هالمنتج ههههههههههه

الطريقة الوحيدة اللي أستخدمه فيها الحين.. إني أخفف فيه الأساسات الثقيلة..

و جاري تدبير أمر قلعته هههههه >> مرة زعلانة أنا ..

 

 

 

طيب بالنسبة لأصحاب البشرة الجافة زي أختي و صحباتي..

GOOD NEWS

راح تحبونه ()

أختي نفسها في الدوي لوك .. و جربته هذا عطاها لوك راااائع مرة

رحت أتفحص وجه أختي لقيت بشرتها شكلها جميل من قريب مو مثلي..

و كمان إذا تعرض لأي رطوبة يبقى ثابت ما يصير أبيض نفس حالتي..!

 

حتى صديقتي مريم.. (هلا مريم كيفك؟) بشرتها جافة و كانت تسأل عن شي يعطيها مظهر لامع

و أبدت اعجابها فيه بعد ما جربته و شفته عليها فعلا عطاها نضارة و إشراقة..

 

باختصار

هذا رأيي في المنتج بكل صدق.. ممكن يكون مناسب لك حتى لو بشرتك مختلطة و يعجبك

و اللي بشرتها جافة ممكن يناسبها كثير و تحبه و يعطيها الدوي لوك اللي نفسها فيه

 

 

سلام ()

 

 

e.l.f. Studio Lip Lock Pencil

مرحبا

كثير يسألوني عن رايي في منتجات إيلف

و هي بصراحة لها مكان بخاطري كبيييير.. لأني يوم بديت في الميك أب

جربت أشتري منها أغلب الشغلات ع أساس رخيصة و أجربها و أشوف هل أنفع في هالمجال و لا لا

و خصوصا إني شفت فيديوهات عنها كثيييير قبل أشتري عشان أركز ع الشغلات الزينة و أبتعد عن الشين

و يوم وصلتني أدمنتها و صرت أشتري منها باستمرار و عجبتني جودتها كثير

فقررت أسوي ريفيوهات منفصلة كل مرة عن منتج أو إثنين منها..

لين أغطي جميع منتجاتهم اللي عندي عشان تستفيدون و تعرفون وش تطلبون من موقعهم

و إن شاء الله تعجبكم لما تجربونها..

اليوم راح أحكي عن هالقلم.. اسمه : e.l.f Studio Lip Lock Pencil

هو مثل المحدد بس كبير شوي و شفاف.. يشبه أقلام الأرواج تقريبا

ينبرم على فوق ما يحتاج براية

فكرته يثبت الروج لمدة أطول..

و يمنعه من الانتقال للخطوط الرفيعة من الجلد اللي حول الشفايف .. feathering يعني

بصراحة أنا عجبني كثيييير.. لاحظت إن الروج فوقه يثبت مدة أطول..

مو يعني ثبات لليوم الثاني خخ.. بس إذا الروج يقعد معاك ثابت 3 ساعات بالعادة ..

هذا ممكن يخليه يثبت 4 ساعات أو 5.. و لاحظت إنه يخلي الروج شوي مطفي..

يعني يخفف من لمعة الروج شوي..

أهم شي فيه إن الروج ما يطلع برا حدود الشفايف..! و هذي المشكلة كثير يعانون منها

و خصوصا إذا الروج أحمر أو فوشي .. أو غامق عموما..

بس إذا الروج مرة كريمي زي مثلا إيف سان لوران روج فيلوبت .. ما رح يمشي حاله مع هذا

و ممكن تضغطون ع اسم المنتج اللي كاتبته لكم و تقرون الريفيوز حقت الناس اللي استخدموه

أغلبها إيجابية.. يمكن السلبية اللي ذكروها بعضهم إن العلبة جودتها سيئة..

بالنسبة لي منتج سعره 3 دولارات و بطل..!! ما تهمني العلبة كثير.. و هي ماهي سيئة بصراحة

عادية جدا.. القلم عندي من سنة و شوي.. و ما انكسرت و لا شي بس انمسح اللي مكتوب عليها خخ

مدري هم دفشين و لا أنا اللي صرت ناعمة فجأة...!! هههههههه

ما فيه صور اليوم غير اللي فوق هههههههه .. ماله لون عشان أسوي له سواتش خخ

أشوفكم وقت ثاني..

()

laura mercier shimmer bloc

مرحبا..

اليوم بأتكلم عن منتج من الأشياء اللي أحبها..

اللي ممكن تستخدم لكذا شغلة.. ميزة هالمنتجات تبان في السفر بعد..

هالمنتج تسويه شركات كثيرة.. بس تظل لورا مارسييه من أكثر الشركات اللي أبدعت فيه..

و انشهرت فيه مع بعض منتجات لها..

اسمه شيمر بلوك shimmer bloc فيه منها درجات كثيرة موجودة هنا في موقعهم

و من البداية ترى ما أتذكر سعرهم زين.. :$ :$

بس بالدولار لقيت سعرها تقريبا 40 .. يعني ممكن بين 150 و 200 ريال..

عندي علبة عادية شريتها .. و علبة صغيرة حجم سفر جت ويا مجموعة سيفورا اللي ذكرتها هنا في موضوع المشتروات

من اسمها فيها لمعة كثيرة و جميلة.. بس مو قليتر.. لمعة بس..

و هي عبارة عن أربع ألوان مع بعض مضغوطين في علبة بنيّة فخمة بمراية..

العلبة الكبيرة صار لي أستخدمها ممكن سنتين و للحين فيها ملياااااان... أتوقع تكفيني العمر كله خخ

لأن لمعتة واضحة من أقل كمية ..

ميزة هالمنتج ممكن يسيتخدم ظلال.. ياااااه تعجبني يوم أحطهم ع عويناتي خخ

و ممكن الدرجات الفاتحة تستخدم هايلايت لعظمة الخد و فوق الشفاة العليا و كمان ع الأنف..

و ممكن الدرجات الغامقة بفرشة كبيرة تنحط مثل البلش أو طبقة خفيفه منها فوق أي بلش تعطي لمعة ع الخدود..

و ممكن تستخدم كمان مثل لمعة للجسم.. يعني بفرشة كبيرة تحطين شوي ع الكتوف و  عظمتين الصدر و هيك.. :$

ممم ما عندي معلومات ثانية.. بس للأسف مو موجودة بالسعودية.. بس ممكن تاخذونها من موقعهم أو من سفراتكم..

نشوف الصور؟

 

اللون الأول اللي عندي منه الحجم الطبيعي اسمه Peach Mosaic

الدرجتين الفاتحة تحت و ع اليمين أخلطهم مع بعض لهايلايت ع الخدود.. جمااااال..

و اللون الوردي يوم ينحط ع الجفن أو ع الوجه يعطي لون وردي ع ذهبي.. حلو و الله..

 

 

 

 

 

الدرجة الثانية اللي عندي بالحجم الصغير هي Golden Mosaic
قوامه أنعم من اللي قبله.. و اللون الغامق جميل لو يندمج خفيف ع الخدود..

 

 

 

 

و بس..

تابعوني ع تويتر و إنستقرام لأني أحط شوي كلام في الميك أب هنا و هناك

و سووا لي انضمام ع المدونة تلاقون زر أزرق فوق ع اليمين..

و شاركوا الرابط ويا أهلكم و صحباتكم..

 

استودعتكم الله

() 

INGLOT eyeshadows : swatches and numbers' guide

مرحبا..

كثيييير تأخرت في هالموضوع بس أخيرا سويته..

اليوم راح أتكلم عن تجربتي في الظلال المضغوطة من ماركة إنجلوت

و تحذير عظيم.. تراني مفصلة كل شي عن ظلالهم.. يعني جيبوا معاكم سناك

و إذا كنتم واقفين إجلسوا خخ..

 

إنجلوت أو إنقلوت هي ماركة بولندية تعتبر جديدة بالنسبة لنا.. لكنها حسب ما قريت موجودة من أكثر من 25 سنة

كثير يعتبرونها تقليد لماك.. لكن بصراحة هي ماركة مستقلة بذاتها و تميزت عن ماك في كم شغلة

جودة أفضل في الوقت اللي تراجعت فيه جودة ماك

سعر أرخص بينما ماك كل فترة يرتفع سعرها أكثر و أكثر

حجم المنتج كبير و مناسب لسعرها.. لكن ماك صغرت و قللت كمية بعض منتجاتها و أقرب مثال البقمنت..

تنوع خيارات البالت في نظام الحرية أو freedom system و هالشي مو موجود في ماك..

(ملاحظة : أغلب الدرجات في أنجلوت لها علب منفردة ما تدخل في البالت)

ممكن تسوين أي بالت يخطر في بالك.. بعلب أقوى و أمتن و أسعار جميلة..

مو بس بالت ظلال.. ممكن ظلال و بودرة أو بودرة و بلش.. أو بلشرات و ظلال و هكذا..

و هنا بالرابط مثال لأشكال العلب اللي ممكن تسوينها بس مو من تصويري للأمانة

و هذي مجموعتي من بالتات إنجلوت :

 

 

و العلب متينة غطاها شفاف مغناطيسي قوي.. و ممكن تحطين البالتات اللي نفس المقاس فوق بعض و يلصقون

زي كذا يوم حطيت البالتين الصغار فوق بعض :

 

 

 

 

 أسعار البالت يختلف.. مثلا اللي لونين غير عن أبو بلش و ظلال و هكذا..

و هي مب غالية.. و الحلو فيها إن ممكن تشترين البالت اليوم مثلا

و تعبينه ع مهلك.. كل شهر ظل أو حسب ميزانيتك .. 

تعبئة الظل الواحد أو الـrefill بـ 37 إلى 40 ريال.. مو فاكرة بالضبط..

و هالطريقة أنا أسويها في إنجلوت دايم.. على أقل من مهلي..

لأن بصراحة المحل يحمسك تشترين هههههههه.. و أنا ما أبي أتهور

كل مرة أدخل أجرب أجررررررب و في النهاية آخذ واحد أو إثنين راضية عنهم تمام

و  كثير أفكر و أشوف سواتشات قبل أروح لهم و أعرف ليش أبي هاللون بالذات

و أراعي ما يكون مكرر عندي من قبل.. و هكذا لين كملت 18 ظل.. في 3 بالتات..

 

فيه شي مهم.. أغلب الظلال مكتوب عليها تاريخ صلاحية

بس كلنا نعرف إن منتجات البورة مثل الظلال و البلشرات و البرونزرات

إذا حافظنا عليها و سكرناها زين.. راح تبقى العمر كله معنا.. يعني لا تشيلين هم التاريخ

 

 إنجلوت ما تتعامل بالأسامي بس بالأرقام.. مثل ميك أب فور إيفر

لكن فرقها عن ميك أب فور إيفر إن قبل أي رقم فيه حروف اختصارات تبين نوع كل ظل..

و هالحروف و الكلمات هي اللي راح أشرحها لكم اليوم..

 

 

أول نوعية من ظلالهم هي المطفية و تلاقون جنب الرقم كلمة matte

هذي الظلال من اسمها ما فيها لمعة أبد و لا قليتر و لا شي.. لون واحد و بُعد واحد للون..

عندي منها هالدرجتين و تكلمت عنهم في مفضلاتي هنا

 

  

البيج نفس لون الجلد عشان كذا مو باين.. بس أنا أستخدمه ع الجفن و يبان ..

 

 

 

 

بعدين فيه نوعين من ظلالهم يتشابهون كثير و الفرق بينهم بسيط مرة

و هم من أفضل الأنواع عندي من إنجلوت..

و هم pearl و AMC shine

بالنسبة لـ pearl فهو ظل بشيمر يعني بلمعة..

و AMC shine نفسه بس فيه قليتر صغيييير و قليل ما يبان لين تدققون مرررة..

 و مرات يجي فيه لون بسيط متداخل مع اللون الأساسي

يعني مثلا بيج شيمر بس فيه لمعة ع ذهبي.. و هكذا..

بس تقريبا نفس الشي.. و هم أكثر نوعيات أنصح فيهم..

 

 

 

 

 

 

آخر نوعين و هم يتشابهون بعد و الفرق بسيط

هم DS و AMC

كلهم ظلال مطفية نوعا ما.. بدون لمعة..

لكن فيها قليتر صغير خفيف و جميل.. القليتر فيه كذا لون حسب اللي تبين

مثلا فيه أسود بقليتر ذهبي.. و أسود بقليتر فضي و واحد بأزرق و هكذا..

بس الأغلب فيه قليتر فضي.. و بعدين قليتر ذهبي..

القليتر مرة صغير مو حفلة..!!! لا تخافون خخ.. أصلا ما رح أحد يلاحظه إلا إذا قرب منك

الفرق إن AMC حسب ما بحثت إن فيها فيتامين E و مضادة للعرق

بس بصراحة عني أنا أحسهم نفس الشي و الله و لو رحتوا المحل بتشوفون بنفسكم..

هالنوعية يبي لها طريقة معينة في الإستخدام..

إذا انحطت لوحدها أو فوق برايمر عادي.. تصير مطفية تمام و يروح منها القليتر الخفيف

و إذا تبون القليتر يبان لازم ظل كريمي أو كونسيلر عشان يمسك فيه القليتر

 

 

كل السواتشات حقت الظلال الـ AMC و الـ DS سويتهم بدون برايمر.. طالعين مرة مطفيين

بالنسبة لي إذا أبي القليتر يبان أستخدم برايمر تو فيسد حق القليتر.. مرة ممتاز لهالنوعية من إنجلوت

 

 

و بس.. هذا اللي عندي من معلومات عن ظلال إنجلوت..

و من الصور راح تعرفون وش الألوان اللي أحبها أكثر و حفرتها حفر ههههههه XD

و إذا حابين شوي معلومات عن البقمنت اللي عندهم طلوا ع الريفيو حقي هنا

 

و إذا تبون تشوفون سواتشات لأي منتج من إنجلوت سواء ظلال أو بلشرات أو أكحال و غيره

شوفوا هنا رابط منتدى أجنبي متجمعين و مسوين سواتشات لأي شي يجربونه من إنجلوت

 

و هنا تلاقون ريفيو لي من زمااااان ع التمبلر عن قطرة ديورالاين

 

و ممكن تكتبون في اليوتيوب INGLOT و تتفرجون ع المشتروات و الدروس و الآراء

عندي منهم شوي مناكيرات و أرواج.. تبون ريفيو عنهم..؟!

و سلامتكم..

()

Natural \ long-lasting DIY rosy blush..!

 

مرحبا..

هالمنتج أوحت لي فكرته أختي الله يسعدها..

و حبيت أسويه لكم..

الصور مو راضية عن بعضها.. :(

بس تؤدي الغرض إن شاء الله..

و قولوا لي إذا تبون أغيرهم لصور أحسن شوي :$

 

راح نسوي سوا بلش وردي يومي و ثاااابت.. و طبيعي أهم شي

و عادي لو نمتي فيه أعتقد لأنه مرة طبيعي و حنون ع البشرة خخ..

 

 

 

المقادير XD

 

علبة فاضية (خذيتها من مهجة لها أحجام و ألوان )

كريم مرطب للوجه (حبذا إذا بشرتك دهنية أو مختلطة تدورين شي خفيف مو ثقيل )

دم الغزال من أي عطار ( يسمونه العكر الفاسي و هو المكون الأساسي خخ )

أعواد قطن عشان نخلط فيهم..

واقي شمس (اختياري مو ضروري)

 

 

نجيب دم الغزال البودرة من العطار.. هالكمية بـ 15 ريال و أتوقع راح يورثونها أحفاد أحفادي لأنها مرة كثيرة و مركزة

و انتبهوا قبل تبدون تحطون سفرة بلاستيك أو شي يحمي المكان لأن دم الغزال فيه خاصية توسيخ أي شي يجي عليه ههههههه

 

 

نجيب العلبة اللي راح نسوي فيها البلش.. و نحط فيها مرطب الوجه بكمية تناسبكم.. و أنا استخدمت واقي كمان

لأن الواقي فيه لون أبيض شوي و ممكن يخفف حدة لون دم الغزال.. أختي سوته من دون واقي.. فـ اللي يريحكم :)

و حطوا كمية قلييييييييييلة من دم الغزال .. اللي بالصورة كثير ع فكرة من حماسي هههههه.. حاولوا تحطون أقل

 

 

و نخلطهم.. إذا حسيتي إن البلش الكريمي صار أحمر مرة زيدي واقي أو مرطب .. و ترااا.. خلصنا

 

 

بعد ما خليته يوم لاحظته غمق شوي في العلبة.. عشان كذا أعيد و أكرر قللوا دم الغزال خخ

نشوف السواتش هنا :

 

 

و سويت شوي إبداع  مثل ما تشوفون بالصورة الأولى ..
و لونت الغطاء بمناكير يعني عشان يبان كأنه غالي و ذا خخ

 

أفضل طريقة لاستخدامه هو كمية قليلة بـ فرشة ستيبلنق .. لأنه يصبغ اليدين شوي..

و راح يبقى ع الخدود مدة طويييييييلة مرررررة توصل مرات لليوم الثاني..!!!

و هو مناسب كثير للوك اللي يسمونه العرائس الروسية.. لما يكون البلش كثير شوي و باقي الوجه طبيعي و ناعم..

أو يكون الروج غااامق مرة و العيون ما فيها إلا مسكرة و قليل كحل..

مثل هالصور.. لاحظوا البلشر أكثير من الكمية المعتادة و صارخ..

 

 

 

 

 

 

 

 

 

 

 

 

 

إلين هنا و كل شي مفيد للبشرة و ماهو مكياج بقدر ما فيه شغلات طبيعية.. و عادي لو نمتي فيه..

 

نجي لتجاربي الخاصة .. حولته لمنتج مكياج لازم تمسحينه قبل تنامين..

ممكن تخلطين معاه شوي أساس كمان.. يخلي لونه وردي دافي و أفتح شوي..

و ممكن تخلطون معاه شوي بقمنت شيمر بيج أو هايلايتر كريمي يعطي دوي لوك ع الخدود.. 

و ممكن يستخدم دم الغزال ع الشفايف و يعطي لون أحمر صااااارخ..

بس لازم تكون الشفايف مو متشققة و مترطبة زين قبلها بكم ساعة..

و حطي قبل تحطينه مرطب و طبطبي فيه بأصبعك ع الشفايف و شوفي اللون الفاقع الجميل..!!

عموما راح أفرح كثيييير بتطبيقاتكم و تجاربكم.. ع تويتر أو انستقرام أو الإيميل..

أشوفكم وقت ثاني.. لا تنسون تشاركون المدونة مع صحباتكم و أقاربكم..

 

و بس

()

peace