MUFE Powder Fan Brush (face brush)

مرحبا

أكيد كلنا نحب الدوي لووك.. اللي هو وجه مضيء ماهو مليان شيمر و لمعة و لا هو مطفي بالكامل..

و كثير منا يتسآل عن الفرشة المناسبة..

أكيد اللي يعرفني و متابعني من زمان يعرف إني مجنونة فرش و جربت كل الماركات تقريبا..

سيقما - سيفورا - إيلف - مكياجي - بودي شوب - كوستال سنتس - مهجة

أكيد كل هالماركات بطلة و معروفة و فيه منها فرش روعة..

بس مثل فرشتنا اليوم.. للهايلايت بالذات..! ما فيه و عن تجربة..

هي فرشة ميك أب فور إيفر فان برش.. الكبيرة :

هالفرشة أول ما خذيتها قبل خمس سنوات ممكن..كانت بـ 170 ريال.. أتوقع الحين أغلى شوي..

و للآن ما طاحت منها شعرة وحدة..!! فرشة بطلة..

من مجموعة البروفيشنال في ميك أب فور إيفر .. و مو متوفرة بالمحلات العادية في الغالب

لأن مو الكثير يطلبها.. بس ممكن تلاقونها في جدة  في شارع التحلية في محل ميك أب فور إيفر

ممم السوق اللي مقابل جدة مول اللي كان فيه سيفورا و شالوه و حطوا مكانه إتش آند إم >> عليك وصف خخ

معليش ما يحضرني اسم السوق نفسه ههههههه..

صور أقرب شويتين :

الفرشة يجي معها بلاستيك عشان يحافظ عليها و شكلها ما يخرب

مالها رقم معين بس هي الفان برش للوجه.. فيه نوع ثاني من نفس الماركة بس أنحف.. هذي اللي بالريفيو كثيفة ..

الفرشة شعراتها ناعمة بس تلقط المنتج بسرعة و بالكمية الصحيحة..

و الشعرات مرصوصة بشكل ممتاز و كثيفة ماهي نحيفة زي ما تشوفون هنا :

 في الموقع مكتوب عليها للبودرة و ممكن للبلش.. و مني أقول لكم تصلح للبرونزر و الهايلايت..

أهم شي منتجات بودرة مو كريمية

و من يوم جربتها و أنا ما أستخدم غيرها للهايلايت .. من خمس سنوات..!

لما أمررها ع المنتج و أحطه ع عظمة الخد و الأنف تعطي دمج مذهل بصراحة

ما أحس الهايلايت (الإضاءة) كثيرة و مكتلة.. و لا أحسه ملأت المسامات ..

تسوي زي الطبقة خفيفة .. جربتها مع كذا هايلايت عشان أختبرها و لازالت تعطيني نفس النتيجة الرائعة..

يااااه تخونني الكلمات في وصف مشاعري تجاه هالفرشة خخ

أتوقع مثالية بعد للبلشرات اللي تركيزها عالي مرة عشان تخليها خفيفة ع الخد..

أول خطوة تسوونها.. تسكرون الجهاز و تركبون السياارة و تشترونها هههههههه..

أشوفكم وقت ثاني..