DEBORAH baked blushes

 

 

 

السلام عليكم

 

اليوم عندي ريفيو عن بلشرين من النوع البيكد من ماركة ديبورا الإيطالية..
اللي تشوفونهم جابتهم لي صديقتي من ميلان.. بس موجودة عندنا هالماركة في سنتر بوينت.. و في جدة عند سوق الكورنيش و البلد.. أسعارهم رخيصة نوعا ما بس ما أذكر بكم بالضبط..
ماركة جميلة و الله بس ما خذت حقها في النت و بجد تستاهل التجربة..
 

 

 

اخترت درجتين .. ع اليمين رقم 59 و اسمها MOGANO
لونها وردي غامق ع موف.. بس مرة جميلة ع الخد..

و ع اليسار الدرجة رقم 52 و اسمها TERRACOTTA
لونها برونز ع مشمشي طبيعية ..

 

البلشرات فيهم شيمر.. و قليتر صغير ما يبان ع الخد..

 إذا تعرفون بلش أورقازم من نارس؟
هذا أقل لمعة و قليتر منه.. يعني ما يخوف ههههههه..

 

 

معلومة مو مهمة كثير بس في العلب من تحت فرشة ههههههههه..
ما تنفع للبلش أبدا لأنها جدا صغيرة ..

بس ممكن تستخدم لدمج الظلال و لو إنها شوي خشنة

 

 

 

عموما البلشرات حبيتهم كثيييير و أنصحكم فيها..

 

 

.

 

 

ملاحظة ع جنب كذا.. شكله في أحد يحاول يهكر المدونة

و كل ما دخلت أنا أو أنتم يطلع نافذة فيها الإيميل و الباسوورد

كل اللي عليكم تسوون كانسل أو إلغاء و خلاص..

و لا رح يصير شيء لكم بإذن الله.. هدفه إنه يخرب علي و عليكم

بس ورووه إننا أقوى و لا يهمنا و راح نستمر في المدونة