Mar 3, 2017

My Quick/Lazy Makeup (NO BRUSHES NEEDED)

السلام عليكم و رحمة الله

كيف حالكم؟ 

هالموضوع سبق و ذكرته بشكل سريع على سناب تشات و حبيت أعيده هنا بالتفصيل أكثر..
 بعض الأحيان تجيني مشاوير سريعة مرة أو طلعات قصيرة أو ضيوف الفجأة!! على فكرة مرررة أنقهر من الناس اللي تطب على الواحد فجأة.. مهما كان يا جماعة ترى ما فيها شيء تعطون خبر بزيارتكم قبلها بيوم أو ع الأقل بساعة ساعتين..
 ما علينا..  في هالحالات أحتاج مكياج سريع جدا بحيث يعطي وجهي حياة و نضارة.. و الحلو في المنتجات اللي بأوريكم إياها اليوم إنها ما تحتاج فرش خارجية و تحتاج بس أصابع نظيفة خخ..



دايما أحب أبتدي بالعيون سواء مكياج سريع و لا على مهل.. و أول شي أحطه إذا كنت مستعجلة هو الآيلاينر.. مدري ليش بعد ما عدلت الصورة و رفعتها اكتشفت إني ما صورت الآيلاينر ههههههه.. عموما في هالفترة أستخدم آيلاينر من إربن ديكاي و تكلمت عنه بالتفصيل في هالرابط.. و بعد ما أخلص منه أحط قلم كحل أسود أو بني جوا العين و أمده لخط الرموش السفلي و أموهه بإصبعي عشان يبان كانه سموكي ناعم من تحت.. و مرات أحط كحل بيج جوا العين.. و بكذا انتهى مكياج العين لو كان معي دقائق زيادة حطيت قلم ظل كريمي و دمجته قبل الآيلاينر و شوي مسكرة.. في الصورة قلم الظل الجديد من ذا بودي شوب و جددددا ممتاز ثابت و ما يخطط.. و لو حابين خيارات ثانية شوفوا هالرابط.. بعد العيون أسوي حواجبي و أحسن منتج للشنطة و للزنقات هو جل الحواجب كا براو من بينفت لأنه سريع و ثابت و فرشته معاه.. كتبت عنه في هالرابط..


أنتقل بعدها للوجه.. الهالات أخفيها بكونسيلري المفضل من ميك أب فور إيفر.. أحط قليل منه بإصبعي و أدمجه بالطبطبة.. تكلمت عنه في أفضل منتجات الهاي إند في هذا الرابط.. بعده استخدم بالت الكونتور برضو من ميك أب فور إيفر و ليش اخترته بالذات لأن فيه كل الدرجات اللي أحتاجها لوجهي و لأنه كريمي سهل أستخدمه بأصابعي بسرعة.. أحط من اللون المشمشي على خدودي و خلاص.. لو معاي وقت أكثر سويت كونتور باللون البني و حطيت هايلايت من البيج اللماعي على عظمة الخد و الأنف.. و لو معاي وقت أكثر كمان حطيت من البيج العادي على بعض المناطق بوجهي بدل الأساس..


آخر شي الشفايف و ما عندي خيار محدد على حسب المزاج و المتوفر.. مرات أحط محدد أو روج بني أو وردي غامق.. أو قلوس أو حتى مرطب شفايف بلون زي حق ديور..  بس لو أبي اللوك حقي يبان متكلف و متعوب عليه أحط روج قوي مثلا أحمر أو فوشي غامق أو عنابي أو عودي.. هذي الألوان علطول تعطي قوة و تزيد من فخامة المكياج و مرات تشتت الانتبهاه عن المكياج السريع اللي مسويته بباقي وجهي هههههه.. 


يا رب يكون موضوعي عجبكم و شاركوني مكياجكم السريع في التعليقات 
و لا تنسوني من دعاكم..


PEACE

4 comments

  1. حبّيت فكرة البوست💖قود لك امول😙💗

    ReplyDelete
  2. ياعيني على الجمال ، يختي ساعات فعلا نحتاج السمكرة السريعة

    ReplyDelete
  3. كونسيلر ميك اب فورايفر مت جد عشق
    عجبتني فكرة تمويه الكحل تحت العين
    شكرًا على الالهام ��
    اخيرًا عرفت ارد ��

    ReplyDelete
  4. مرحبا اختي .. أقدم لك خدمة تصمميم لمدونتك إذا حابه .. شرفيني بمدونتي

    ReplyDelete

© ●terter thinks● | All rights reserved.
BLOG TEMPLATE HANDCRAFTED BY pipdig