BB creams \ tinted moisturizers (PART2\3)

مرحبا

نكمل السلسلة اليوم إن شاء الله مع هالمنتجين :

 

 

 

 

 

ع اليمين تنتد مويستشرايزر من بينفت.. فيه منه فاتح مثل اللي عندي اسمه يو ربل لايت
و فيه الغامق و علبته حمراء و اسمه يو ربل.. سعره تقريبا 140 ريال
هذا ثاني مرة أشتريه.. فيه ترطيب ممتاز و خفيف مو ثقيل ع البشرة و فيه حماية 15
و فيه لون بسيط.. هذا كان منتجي المفضل بس لأني نقلت جدة مع الحر و الرطوبة
و بشرتي مختلطة إلى دهنية صار يسيح معاي .. للحين أحبه و أستخدمه مع الأساسات الثقيلة يخففها ..و أستخدمه في الزيارات البسيطة.. و إذا سافرت في منطقة جافة آخذه معاي.. ريحته مررة تعجبني :$ :$
تغطيته خفيفة جدا.. يعني يعطي نضارة أكثر من كونه يغطي
إذا بشرتك جافة راح يعجبك في كل الأحوال إن شاء الله..

 

ع اليسار التنتد مويستشرايزر من لورا مارسييه الخالي من الدهون للبشرات الدهنية و المختلطة.. فيه نفسه بس علبة بيج للبشرات العادية و الجافة.. درجتي فيه Nude
الحلو فيه إنه يعتبر أساس نوعا ما..

فيه درجات كثيييرة تناسب الجميع و فيه حماية شمس بنسبة 20

هنا في موقع كارلا شقر سواتشات كل الألوان

للحين هو أحسن شي جربته في عالم التنتد مويستشرايزر..

و مرات أستخدمه مع كونسيلر للمناسبات يغنيني عن الأساس الثقيل
تغطيته متوسطة إلى كاملة.. سعره ناسيته بس أكيد فوق 100 ريال

في السعودية مو موجودة الماركة حسب علمي لازم طلب من برا..
 و موجودة في موقع سيفورا و محلاته خارج السعودية

 

 

 

مهم يا جماعة تقرون كل التقارير اللي سويتها في السلسلة قبل تقررون اللي تشترونه
عشان تعرفون بالتفصيل إيش يناسب كل بشرة و ميزة كل نوع و ليش اخترتهم..

 

 

نلتقي بكرة في آخر جزء من هالسلسلة
:)