INGLOT DUOCHROME PIGMENTS الواااااو بذااااتووو

السلام عليكم..
كيف حالكم..؟
اليوم حابة أتكلم عن بقمنت خذيتهم من إنجلوت..

 

 

بس هم مو من النوع العادي..!! لا من النوع اللي يسمونه دووكروم
duochrome
وش معنى هالكلمة..؟ معناها إن الظل يجي فيه لونين متداخلين سوا
ع النور يبان لون و الظل أو الثنيات يكون لون ثاني
هالتأثير موجود في الظلال و المناكير غالبا و بكذا ماركة.. و نادر يوجد في الأرواج و القلوسات
عموما مو موجودة كثير منتجات عندنا من هالنوع.. بس أنا من زمااااااان نفسي في هالدرجات بالذات من ماركة إنجلوت 
 يالله قد إيش كان نفسي أشتريهم بس قلت لازم أسيطر ع الهوس اللي فيني.. كل ما مريت أتفرج فيهم و لا أشتري
و في يوم كنت مرة متحطمة و حزينة و معنوياتي نااازلة و نفسيتي تعبانة حييييل...
رحت و قلت خليني أشتري 2 منهم و أسعد نفسي .. و قبل أمس رحت خذيت اللونين الثانية خخ..
>> كسرت خاطر نفسي هههههههه

المهم شريتهم..


خذيت رقم 22 لونه موف فاتح.. و فيه شيمر توبي ع ذهبي.. لون مميز و الله
بس شوي قوامه خشن فأفضل طريقة ينحط فيها بالأصبع أو بفرشة مبلولة بموية
أو بخاخات المكياج أو قطرة ديورلاين.. أو فوق ظل كريمي..

و شريت رقم 81 لونه عودي ع أحمرو فيه لمعة برتقالي و برونز.. لون جريء جدا

و أخذت 84 لونه ذهبي ع زيتي مايل للأخضر الفاقع نوعا ما و فيه شوي عودي

و رقم 85 لونه تركواز جمييييل جددددا مو فاتح و لا غامق و فيه بنفسجي..

إذا لازم تشترون إثنين منهم أنصحكم أكثر شي في رقم 85 و 81

 

 
 باقي الدرجات من البقمنت عندهم عادية زي اللي نعرفها في البقمنت عموما.. بس هذولي المميزات في نظري
سعر الواحد 80 ريال... بس تستاااااااهل.. وحدة من زميلاتي راحت اشترت مثلهم علطول من شافتها علي خخ

مهم ترى لما تحطونها تكثرون شوي عشان يبان هالتأثير..
إذا حطيتوا خفيف ممكن ما يبين معاكم إلا اللون الأساسي..
و أفضل شي ويا هالظلال يكون الوجه هادي جدا من دون بلش بس برونزر و روج نود..
لأنها لحالها كافية.. و إن شاء الله خلال الأسبوع الجاي راح أنزل بوست الظلال الجريئة و كيف نحطها..
و بس.. أشوفكم وقت ثاني

()

Hello everyone



I just got these AMAZING pigments from INGLOT here in Jeddah. They are

duochrome ones. It means they have two shades mixed together. You find
. this effect in many products such as lipsticks , lip glosses , nail polishes etc
 You can see the colors with the numbers above. Each one costs 80 S.R
and they worth the price honestly . All of the shades can be applyed dry
 with a brush . The only one that needs a bit of work is 22 . It has chunky
 glitter so I suggest applying it with your finger or wet to see how
BEAUTIFUL the color is! That's all

 

see ya