DEBORAH baked blushes

 

 

 

السلام عليكم

 

اليوم عندي ريفيو عن بلشرين من النوع البيكد من ماركة ديبورا الإيطالية..
اللي تشوفونهم جابتهم لي صديقتي من ميلان.. بس موجودة عندنا هالماركة في سنتر بوينت.. و في جدة عند سوق الكورنيش و البلد.. أسعارهم رخيصة نوعا ما بس ما أذكر بكم بالضبط..
ماركة جميلة و الله بس ما خذت حقها في النت و بجد تستاهل التجربة..
 

 

 

اخترت درجتين .. ع اليمين رقم 59 و اسمها MOGANO
لونها وردي غامق ع موف.. بس مرة جميلة ع الخد..

و ع اليسار الدرجة رقم 52 و اسمها TERRACOTTA
لونها برونز ع مشمشي طبيعية ..

 

البلشرات فيهم شيمر.. و قليتر صغير ما يبان ع الخد..

 إذا تعرفون بلش أورقازم من نارس؟
هذا أقل لمعة و قليتر منه.. يعني ما يخوف ههههههه..

 

 

معلومة مو مهمة كثير بس في العلب من تحت فرشة ههههههههه..
ما تنفع للبلش أبدا لأنها جدا صغيرة ..

بس ممكن تستخدم لدمج الظلال و لو إنها شوي خشنة

 

 

 

عموما البلشرات حبيتهم كثيييير و أنصحكم فيها..

 

 

.

 

 

ملاحظة ع جنب كذا.. شكله في أحد يحاول يهكر المدونة

و كل ما دخلت أنا أو أنتم يطلع نافذة فيها الإيميل و الباسوورد

كل اللي عليكم تسوون كانسل أو إلغاء و خلاص..

و لا رح يصير شيء لكم بإذن الله.. هدفه إنه يخرب علي و عليكم

بس ورووه إننا أقوى و لا يهمنا و راح نستمر في المدونة

 

 

 

bluuueee my mind!

مرحبا

اليوم ريفيو سريع و مختصر خخ

لما شفت فيديو كاميليا الأخير تحمست أكتب لكم عن أفضل ظل أزرق كحلي عندي

هو من ميك أب فور إيفر رقم 167

الظل بشيمر بس مو كثير .. و أحب أستخدمه أكثر شي في كسرة العين مع ظل بيج
أو فو ق الكحل عشان يقوي اللون تحت أو فوق العين.. و ممتاز للسموكي كمان..

اللون قوي جدددددا و هنا في السواتش بس تمريرة وحدة!!

ممكن يكون أقوى لو حطيتي منه كذا طبقة..
اشتريته من زمان ما أدري بكم الحين ممكن 90 .. بس حقيقة يستاهل أي سعر خخ

و بس.. جبت لكم فيديو كاميليا إذا حابين تشوفونه:
http://m.youtube.com/watch?v=LpQa0k1e5xQ

و سلامتكم

سووا لي فولو ع تويتر @TaRaNeeM
و ع انستقرام @terter_thinks

و قولوا لي وش حابين تشوفون المرات الجاية

My Fall Lippies

السلام عليكم

 

 

 

 

 

طبعا عندنا في السعودية صيف طول السنة و نقطة شتاء في بعض الأماكن..

ما عندنا خريف و لا عمري شفت الربيع الطلق اللي يختال ضاحكا خخ.. الحمدلله

 

بس كثير أحب مكياج الخريف و ألوانه.. أكثر من مكياج الصيف و الربيع

الألوان تكون دافية و غامقة و تناسبني كثير كـ عربية..

و لما نتكلم عن أرواج الخريف غالبا تكون أحمر غامق و عودي

و بني و عنابي و حتى الوردي..

 

و اليوم اخترت لكم أفضل أرواج و قلوسات الخريف اللي أستخدمها كثير في هالفترة

عندي غيرهم  طبعا بس إصدار خاص و خلصت ما تنباع..

و ما منه فايدة أحطها و ما تقدرون تلاقونها

 

 

 

نبدأ من اليمين لليسار :

 

- لب بتر من ريفلون اللون 030 Fig Jam تكلمت عنه هنا بالتفصيل

- روج من إيلف مجموعة الدولار اسمه Posh

- قلوسي لب ستاين من إيلف سان لوران رقم 2

- روج أوتوماتيك من قيرلان رقم 170

قلوس من نكس رقمه 116  و اسمه VIXEN

 

و السواتشات بنفس الترتيب :

 

 

شاركوني أرواج الخريف المفضلة فيكم هنا في الردود

أو ع تويتر @TaRaNeeM

أو انستقرام @terter_thinks

 

peace

My Trusted Skin Care Products!

السلام عليكم

 

 

 

 

 

 

اليوم حبيت أكلمكم عن منتجات أستخدمها كثير في العناية اليومية بالنسبة لي
أستخدم غيرها بين فترة و الثانية.. بس كثير أرجع لها لأني مرتاحة عليهم الحمدلله
أحب أخبركم قبل أبدأ إن بشرتي مختلطة إلى دهنية :)

 

1- منظف بايوديرما للعين و الوجه :
هذا قصة عشق مالها نهاية..!! شوفوا باقي فيها قليل مرة
و هذي ممكن العلبة 10 اللي أستخدمها
الحلو فيه حاجتين.. أولا  ينفع منظف و مزيل مكياج سايل مرة و نقي مثل الموية و ما يتعب العين ..كذا مرة دخل في عيني بالغلط و لا صار لي شي.. بس لا تحطونه في عينكم ههههههههه
و الشي الثاني ينفع للكسولات لأنه مو لازم تغسلين وجهك بموية أو غسول بعده
و يمكن هذا أكثر شي حببني فيه .. نهاية اليوم أكون مرهقة و أبي أخلص من التنظيف بسرعة..

فيه بنات يشتكون و يقولون إنه ما ينظف..!! بالعكس بس هو له طريقة معينة
جيبي قطنة من النوع الزين الناعم و حطي فيها منه و كثري شوي.. و حطي القطنة على عينك و خليها شوي قبل ما تمسحين عشان يذوب المكياج في المنظف..

و تنظيف  الوجه سهل ما يحتاج تخلينها شوي مثل العين..

سعره حدود 80 ريال و يقعد معاك من شهر إلى شهرين حسب احتياجك
موجود في الصيدليات كلها الحين.. و مرات يكون عليه عروض

 

 

2- تونر الورد من بوتانكس و هي ماركة تنباع في صيدليات بووتس..
اللي يعجبني إنه أورقانيك و خفيييف..ينظف مسامات بشرتي و يسكرها و ينعش الوجه
و يخفف الدهون لفترة من اليوم .. العلبة الحين الظاهر تغير شكلها بس الاسم نفسه
أستخدمه بعد المنظف أو بعد الاستحمام ع وجهي و قبل ا أحط المرطب..

 

 

3- زيت جوزي مارين .. هالزيت يستخدم لجميع أجزاء الجسم و منها الوجه و الشعر
قوامه زيتي خفيف مو ثقيل مرة.. و أستخدمه بكمية قليلة لوجهي في الليل قبل النوم
يرطبه و يخليه ناعم و إذا قمت الصباح تكون البشرة امتصته خلاص..
في اليوتيوب يحطونه ع أطراف الشعر بعد.. مدري كم سعره بالضبط
و ينباع ع النت .. حقي خذيته من سيفورا فرع أمريكي

 

 

4- سيروم بالسيويد للمسامات من ذا بودي شوب.. بالنسبة لبودي شوب دايم أدخل
الموقع الأمريكي و أقرا آراء الناس عن المنتجات قبل أشتريها و يفيدني هالشي كثير
و هالسيروم لقيتهم يمدحونه كثيييير و اشتريته.. أحب أحطه ع الأماكن اللي فيها مسامات عندي : الأنف و الخدود و بين الحاجب و الذقن و أدلك شوي لين تمتصه البشرة.. و بعده أحط المرطب العادي.. و ممكن ينحط قبل المكياج كمان
قوامه خفيف مرة و بارد.. أول أسبوع ما حسيت بنتيجة بصراحة و جاني إحباط
بعد كذا لاحظت إنه المسامات صغرت شوي (ما تختفي عموما المسامات)

و صار شكلها أحسن
أخذته في الخصم و أتوقع للحين عليه خصم..

سعره قبل حدود 80 ريال بس في الخصم تقريبا 60
مو متأكدة بس حلو مرة و علبته كيوت خخ

 

 

5- مهما أجرب مرطبات شفايف في الكون مثل هذا ما فيييييه.. لا لا أرجوكم ما فيه خخ
اسمه كارمكس و الشركة عندها كذا نوع بس هذا النوع أفضل اللي جربته و بدون نكهة
الحلو فيه إنه يعالج الشفايف بسرررعة.. يعني لو شفايفك مقطعة و ناشفة و تبين حل سريع هذا هو..!! بعد دقايق تلاحظون الشفايف نااااعمة.. و اللي يحببني فيه أكثر هو حماية من الشمس بنسبة 15.. يعطي شعور حلو للشفايف زي النعناع كذا يعجبني..
سعره حدود 4 دولار خذيته من برا.. ينباع ع النت في أمازون و أسوس
و سمعت بنات يقولون ينباع في التميمي.. أي تميمي و أي مدنية ما أدري ههههه

 

 

6- كريم للعين من بوتس للبشرة الحساسة.. كريم ماهو معقد و لا فيه شغل كثير
مرطب لمنطقة العين مو أكثر.. أحب بساطته و تمتصه البشرة بسرعة
أحطه الصباح و قبل المكياج و في الليل قبل النوم.. و في أي وقت أحسني محتاجة ترطيب.. ينباع زي ما قلت في بووتس و سعره مو غالي حدود 30 أو 40 ريال

 

 

7- بيوتي فلاش بام من كلارنس .. هذا المنتج غريب و معقد في تركيبته بس مفعوله ممتااااز..عرفته من أختي كانت تمدحه لبشرتها الجافة و لما قريت عنه لقيته ينفع لباقي البشرات.. هو مرطب - يعطي نضارة و منظر صحي للبشرة - برايمر - قناع
ماهو أساس..!!! لا ..!!!عشان أكون واضحة من البداية خخ
طريقته تحطين نقط صغيرة ع الوجه كله و بعدين طبطبي طبطبة..
أبدا لا تفركين.. لأن مركباته الكيميائية تتفكك و ما عاد يعطي مفعول
و راح تلاحظين إنه إذا كثرتي و فركتيه ع وجهك راح يتفتت معاك
مو الكل يعجبه تأثير هالمنتج خصوصا الناس اللي تحب تشوف التغيير الواضح مرة
هو يخلي بشرتك صحية مرة و فيها نضارة و لمعه خفيفة و إذا حطيتوه قبل المكياج
يخلي الأساس و البلشر حلو و يثبته و الأهم من هذا ملمس بشرتك جدا رطب و ناعم..
أحب أحطه أول شي في الصباح و ع بال ألبس و أتجهز للشغل أرجع و أكمل مكياج..
سعره حدود 200 ريال.. بس ما تحتاجين كمية كبيرة منه و راح يطول معاك
اكتبوا في قوقل و شوفوا الحكي عنه.. و كفاية ليزا إيلدرج تعتبره من منتجاتها المفضلة

:$ :$

8- إليزابيث آردن آيت أور كريم.. و الله مستحية منكم يا جماعة ههههههه
مو أول مرة أتكلم عنه.. و عشان ما أكرر الحكي تفضلوا هنا و إقروا عنه أكثر..
و على فكرة العلبة القزاز هذي إصدار خاص و خلص.. الحين ينباع
في أنبوب عصار أبيض

هالأشياء غالبا ثابتة عندي ..
بالنسبة للمرطب اليومي و الواقي و كذا هذي كثير أغيرهم و أجرب
ما أقدر أعطيكم خيارات واضحة في هالشغلتين..

و بس..

 

أشوفكم وقت ثاني إن شاء الله
لا تنسون تتابعوني ع تويتر @TaRaNeeM
أو ع الانستقرام @terter_thinks

See Ya

 

 

BB creams \ tinted moisturizers (PART3\3)

السلام عليكم

 

اليوم بإذن الله آخر جزء في سلسلة الكريمات..

و يا ليت قبل تقرون هالجزء تطلون ع الأجزاء السابقة :$

 

 

 

ع اليمين البي بي كريم من قارنييه للبشرة الدهنية و المختلطة سعره تقريبا 30 ريال
قوامه سايل جدا بس مركز.. و فيه حماية من الشمس بنسبة 20  ..

فيه درجتين منه فاتحة و وسط.. هذا عكس القديم تماما..!! جدددددا حبيته

تغطيته متوسطة لكاملة.. أنا أعتبره أساس بصراحة!!
أحب الأساسات السايلة و هذا منهم.. ما تحتاجين كمية كبيرة لأنه مركز مثل ما قلت لكم
حبيت توزيعه بالأصابع أكثر من الفرش..

 الحلو فيه إنه ينشف لمظهر مطفي ما تحتاجين بودرة بعده
و يعبي المسامات نوعا ما و ما هو معطر ..أنصحكم فيه كثير :)

 

ع اليسار البي بي كريم من لانكوم.. ناسية سعره بصراحة..
فيه منه درجتين بس وقت ما أشتريته ما لقيت إلا هالدرجة الفاتحة
فيه فلاتر و حماية من الشمس بنسبة 50..

 لما ينحط ع الوجه يعطي لون شوي أبيض ع رمادي
نفس حق ذا بودي شوب اللي تكلمت عنه أول السلسلة..

عشان كذا أخلطه مع مرطب أو مع أساس ما أستخدمه لحاله.. ممكن لو إني خذيت الدرجة الغامقة ما كنت أحتاج إلا له لحاله بدون شي..

الحلو فيه يعطي الوجه لوك نضر و دوي خفيف.. مع الأيام و الاستخدام المستمر
لاحظت إنه يحسن البشرة و يخليها صحية

 

و بس..

 

إن شاء عجبتكم السلسلة هذي.. و تكون مفيدة لكم..
إذا جربتوا أي شي غيرهم و تنصحوني فيهم خبروني ع تويتر أو انستقرام أو ع الإيميل
و أشوفكم قريب إن شاء الله

 

PEACE

BB creams \ tinted moisturizers (PART2\3)

مرحبا

نكمل السلسلة اليوم إن شاء الله مع هالمنتجين :

 

 

 

 

 

ع اليمين تنتد مويستشرايزر من بينفت.. فيه منه فاتح مثل اللي عندي اسمه يو ربل لايت
و فيه الغامق و علبته حمراء و اسمه يو ربل.. سعره تقريبا 140 ريال
هذا ثاني مرة أشتريه.. فيه ترطيب ممتاز و خفيف مو ثقيل ع البشرة و فيه حماية 15
و فيه لون بسيط.. هذا كان منتجي المفضل بس لأني نقلت جدة مع الحر و الرطوبة
و بشرتي مختلطة إلى دهنية صار يسيح معاي .. للحين أحبه و أستخدمه مع الأساسات الثقيلة يخففها ..و أستخدمه في الزيارات البسيطة.. و إذا سافرت في منطقة جافة آخذه معاي.. ريحته مررة تعجبني :$ :$
تغطيته خفيفة جدا.. يعني يعطي نضارة أكثر من كونه يغطي
إذا بشرتك جافة راح يعجبك في كل الأحوال إن شاء الله..

 

ع اليسار التنتد مويستشرايزر من لورا مارسييه الخالي من الدهون للبشرات الدهنية و المختلطة.. فيه نفسه بس علبة بيج للبشرات العادية و الجافة.. درجتي فيه Nude
الحلو فيه إنه يعتبر أساس نوعا ما..

فيه درجات كثيييرة تناسب الجميع و فيه حماية شمس بنسبة 20

هنا في موقع كارلا شقر سواتشات كل الألوان

للحين هو أحسن شي جربته في عالم التنتد مويستشرايزر..

و مرات أستخدمه مع كونسيلر للمناسبات يغنيني عن الأساس الثقيل
تغطيته متوسطة إلى كاملة.. سعره ناسيته بس أكيد فوق 100 ريال

في السعودية مو موجودة الماركة حسب علمي لازم طلب من برا..
 و موجودة في موقع سيفورا و محلاته خارج السعودية

 

 

 

مهم يا جماعة تقرون كل التقارير اللي سويتها في السلسلة قبل تقررون اللي تشترونه
عشان تعرفون بالتفصيل إيش يناسب كل بشرة و ميزة كل نوع و ليش اخترتهم..

 

 

نلتقي بكرة في آخر جزء من هالسلسلة
:)

BB creams \ tinted moisturizers (PART1\3)

السلام عليكم..

اليوم راح أبدا سلسلة لبنات الجامعة و للموظفات..

هي عن الأساسات الخفيف و المرطبة و البي بي كريم
راح أعرض لكم 6 أنوع في 3 أيام.. اليوم و بكرة و بعده ..

بس قبل ما أبدا راح أعطيكم شوي معلومات مهمة

 

+ أنا كنت أسكن في منطقة جدا جااافة.. و كنت أستخدم منتجات فيها ترطيب قوي و كذا
بس لما نقلت جدة هالمنتجات ما عاد تناسبني مو لأنها سئية بس لأن جدة حر و رطوبة
و صارت تسيح علي كثير ما تثبت زي زمان.. هذا شي

 

 

+ الشي الثاني ممكن بشرتك تختلف عن بشرتي أنا مختلطة تميل للدهنية..
يعني أي شي فيه ترطيب عالي راح يناسبك لو بشرتك جافة مهما كان الجو

 

 

+ الشي الثالث البي بي كريم الأصلي و الأساسي في شرق آسيا مختلف عن اللي عندنا..
يعني ما ألاحظ اللي عندنا يعالج و لا يصفي البشرة مثل اللي ينباع في شرق آسيا زي كوريا و اليابان
و لا  فيه نسبة الحماية الكبيرة من الشمس مثلهم إلا فيما ندر..
اللي عندنا أعتبره أساس مرطب خفيف (tinted moisturizer)
مو بي بي كريم.. بس حطوا هالاسم لأنه الموضة الحين خخ

 

 

+ الشي الرابع بعض البي بي كريم اللي راح أتكلم عنه يعطي لوك أبيض للوجه يعني يناسب البشرات الفاااتحة.. و الوسط مثلي ممكن يخلطون معاه أساس ثاني مناسبهم أو يحطون منه شوي مع المرطب اليومي

 

 

+ و لا تشترون أي شي لين أخلص السلسلة عشان تاخذونه فكرة أكثر
و هالمنتجات رأيي الشخصي فيها .. يعني جربيها في المحل أول ممكن ما تعجبك

 

 

 

 

اليوم راح أبتدي بمنتجين من ذا بودي شوب:

 

 

ع اليمين بيبي كريم من مجموعة فيتامين إي E.. الحلو فيه أن لونه وسط يناسب البشرات الوسط و السمراء شوي.. سعره تقريبا 60 ريال.. هالكريم من النوع اللي بيناسبني لو كنت لسا ساكنة في بيئة جافة.. يعني لو كنتي ساكنة في مكان ناشف بيعجبك.. لأنه يرطب كثير..و راح يناسب أي وحدة تعاني من الجفاف في بشرتها عموما..

قوامه غني جدا و يرطب.. و قريت تقارير ناس كثير تمدحه في النت

و خصوصا اللي بشراتهم جافة.. شخصيا عشاني بجدة و بشرتي مختلطة إلى دهنية

يسيح معاي و ما يثبت..

تغطيته خفيفه لوسط.. و يتوزع بسهولة ع الوجه..

 

 

 

ع اليسار بيبي كريم من مجموعة مويستشر وايت من ذا بودي شوب سعره تقريبا 70 ريال.. عطوني منه عينة قبل فترة في فرع الحجاز و جربته ع وجهي و جددددددا حبيت التأثير.. أنا أستخدمه قبل الأساس أو التنتد مويستشرايزر.. لأن لونه أبيض شوي و ع البشرة يقلب رمادي..

شوفوا الصورة مبين الفرق بين لوني و لون الكريم.. بس لأن تأثيره رووووعة حبيته..
يعبي المسامات و يعطي دوي لوك و نضارة للبشرة و يصفيها مدري كيف ...!!!
فيه حماية من الشمس 25..
إذا بشرتك بيضاء مررررة راح يعجبك و إذا وسط مثلي لاااازم تستخدمينه زي الواقي أو البرايمر .. مرة ما ينفع لحاله عشان لونه.. للأسف إذا بشرتك سمراء ما أنصحك فيه..

و إن شاء الله بكرة بإذن الله نكمل.. خلوكم قراب
:)