The Body Shop Honeymania Collection

السلام عليكم و رحمة الله

 

 

اليوم راح أكلمكم عن مجموعة العسل من ذا بودي شوب

كنت أنتظرها من زمااااااااان و الله ..

 

المجموعة فيها زبدة للجسم و شور جل و صابونة و مرطب شفايف

و مقشر و عطر و بخاخ الجسم

عندي منها حاليا بعض المنتجات اللي أرسلتها لي بودي شوب من شهر تقريبا
و لأني كنت متحمسة لهالمجموعة فرحت كثير و راح أحكي لكم عن تجربتي

و رأيي الصريح فيهم

 

 

بالنسبة للزبدة شهادتي فيها مجروحة ع ماقالوا خخ
أنا عموما أحب زبدات ذا بودي شوب كثير.. هم عندهم نوعين خفيف و ثقيل
و هذي من النوع الثقيل بس بسرعة تمتصها البشرة ..و ترطيبها رائع جدا
و جتني في وقتها لأن زبدة الخوخ منهم ع وشك تنتهي
مدري وش ممكن أقول عنها زيادة.. بس بصراحة هي أكثر منتج حبيته من المجموعة

الزبدة فيه منها حجمين الكبيرة مثل اللي عندي بـ 75 و فيه الصغيرة

و سعرها 25 ريال

 

 

الشور جل حبيته كثييييير لأنه في لونه و قوامه كنه عسل شوفوا؟

 

 

سعر الشور جل تقريبا 40 ريال..

 

 

 

مرطب الشفايف هو أكثر ثاني منتج حبيته من هالمجموعة..

صرت أحطه كل يوم بالليل قبل النوم
و في الظهر بعد الدوام أحطه بعد.. و طعمه حالي لذيذ و الله :$ :$

سعره 25 ريال.. 

 

 

و أرسلوا لي صابونة لسا ما جربتها لأني مو كثير أميل للصوابين عموما
بس أتوقع ما رح أستخدمها عشان ما أخرب شكلها الجميل حقيقة هههههه

و سعرها 18 ريال

 

 

بالنسبة لريحة المنتجات أول ما تشمينها تحسينها ريحة ورد منعشة

بس فيها من ريحة العسل اللذيييذة اللي أحبها ..

يا سلااااام يا بودي شوب لو فيه منها زيت فواحة :(

 

 

بشكل عام أنا راضية جدا عن المجموعة و الله و خصوصا الزبدة و مرطب الشفايف..

و متحمسة أجرب مقشر الجسم و العطر بس مو الحين لين أخلص شوي من اللي عندي

 

 

أشوفكم قريب إن شاء الله

 

سووا لي فولو ع تويتر @TaRaNeeM
و ع انستقرام @terter_thinks
و شاركوا المدونة مع صحباتكم و أقاربكم و قروباتكم في الواتس

و لا تنسوني من دعاكم

 

 

Peace