The Body Shop Color Crush Eyeshadows

السلام عليكم..

 

كيف حالكم..؟ و ع البركة اللي خلصوا امتحاناتهم

و الله يوفق اللي لسا باقي لهم و يعينهم ..

 

قبل ما أبدأ التقرير حقي أحب أقول لكم إني رجعت فتحت الآسك حقي

و راح أحاول أجاوبكم قد ما أقدر.. إسألوني و اكتبوا لي وش حابين تشوفون 2014

http://ask.fm/terterthinks

 

 

جتني أسئلة كثيييرة و طلبتوا رأيي في ظلال ذا بودي شوب الجديدة

و هي مجموعة كلر كراش Color Crush

 

 

الظلال حجمها صوغنن و جميل و علبتها أنيقة و منها 30 لون تقريبا

و فيها تنوع كثير و خصوصا في الألوان المطفية!!

 

 

 

عندي منهم 3 ألوان :

بيج مطفي رقمه 110 Stand By Me

أحبه كثييير هاللون جدا ناعم ينفع للجفن و تحت الحاجب

 

برونز فاتح شيمر رقمه 201 Melt My Heart

اسم اللون عذبني و الله :$ :$ .. المهم لونه جميل و ناعم

أما إذا بشرتك سمراء أو وسط يااااااه.. روعة..!!

 

اللون الثالث لون مرة مميز رقمه 315 Mon Cherry

إذا شفتوا نيكد 3 هذا أحسه من نفس ألوان هالبالت

وردي غامق مايل ع الموف أو العودي.. و مرات أحسه يميل للبني

درجة روعة و الله و تنفع بلشر لو اندمجت زين

 

 

 

نشوف السواتشات و نكمل ؟

 

 

قوام الظلال حلو و زي الزبدة و يختلف عن القوام لظلالهم القديمة

بصراحة ظلالهم القديمة أحسها كانت متكتلة و مدري كيف

و يمكن هذا اللي خلى البنات يترددون يجربون المجموعة الجديدة

بس أنا انبهرت و الله..!! يعني بجد جودة ممتازة

و ممكن تجربونها في المحل و تتأكدون بأنفسكم

اللي لازم أقوله إن الظلال الشيمر ماهي مرة لمااااعة

لمعتها هادية.. و هالشي مرة حلو للناس اللي تحب الظل اللي لمعته وسط
أما إذا تبين لمعة قوية مررررة و كذا ما بتناسبك..

بالنسبة للثبات أنا أستخدمها فوق برايمر إربن ديكي و ما عندي مسكلة أبدا
 و ما جربتها بدونه لأن جفوني تدهن بسرعة فـ عموما لازم برايمر
مع أي ظل و من أي ماركة
 

 

أخيرا..

الظلال اشتريتهم بنفسي ما عدا واحد جابته لي وحدة هدية ربي ما يحرمني منها

سعر الواحد منها 50 ريال.. بس أوقات يكون عليهم خصم

زي ما وريتكم في الإنستقرام قبل فترة و خذيت الظل الواحد بـ 34 ريال

عشان كذا تابعوني ع الانستقرام عشان ما تفوتكم أخبار الخصومات خخ

 إن شاء الله إذا جاء خصم ثاني راح أشتري كم لون في بالي لسا

 

جبت لكم روابط فيها سواتشات أكثر تفيدكم بهالخصوص

اضغطوا ع كل نجمة فيها رابط غير : *  *  *  *

 

و بس.. أشوفكم بعدين إن شاء الله

لا تنسوني و جدتي من دعواتكم..

 

 

 

PEACE

ARTDECO eyeshadow

 

السلام عليكم..

 

كيف حالكم جميعا..؟ و كيف استعداداتكم للاختبارات..؟

الله يوفقكم و يبارك لكم في أوقاتكم و يوفقكم و يفرحكم بالدرجات العالية

 في الدنيا و الآخرة..

 

 

 

لما سافرت صديقتي لأروربا و زارت كم دولة

بحثت في النت عن ماركات ما تنباع عندنا عشان أوصيها عليها

و من ضمنها كيكو الإيطالية و كاتريس الألمانية وآرت ديكو الألمانية برضو

بس للأسف ما أمداها تروح إلا لمحل كيكو..

كنت حزينة وقتها لأني شفت ريفيوهات و سواتشات عن أرت ديكو بالذات

في المدونات الأجنبية و نفسي فيها كثير..

 

و تفاجأت إنها تنباع في قزاز..!!! مدري وين كنت عايشة بصراحة خخ

المهم قررت أجرب منها الظلال كبداية.. و خذيت هاللونين

أرقامهم واضحة في الصور

 

 

الظلال حجمها نونو مرة صورتها جنب أصبعي خخ

 

 

اليمين وردي فاتح مع بيج.. ع الجفن يبان بيج أكثر.. قوامه Satin

 يعني فيه لمعة خفيف مرة..

و ع اليسار أحمررررر غامق مطفي .. مغامرة خخ

بس حبيته في الدمج مع البني و يبان ع عودي شوي ع العين يعني ما يخوف

 

نشوف السواتشات؟

 

 

 

الحلو في هالماركة إنها مثل إنجلوت يمديك تسوين بالت ظلال

فيه كذا مقاس للبالتات.. فيه لونين و فيه ثلاثة ألوان و إلين 12 لون

و ممكن بعد تحطين ظلال و معها بلشرات..!

اضغطوا ع النجوم هذي في كل نجمة صورة من النت للبالتات

* * * * * * * *

الظلال و البلشرات كلهم فيهم مغناطيس من وراء للمعلومية

 

 

في النهاية أحب أقولكم إني حبيتهم كثير و أنصحكم فيها..

أسعارهم رخيصة.. نوعا ما.. و زي ما قلت لكم هي حصرية في قزاز

عندهم منتجات ثانية كثير بس ما قريت عنهم لسا..

و كثير بنات قالوا لي إن حنان النجادة تستخدم آرت ديكو كثير و مايا اللبنانية بعد

ما كنت أعرف هالمعلومة بس أكيد خلتني أثق في الماركة أكثر..

 

 

إذا جربتوا شي منها و أعجبكم خبروني عليه أشوفه و أجربه

و بس..

 

لا تنسوني و جدتي من دعاكم..

()

 

PEACE

مفضلات نوفمبر November Favorites

السلام عليكم..

 

اليوم راح أحكي لكم عن مفضلاتي الشهر اللي فات..

ع فكرة أنا ما أسوي مفضلات كل شهر ..  بس بين فترة و الثانية و هيك

 

نبدأ بالمكياج وش رايكم؟

 

 

أولا:

هالشهر رجعت أستخدم بالت سليك للبلشرات و اسمه Pink Sprint

كنت ناوية أشتري اللي اسمه sugar بس ما حصلت لي الفرصة

و خذيت هذا و الحمدلله إني اشتريته ..

ألوانه وردية غامقة و مرررة جميلة للخريف و الشتاء.. و التون حقها بارد مو

دافي و رايحة شوي ع البنفسجي.. و هذا لفتني فيها لأن أغلب اللي عندي من بلشرات تكون دافية و مايلة للبرونز أو المشمشي

فهذا بالنسبة لي مختلف و مميز..!!  طبعا ممكن تنفجعون

من شكل العلبة و الألوان القوية بس إذا كان الاستخدام خفيف و ناعم

تطلع رائعة و تبان طبيعية و فخمة

و أكثر لونين استخدمتهم هالشهر هم اللي في الأطراف..

اللي عجبني في البالت إنه ممتاز كظلال برضو

 

ثانيا:

برونز من مجموعة العسل من ذا بودي شوب

الدرجة اللي عندي أغمق شي و هي رقم 4.. صحيح إنها الأغمق بس

في الواقع هي وسط مو مرة غامقة و تناسب البشرات الوسط

إذا بشرتك فاتحة جربي رقم 3..

رقم 1 و 2 جدددددا فاتحين و ما أتوقع تناسب ألا البيض مرررة..

عموما أنا أحب أمده من الخدود لين قريب من الإذن بفرشة كبيرة

يصير زي البلشر و كونتور و يعطي دفئ للوجه بدون مبالغة

 

ثالثا:

ظل بيج مطفي من ذا بودي شوب..  مجموعة الظلال الجديدة كلر كرش

 رقمه 110 و اسمه Stand By Me

هاللون من أول ما طلعت المجموعة و أنا كل مرة أدخل ذا بودي شوب أجربه

و قبل أسبوعين كان عليه خصم و صار بـ 34 و قبل كان 49 ريال و شريته

و من يوم اشتريته و أنا أستخدمه شبه يوميا لتحت الحاجب

و كم مرة استخدمته ع الجفن كله مع ظل غامق في كسرة العين

(عندي من الظلال الجديدة 3 ألوان.. تبون ريفيو مفصل عنهم؟)

 

 

رابعا:

بالت نيكد 1 المشهور اللي أحسه صار من ضروريات البنات و مقومات الحياة

الماء و الهواء و نيكد ههههههه... بجد عند كل البنات في كل العالم..

المهم رجعت أستخدمه كثير الشهر اللي فات و خصوصا darkhorse

لحواجبي و buck لكسرة العين و لكونتور الوجه بعد .. و لون sin في مدمع

 العين و إضاءة للوجه.. و سويت سموكي كذا مرة بلون smog

 

نيكد 2 كان نفسي فيه كثير.. بس بعد ما نزل نيكد 3 أحس إني أحتاج وجوده 

في حياتي أكثر من نيكد 2 هههههههههه.. وش رايكم إنتم؟

 

 

خامسا:

أرواج وت آند وايلد هالشهر كثير استخدمت هاللونين

بني زي الشوكلاتة اسمه Mocha-licious و رقمه 914C

عودي فاتح ع مشمشي و اسمه Spiked with Rum و رقمه 915B

ثابتين و حبيتهم و كفاية سعرهم الرخيص

(عندي 4 ألوان من أرواج وت آند وايلد ..تبون ريفيو مفصل عنهم  برضو؟)

 

 

سادسا:

 مناكيري المفضل هالشهر من تشاينا قلايز اسمه Admire و رقمه 695 

 إيه أنا ما أحب المناكير الأنثوية و الناعمة زي الوردي و الأحمر خخ

أحس مدري ههههه..  أحب الغوامق و الميتاليك و اللي فيها أبعاد غريبة

ما عندي درجات وردي لكن هاللون لفتني لأنه مو وردي عادي

وردي ميتاليك .. يعني كأنه معدن محطوط ع الأصابع.. أغلب مناكيري ميتاليك

المهم مو مرة أنثوي في نظري عشان كذا حبيته خخ

 

 

طولت عليكم ؟ صحصحوا معاي.. نجي لمفضلات العناية :
 

 

أولا:

الشهر اللي فات حاولت أخلص العينات اللي عندي و منهم

عينة كريم العين من لانكوم و اسمه Genifique Yeux

ح ب ي ت ه .. حبيته كثير و الله.. خفيف ع العين و تمتصه بسرعة

و نفس الطرف اللي تستخدمينه في وضع الكريم ع عيونك بارد و حلو

مدري عن الحجم الكبير في كميته و سعره.. لا تسألوني الحين

 
 

ثانيا:

عينة كريم النهار من كلارنس اسمه Daily Energizer Lotion

قوامه يرطب بدون ما تحسين إنه ثقيل و يدهن بالبشرة و فيه حماية 15

ريحته حلوة بعد كأنها برتقال..وش فيه أحسن من كذا..!!

برضو مدري عن كمية الحجم الأساسي و سعره للحين

 

ثالثا:

سيروم من مجموعة Nutriganics من بودي شوب و اسمه

Drops of Youth.. شريته بعد ما قريت كثير يمدحونه في موقعهم

سعره حدود 100 ريال.. ينحط قبل الكريم المرطب..

استخدمت نص العلبة للحين .. و لاحظت في الشهر اللي فات إن بشرتي

 تحسنت و كان هذا تقريبا الشي المشترك في كل الأيام مع أي كريم

مرطب أحطه..

 

 

رابعا:

زبدة العسل و اسمها هوني مينيا من ذا بودي شوب

ما رح أتكلم عنها كثير شوفوا الريفيو هنا و تعرفون حالة الغرام :$

 

 

خامسا:

مرطب الشفايف إي أو إس eos

أتوقع إني الوحيدة اللي توها تجربه خخ

الناس منقسمة قسمين في هالمرطب.. إما تمدحه و هو اللي غير حياتها خخ

أو تسبه سسسسسب.. و أنا حبيت أشوف أنا من أي نوع :$ :$

بصراحة عجبني.. مو زي كارمكس (الحب خخ) بس جميل مابه شي

و ترطيبه يدوم وقت طويل و طعمه جميل..

أعجبني و نفسي أجرب نكهات ثانية.. وش تقترحون؟

سادسا:
و آخر شي سيروم الرموش من مافالا شريته من قزاز بـ 50 ريال تقريبا
هو يبي له مدة لين يبان مفعوله.. بس لاحظت خلال استخدامي له الأسبوع
و النص اللي فاتوا إن رموشي صارت أقوى..!!
و كثير بنات مدحوه و متفائلة فيه للآن


و بس..
لي طلب بسيط .. إذا جربتوا شي من اللي تكلمت عنهم قبل أو الحين
و أعجبكم..؟ قولولي عنه أو صوروا لي إياه
 لأني كثير أفرح و أتحمس لما أقرا كلامكم و أشوف الصور..

PEACE
 

The Body Shop Color Crush Lipsticks

 

مرحبا

 

 

اليوم راح أتكلم عن مجموعة أرواج ذا بودي شوب الجديدة و اسمها كلر كرش..
و ذا بودي شوب أرسلوها لي عشان أجربها

و الله يسعدهم خلوني أختار الألوان اللي أبغاها

كعدت أجربها شهرين قبل أعطيكم رأيي
و مثل ما تعرفوني هذا التقرير هو رأيي الصريح و الحقيقي

 

 

 

المجموعة نازلة من زمان من شهر رمضان تقريبا بس مو كل الألوان
و الحين كل الألوان نازلة عندنا الحمدلله و سعر الواحد منها 59 ريال
الأرواج هذي تختلف العلب حقتها بعضها بني و بعضها وردي و فيه أحمر..
بس مدري ع أي أساس بصراحة اللي عندها فكرة تكتب لي
المهم في النهاية شكلهم حلو هههههه.. و اللي حبيته إن الغطاء من فوق شفاف..

 

 

اللي يميز هالأرواج الترطيب.. و اللون فيها أقوى
و بصراحة غيرت فكرتي عن أرواجهم القديمة اللي ما كنت أحبها

 ثباتها زي أي روج عادي من ساعتين إلى 4 أو حسب أكلك و هيك..
بس اللي لاحظته إن الروج يصبغ الشفايف نفسها زي التنت tint
يعني ممكن يروح الروج عادي مع الأكل و كذا بس يبقى اللون صابغ الشفايف
خصوصا في الألوان الغامقة و الفاقعة.. و هالشي مررررة حبيته

 

 

 

فيه نقطة ثانية إن الأرواج هذي كريمية مرة نفس أرواج إيف سان

لوران مجموعة روج فيلوبت ..بالتالي الألوان الفاقعة ممكن تطلع برا

حدود الشفايف شوي و هالشي ممكن ينحل بمحدد قبل الروج
أو بودرة حول الشفايف أو تطبطبي بمنديل فوق الروج عشان يخف الترطيب

 

 

 

نجي الحين بالتفصيل على كل لون لحاله من اليمين لليسار :

 

 

 

Color Crush 220 

 

روج نوووود فاتح.. زي لون الجلد بالنسبة لبشرتي و يمكن أفتح شوي
لو أنت بيضاء مرررة راح يناسبك لحاله.. أنا بالنسبة لي اخترت هاللون عشان
أفتح فيه الأرواج اللي عندي و أخلطه مع ألوان ثانية..
و الحركة اللي طحت فيها هاليومين إني أحط طبقة خفيف منه
و بعدين أحط قلوس غامق أو وسط.. يااااااه يطلع لون مرة جميل
هذا كريمي و ما فيه شيمر

 

 

 

 

Color Crush 335

عودي فاتح ع عنابي .. هذي أحسن درجة عندي للحين
و تكلمت عنها في الانستقرام من فترة.. اللي عاجبني فيها إني لو طبطبت باللون
ع الشفايف تبان طبيعية مرة و إذا كثرت منه يطلع نفس السواتش
ملائم لجميع ألوان البشرة في نظري.. و كريمي ما فيه شيمر
و لو بتاخذون لون واحد من هالمجموعة أنصحكم في هذا

 

 

 

 

Color Crush 201

هذي درجة فاقعة و منعشة .. و إذا راح الروج تبقى الشفايف فوشية تجنن..!!
مرات أحط هالروج و أخليه نص ساعة لين يمسك اللون في شفايفي
و أمسحه خفيف بالمنديل عشان تطلع شفايفي مصبوغة بهاللون..
جربوها ع يدكم في المحل و خلوها شوي و امسحوها و شوفوا قصدي كيف
الدرجة كريمية بدون شيمر

 

 

 

 

Color Crush 305

 

هذي الدرجة مرة مغامرة يوم اخترتها بس عجبتني بالرغم

من إن الكثير يسبونها خخ ..هي بني وسط و فيه شيمر فضي..
أحسها درجة فخممممة مرررة إذا عرفتي كيف تسوين مكياجك معها

مثلا تحطين ظلال دافية مايلة للوردي أو المشمشي

و ممكن تكونين جريئة و تحطين معها ظل فضي أو ذهبي قويعموما الروج راح يكون جميل ع البشرات الداكنة ()
الدرجة هذي فيها شيمر فضي خفيف

 

 

 

 

Color Crush 230

آخر درجة اخترتها لأن عوووومممري ما جربت وردي زي كذا
دايم أحب وردي ع بني أو نود أو مايل للمشمشي أو ع الأحمر
بس وردي وردي صريح زي هذي ما قد جربت و لا توقعت بتطلع حلوة علي
و يوم قالوا لي عليها بودي شوب اخترتها من باب التجربة
و اكتشفت إني ظااااالمة نفسي ليش ما أشتري هالدرجات و لا أستخدمها أبد!!!!
مرة جمييييلة.. الدرجة وردي بارد يعني مايل للموف نقطة مو كثير
أعجبني جدا مع مكياج برونز للوجه و العين.. يكسر الدفء و يعطي لوك تريندي
هالروج غير نظرتي للحياة >> يا ساتر خخ
لا بجد غير نظرتي للون الوردي و أفكر أدور نفس الدرجة مطفية

 

و بكذا خلصت كلام عنهم..

فيه لون رقمه 125 و الله عيني عليه مدري أقدر أمسك نفسي و أتركه

و لا أشتريه هههههه و كمان فيه لون جميل رقمه 330

و فيه واحد رقمه 240 حلو بعد

لو حابين صور سواتشات لبقية الألوان فيه رابط لمدونة أجنبية هنا

 

 

 

 

و بس.. الله يجعل أيامنا و أيامكم حلوة و جميلة 

PEACE

NY Haul : INGLOT

السلام عليكم..

 

كيف حالكم مع الشتاء و الأجواء الجميلة..؟

 

 

 

قبل ما أبدأ في مشترياتي البسيطة أحب أشكركم ع متابعاتكم..

وصلت بفضل الله ثم تواجدكم لـ 10 آلاف إضافة في الانستقرام!!

شكرا لكل وحدة علقت و أضافتني أو سوت لي لايك و شاركتني تجاربها

ممكن هذا بالنسبة للبعض رقم ماله قيمة

بس بالنسبة لي هذا دليل قوي إني ماشية صح و إني أفدت كثير

و لله الحمد.. استمروا و ادعموني و شجعوني

و الله لا يحرمني منكم :$ :$

 

 

أنا من البنات اللي تعشق إنجلوت و فكرة الفري سستم حقهم

و كتبت عن ظلالهم في هالرابط.. و كتبت عن البقمنت حقهم في هذا الرابط

 

 

 

حاولت إني ما أتهور لما دخلت فرعهم في نيويورك

و كنت كاتبة كل الألوان اللي عندي في الجوال لأن أحيانا

سبحان الله من الحماس و اللخمة ممكن تاخذين لون عندك أصلا

 

 

 كنت حاطة في بالي أشتري ظل نفسي فيه من مجموعة نوبل

Noble Collection  و رقمه 153

لونه جددددا مميز.. توب ع فضي وغريب فيه قليتر صغير برونز

ممز بصراحة و ما عندي مثله

و قد صورته مع المجموعة كاملة بالسواتشات في الاستقرام

 

 

 

اللون الثاني أخذته من مجموعة اسمها Bronze Collection

و رقمه 606.. لونه تقريبا برونز فاتح مايل للبني

حبييييته و الله.. في الصورة كأنه برتقالي بس في الواقع أهدى شوي

 

 

و حبيت أجرب ظلال من مجموعة Rainbow الجديدة اللي بشيمر

و كان نفسي في لون تركواز فاااااتح مرة و لقيت هذا فيه الدرجة اللي أبغاها

و درجتين أغمق حلوات بعد.. جميلين جددددا و الله

رقمه 134R

 

 

 

آخر شي هو الكحل الكريمي الأسود..

سمعت كثيييير عنه و كيف سواده و ثباته

و يسعدني أقول لكم إنه احتل مكان كحل ميبلين في قلبي خخ

أسسسسسود سواد و ثابت.. و مطططفي..

خوفي بس إنه ينشف بسرعة لأني لسا ما جربته و اختبرته كثير

بس إذا نشف عادي بأحط عليه قطرة ديورالاين و يرجع تمام

 

 

 

 

سمعت كثير عن فرق الأسعار هنا و في أمريكا..

و لما كنت في نيويورك قلت أشوف بنفسي

و فعلا!! الظل الواحد تقريبا عندنا تقريبا 40 ريال

و هناك يعادل 23 ريال!!!!

و الظل الثلاثي الواحد عندنا ما أدري بكم بس هناك تقريبا 32 ريال

و الكحل الكريمي سعره تقريبا 50 ريال!!

 

كل مشترواتي اللي فوق كلفتني 35 دولار

يعني 140 تقريبا

 

و بس.. إن شاء الله البوست الجاي بيكون ريفيو عن أرواج :)

 

 

سووا لي فولو ع تويتر @TaRaNeeM
و ع انستقرام @terter_thinks
و شاركوا المدونة مع صحباتكم و أقاربكم و قروباتكم في الواتس

و لا تنسوني و جدتي من دعاكم

 

 

Peace

I think I'm CRAZY!! (Tag)

 

 

مرحبا

 

اليوم أخيرا راح أنزل لكم تاق جميل من ابتكاري يا رعاني الله هههههههههه
و اللي وعدتكم فيه من شهوووور خخ..
و أتمنى الكل يشارك و يتفاعل.. حتى لو ما كنتي مهتمة بالتجميل
و لو سويتوه سواء في مدونة أو ع تويتر أو انستقرام يا ليت تخبروني
لأني أفرح كثيييير لما أقرا شغلاتكم و كذا .. الله يعلم :$

 

 

التاق اليوم من عنوانه.. فيه أشياء حنا مهوسيين فيها لحد الجنون
و أغلب الروحات للسوق أو المكتبة نشتريها بدون حساب

اليوم راح أشارككم الأشياء اللي أنا مجنونة و أشتريها كثير غير المكياج طبعا خخ
ما حبيت أتكلم عن المكياج أبد اليوم..! عشان ما تطفشون هههههه

 

 

و قبل نبدأ حلو نذكر الله و نقول ما شاء الله لا قوة إلا بالله..

 

 

أول شي أنا مهووسة في الحلقان (أقراط - تراكي - خرصان -earrings)
تلفتني أكثر من الخواتم و الأساور و السلاسل..!!
و أميل للأشكال القديمة و الـ vintage أو اللي تكون غريبة و edgy
صورت لكم بعضها مو كلها.. لأن عندي ممكن أكثر من 80 زوج منهم..

أشتري من أي مكان بس الغالب : فور إيفر 21 - إتش آند إم - سنتر بوينت - مانقو
نيو لوك - العفيف - موقع أسوس - ريفر آيلاند - إكسيسورايز
(إكسيسورازيز أشتري منهم وقت الخصم بس لأن اكسسواراتهم تصدي بسرعة
 فآخذها رخيصة عشان كم استخدام و تنرمي و ما أتحسف عليها خخ )

 

 

 

 

 

 

 

 

الشي الثاني اللي كل الناس لاحظوه قبلي هو هوس المناكير التركواز و الأزرق..!!
سبحان الله ما أميل للورديات كثير و الأحمرات .. عندي واحد أو إثنين ممكن
لكن في أي محل أروح له عيني تروح للأزرق بدرجاته و التركواز.. مدري ليش

و فيه لسا 3 ألوان زرق شريتهم بعد ما صورت هذي خخ

 

 

الشي الثالث اللي عنده هوس هو مناديل الشنط..
مرض مو هوس يا كافي ههههههههه..

المشكلة إن أشكالهم حلوة و أتحسف أستخدمهم و الله خخ

أغلبها من سنتربيونت لما يكون عليها خصم و تصير بريالين أشتريهم

 

 

الشي الرابع اللي أنا مهووسة فيه هو زيوت الفواحات

و تكلمت عن أغلب مجموعتي بالتفصيل في هالرابط

الشي الخامس هو الورق..!! إيه إيه الورق وش فيكم خخ..
لأني معلمة أحب أشتري أوراق الآي فور بشكل مو طبيعي
كل الصور اليوم في هالتاق صورتها ع ورقة آي فور عشان أثبت لكم هههههه
و أغلب صوري في المدونة مصورتها ع ورق آي فور أبيض
لهم درج خاص عندي شوفوا:

 

 

 

و أي رزمة ورق يبقى منها مجموعة قليلة أحطها في ملف جيوب

زي ما تشوفون عشان ما تخرب و "تتقرفط" خخ

 

 

و بما إن كلامنا عن الورق كمان أنا مهووسة بالأوراق اللاصقة sticky notes
و أحسن ماركة منها هي post it اللي تنباع في جرير..

 

 

 

و بس هذي الأشياء اللي أحس إني مهووسة فيهم كثير (غير المكياج طبعا)
فيه ناس هوسها كفرات الجوال و فيه ناس الخواتم و فيه ناس الشنط و كذا
أنتظركم بفااااااارغ الصبر و متشوقة أشوف وش عندكم :$

 

 

سووا لي فولو ع تويتر @TaRaNeeM
و ع انستقرام @terter_thinks
و شاركوا المدونة مع صحباتكم و أقاربكم و قروباتكم في الواتس

و لا تنسوني و جدتي من دعاكم

 

 

 

Peace

 

 

 

 

 

 

 

 

 

 

 

 

 

My Current Favorite Hair Products

السلام عليكم..

 

بالنسبة لي أبدل كثييييير في منتجات الشعر و كوني جلست مدة طويلة

على هذي المنتجات معناته إنها ممتازة خخ.. و راح أشارككم إياها

 

بس قبل ما أبدأ بقول لكم شعري طويل و كيرلي بس الشعرة نفسها نحيفة مو سميكة

و الفروة دهنية و الأطراف جافة و مصبوغ و مكروف كرف بالحرارة خخ

 

أول منتج بلسم الشعر من تريزمي ..أحبه لعدة أسباب:
 

- أولا يحسسني بالحنين للسنوات اللي كنت أشتغلها برا جدة

كنت أشتريه لأنه يقعد مدة طويلة معاي هناك و ما يحتاج كل ما جيت

جدة أشتري بلسم..

- ثانيا يذكرني في بدايات اهتمامي بالتجميل و العناية لأني كنت أشوفه

في برنامج بروجت رنوي Project Runway أول ما طلع.. كانت

تريزمي من ضمن الرعاة للبرنامج .. و كنت متحمسة إني أستخدم منتجات

تريزمي مثلهم هههههههههههه.. pathetic خخ

- ثالثا ريحته تذكرني بالصوالين و أحس كأني طالعة من عندهم خخ

-رابعا و هو المهم (بدري خخ) إنه يخلي الشعر جدا ناعم و سهل التعامل و المشط

 

فيه منه كذا نوع لكل مشاكل الشعر خذوا اللي تحتاجونه.. 
 العلبة الكبيرة هذي تقعد مدة ممكن شهرين أو ثلاثة..
و ممكن أكثر إذا شعرك قصير..

و السعر حقيقة مو متذكرة بس اللي متأكدة منه إنه مناسب جدددددا

بالنسبة للحجم و المدة اللي راح تستخدمينها فيه..

اشتريته من بندة.. و موجود في الدانوب برضو و النهدي

 

 

ثاني شي هو هالقناع من ماركة إينيرجي ENERGY من محلات نزيه

أتذكر كنت داخلة مع صديقتي عندهم نتفرج و كذا.. و شفته و عجبني

سعره 20 ريال.. قلت أجربه مو خسرانة.. و حبيييييييته..

هو له استخدامين .. إما قناع لمدة ربع ساعة مع جهاز البخار

و إما بلسم للشعر عادي بعد الشامبو تخلينه 5 أو 10 دقايق..
إيوه لأني كسولة اخترت الطريقة الثانية خخ..
ما أستخدمه في كل مرة أغسل شعري

لأني أحسه ثقيل شوي.. أستخدمه مرتين أو مرة في الأسبوع

 

 
 

آخر منتج لليوم هو زيت جوز الهند
حقي خذيته من السوبرماركت قسم زيوت الطبخ
ممكن أي زيت جوز هند تستخدمينه مو ضروري هذا نفس اللي بالصورة..
أنا عرفته من أختي.. داااايم تحطه ع شعرها و ع جسمها و وجهها
و أشك إنها شوي تنقط بعيونها منه خخ.. أمزح لا تسوونها و تبلشوني خخ
و حقيقة هو له فوايد كثييييرة و استخدامات متعددة ابحثوا عنها و شوفوا
بس أنا بالنسبة لي أستخدمه لشعري.. خفيف جدا على الشعر
و أحطه قبل أتروش بساعة أو ساعتين أو حتى لو دقايق
و بعد ما أغسل شعري أحس ملمسه ناعم و مترطب
و ممكن تستخدمينه مثل البلسم بس لا تكثرين منه

 

 

 

أتمنى يكون البوست مفيد و أعجبكم..

و إن شاء الله البوست الجاي إما الجزء الثاني من مشتروات نيويورك

أو راح يكون عن العناية بالأسنان.. وش حابين أول..؟

ردوا لي في الكومنت تحت أو ع انستقرام @terter_thinks

أو تويتر @TaRaNeeM

 

 

لا تنسوني و جدتي من دعواتكم

 

PEACE