laura mercier shimmer bloc

مرحبا..

اليوم بأتكلم عن منتج من الأشياء اللي أحبها..

اللي ممكن تستخدم لكذا شغلة.. ميزة هالمنتجات تبان في السفر بعد..

هالمنتج تسويه شركات كثيرة.. بس تظل لورا مارسييه من أكثر الشركات اللي أبدعت فيه..

و انشهرت فيه مع بعض منتجات لها..

اسمه شيمر بلوك shimmer bloc فيه منها درجات كثيرة موجودة هنا في موقعهم

و من البداية ترى ما أتذكر سعرهم زين.. :$ :$

بس بالدولار لقيت سعرها تقريبا 40 .. يعني ممكن بين 150 و 200 ريال..

عندي علبة عادية شريتها .. و علبة صغيرة حجم سفر جت ويا مجموعة سيفورا اللي ذكرتها هنا في موضوع المشتروات

من اسمها فيها لمعة كثيرة و جميلة.. بس مو قليتر.. لمعة بس..

و هي عبارة عن أربع ألوان مع بعض مضغوطين في علبة بنيّة فخمة بمراية..

العلبة الكبيرة صار لي أستخدمها ممكن سنتين و للحين فيها ملياااااان... أتوقع تكفيني العمر كله خخ

لأن لمعتة واضحة من أقل كمية ..

ميزة هالمنتج ممكن يسيتخدم ظلال.. ياااااه تعجبني يوم أحطهم ع عويناتي خخ

و ممكن الدرجات الفاتحة تستخدم هايلايت لعظمة الخد و فوق الشفاة العليا و كمان ع الأنف..

و ممكن الدرجات الغامقة بفرشة كبيرة تنحط مثل البلش أو طبقة خفيفه منها فوق أي بلش تعطي لمعة ع الخدود..

و ممكن تستخدم كمان مثل لمعة للجسم.. يعني بفرشة كبيرة تحطين شوي ع الكتوف و  عظمتين الصدر و هيك.. :$

ممم ما عندي معلومات ثانية.. بس للأسف مو موجودة بالسعودية.. بس ممكن تاخذونها من موقعهم أو من سفراتكم..

نشوف الصور؟

 

اللون الأول اللي عندي منه الحجم الطبيعي اسمه Peach Mosaic

الدرجتين الفاتحة تحت و ع اليمين أخلطهم مع بعض لهايلايت ع الخدود.. جمااااال..

و اللون الوردي يوم ينحط ع الجفن أو ع الوجه يعطي لون وردي ع ذهبي.. حلو و الله..

 

 

 

 

 

الدرجة الثانية اللي عندي بالحجم الصغير هي Golden Mosaic
قوامه أنعم من اللي قبله.. و اللون الغامق جميل لو يندمج خفيف ع الخدود..

 

 

 

 

و بس..

تابعوني ع تويتر و إنستقرام لأني أحط شوي كلام في الميك أب هنا و هناك

و سووا لي انضمام ع المدونة تلاقون زر أزرق فوق ع اليمين..

و شاركوا الرابط ويا أهلكم و صحباتكم..

 

استودعتكم الله

()