Mar 31, 2013

Home Scents عطور البيت :)

مرحبا..
فكرت أطلع برا مجال المكياج شوي و أحكي لكم عن زيوت الفواحات..
أنا من الناس اللي كثيييير أحب أقتني هالزيوت و الفواحات و الشموع عموما..
و عندي تشكيلة لا بأس فيها و حابة أشارككم فيها..
 
  
أول شي قبل أبدأ.. عندي صينية حسيتها كيوت مرررة من مهجة.. بريالين خخ
و نفسي أستخدمها بس هي صغيرة و لطيفة فيها رسمة دبدوبين..
ما تستاهل تعيش في المطبخ و الحر بصراحة ههههههههه
فأخذتها و حطيت فيها الزيوت و خليتها داخل درج التسريحة.. أعجبني شكلها كذا للحين
شوفوا الدبدوبين .. يا حلوهم ههههه
 
 
 
المهم.. أشتري زيوت الفواحات غالبا من سنتر بوينت و ذا بودي شوب و الماجد
سنتر بوينت تبيع كذا ماركة بس كولوني و كلاريمونت آند ماي هي المحببة لي و سعر الواحد منهم 15 ريال
و مرات في الخصم توصل لـ 4 ريال..!!!
و فيه فواحات حجمها أكبر شوي بـ 24 ريال من ماركات ثانية في سنتربوينت برضو..
أما ذا بودي شوب عطور فواحاتهم تقريبا بـ 25 و الماجد تتراوح بين 20 و 40
بس في تخفضياتهم توصل لـ 10 ريال ..
وعندي زيوت قديمة مررررة ما عاد تنوجد الحين فما حطيتهم في هالبوست
قسمتهم على 4 أنواع : ورد - فاكهة - عطور - نظافة و انتعاش
و الصور تكبر إذا ضغطتوا عليها :)
. . . . . . . . . . . .
 
ورد Floral scents
هذي مجموعة بروائح الورد..
و أكثر ريحة أحبها في الورد هي ريحة الياسمين
تجذبني بشكل عجييييب و أميزها من بين أي ريحة
أحس مم.. لو للحب ريحة.. راح تكون مثل الياسمين
لو تلاحظون أغلب فواحات الورد اللي عندي إلا ما يكون فيها ياسمين :$
 
 
1- jasmine & white frangipani - The Body Shop
2- honeysuckle & jasmine - Claremont & May
3- Arabian jasmine - Scented Space
4- jasmine - ABODE AROMA
5- rose garden - Colony
6- champagne & roses - Claremont & May
7- tobacco flower - The Body Shop
 
 . . . . . . . . . . . .
 
فواكه Fruity scents
في الغالب أميل للفواكه الإستوائية و الصيفية في الفواحات
و كمان الحمضيات >> يا رب تراني مو منهم هههههه
يعني أحب ريحة الليمون و البرتقال و هيك
 
 
8- cranberry joy - The Body Shop
9- green tea & lemon - The Body Shop
10 - pomegranate & raspberry - The Body Shop
11- cherry - Claremont & May
12- mandarin & cedarwood - Colony
13- passion fruit & melon - Claremont & May
14 - فواحة منعش - الماجد للعود 
 
. . . . . . . . . . . .
 
 
عطر Perfumy scents
 هالمجموعة مدري أحس روائحها شوي قوية و كأنها عطور من جد..!!
كثير أستخدمها إذا بيجيني ضيوف .. أوجه و أفخم و أقوى و ثباتها في البيت أقوى
 
 
15- فواحة العاذرية - الماجد للعود
16- wood - ADORE
17- amber - atmosphere
18 - aloe & soft linen - The Body Shop
 
. . . . . . . . . . . .
 
 
نظافة و انتعاش Clean & fresh scents 
هالمجموعة من اسمها.. أحس كذا باسترخاء و نظافة و انتعاش يوم أحطها..
يمكن رقم 19 شوي ريحتها كأنها حلى لأنها فانيليا و عسل.. بس أحبها كثير
 
 
19- honey & vanilla - Claremont & May
20- fresh linen - Colony
21- powder fresh - Colony
 
. . . . . . . . . . . .
 
و بس..
أحب أستخدم الفواحات مع شموع آيكيا ..
تطول و جودتها مرة جميلة.. و عادي أستخدم اللي بريحة مو العادية
ما تفرق كثير خخ
 
يا رب عجبكم البوست.. و شاركوه ويا صحباتكم و أقاربكم
 
peace ()

9 comments:

  1. يعطيك العافيه ياعسل
    تحمست اجرب اللي من سنتر بوينت وكمان حقت ذا بودي شوب اللي بالياسمين
    خصوصا اني مثلك اميل له كثر ❤.❤

    ReplyDelete
    Replies
    1. إيييه جربيه و قولي لي ..
      الله يعافيك :$

      Delete
  2. ممكن تشرحي شوي لو تقدري كيف ريحة العنبر والعسل ؟ لأن أحيانا بعض روائح العنبر تكتمني وبعضها أدوخ عليها وأدمنها

    ReplyDelete
    Replies
    1. ممم مدري شلون أشرح لك..
      اللي بالعسل و الفانيليا ريحتها جاية كأنها توفي..
      أحسن تشمينها بنفسك .. :$ :$
      معليش و الله ما أعرف شلون أشرحهم لك
      :(

      Delete
  3. ريحة fresh linen من أحلى الروايح اللي جربتها
    تدوينة رائعة يعطيكِ العافية يا جميلة
    ♥♥♥

    ReplyDelete
  4. لما شبهتي ريحة الياسمين بالحب ًhow romantic
    حلوة مدونتج واتابعج من زمان

    ReplyDelete
  5. صراحة مدونة جميلة الله يعطيك العافية، حبيت اسألك فين الاقي كولوني وكلاريمونت اند ماي في جدة ؟

    ReplyDelete