لازم أستخدم هالمنتجات must use products

 

 
السلام عليكم..
 
حبيت أسوي شي مختلف ع المدونة ..
لما أسافر غالبا آخذ معاي أشياء ما أستخدمها كثير عشان أضطر أستخدمها لأن ما معاي غيرها
بس الحين سفراتي صارت أقل للأسف و بالتالي ما صرت أستخدم كثير من منتجاتي ..
ففكرت كل أسبوع أحط في علبة شوي منتجات ميك أب ما استخدمها كثير
مو لأنها سيئة.. و لا كان ما شريتها من الأساس .. لأني أذاكر أغلب المنتجات قبل أشتريها هههههه
و اللي ما يعجبني أجربه بكذا لوك و شكل.. و إذا ما ناسبني مرة أصرفه علطول لوحدة يناسب وجهها و لونها من قريباتي و صديقاتي
 
نرجع لموضوعنا..
و بعد أبي أجدد في طلتي اليومية و أغير الألوان و هيك..
و خلال الأسبوع الجاي راح أحاول أدخل هالمنتجات في مكياجي اليومي
و راح أتكلم عن توقعاتي في كيفية استخدامهم .. و ممكن هذا يفيدكم في تنسيق الألوان بالنسبة للظلال و الأرواج
ما باستخدمهم لوحدهم طبعا.. راح أستخدم شغلات ثانية كمان بس التركيز بيكون عليهم
و لهالفكرة .. أخيرا لقيت استخدام  لعلبة إيف سان لوران اللي عطوني إياها هدية مع مجموعة مشتروات

 

 
 
نبدأ بالظلال..
 

 
بالت من نكس اسمه i dream of st. marteen فيها بيج و بني بارد و ذهبي و زيتي فاتح و توبي..
مدري تباع لسا و لا لا ..كنت أستخدم البني البارد في آخر البالت لحواجبي كثير زمان..
 و البيج تحت الحاجب.. راح أرجع أستخدمهم و أستخدم الباقين كمان
 
و جنبه قلم الظل الكريمي باللون الزيتي من سيفورا.. تكلمت عنه بالتفصيل هنا
ناوية أسوي فيه رسمة ظل يشابه الكات آيز عريض .. ممكن أحط معاه ظل أنتيك .. شوي أقول لكم عنه
 
 

 
 
بقمنت وردي من ميك أب فور إيفر معاه لمعة ذهبية مررررررة حلوة.. للأسف الرقم انمسح
بس عندي نفسه من نكس اسمه برينسس.. اللي حابة هاللون و ما لقته في ميك أب فور إيفر راح تلاقيه في نكس..
 
بعدين بقمنت من نكس اسمه أنتيك.. لونه زيتي بشيمر خفيف..
حطيت صورته في تويتر العام و جاني رد يقول هذا لون حنا خخ
ما عليه راح أستخدمه هذا الأسبوع لو ع الأقل مرة..
اللي بعده بيقمنت من نكس برضو اسمه أورو.. لونه برونز ع مشمشي
لمعته جدا جميلة و يبي لي أرجع أستخدمه هالأسبوع .. أفكر أجربه إضاءة خفيفة فوق البلش..!
ممم.. أشوف أنا بعدين خخ
 
علبة من تو فيسد شريتها من أسوس قبل سنة تقريبا أو أكثر.. جاء معها قلوش و فرشة و برايمر و شنطة صغيرة..
شفتهم يبيعونها في سيفورا قبل فترة هنا.. المهم فيها ظل بيج و ظل بني فاتح و كلهم بشيمر.. و أحسني ما أستخدمهم كثير
راح أستخدمهم.. و الدرجة الفاتحة تنفع هايلايت لعظمة الخد.. معاهم بلش وردي وسط بقليتر خفيف ذهبي
برضو ما أستخدمه كثير.. جا وقته هالأسبوع خخ..
 
و نكمل بالبلشرات
 

 
بلش من إيلف اسمه كاندد كورال النسخة الأرخض من كوراليستا من بينفت..
كثير يقولون هو البديل لنارس أورقازم .. بس هذا مايل شوي ع مشمشي و أورقازم مايل ع وردي..
هالدرجة من إيلف فيها شمير خفييييف... و حلو لكل يوم.. لأني صايرة أميل للبلشرات البرونز و الروز الغامق
قررت أرجع أستخدم مشمشي... و هو كمان لون البلش الكريمي من ميك أب فور إيفر رقم 12
هذا لازم حذر في توزيعه لأنه مرة مركز و نقطة وحدة تكفي الخدين و تزيد..
كنت أستخدمه كثييييير و ما أتوقع حد قد وصل للنص في هالمنتج مثلي بالرغم من كثر بلشراتي ههههههههه...
و راح أحاول أستخدمه أكثر هالأسبوع..


نجي للأرواج

نبدأ من اليمين ورا .. هذا روج عينة من إيف سان لوران رقم 09 من مجموعة روج بير كوتور..
 عودي فاتح ع فوشي غامق.. توه جديد عندي قلت خليني أكرفه هههههه... و مناسب للخريف و الشتاء..
اللي بعده بعلبة فضي فاتح هذا روج من إيلف من مجموعة الدولار.. اسمه جيبسي.. لونه فوشي غامق ع عنابي..
من شريته ما استخدمته غير 4 أو 5 مرات.. قلت أستخدمه الحين لأنه مناسب لهالوقت ..
آخر شي هذا  ريفلون اسمه روزي نود..روجي المفضل من زمان..
بس من كثرة الأرواج و هيك نسيته.. باقي فيه شوي قلت أستخدمه و أخلصه و بعد فترة أرجع أشتريه ..
لونه لحمي وردي بني.. يميل للوردي أكثر.. حلو لكل يوم ..
درجته وسط و مرات أطبطب منه شوي ع شفايفي و يعطيني لوك طبيعي جدا..
و هنا السواتشات حسب ترتيب كلامي اللي فوق

  

 

أفكر أحط أورو البرونز ويا روج جبسي..
و أفكر ويا الروج نفسه جيبسي أحط رسمة الكات آيز بالظل الكريمي..

و راح أستخدم الظل البني من توفيسد مع روج إيف سان لوران..
و البيج ممكن أستخدمه مع نفس الروج كمان..

البقمنت الوردي راح أحط معاه روج نود و برونزر..

و البلش الوردي ممكن أحط معاه كات آيز أسود بس و روج جبسي

و بس...
قولولي إذا أعجبتكم الفكرة ..؟ راح أستمر فيها كل أسبوعين..
و أشوفكم وقت ثاني... و الله يعين ع النكد بكرة هههههههههه


سلام