I think I'm CRAZY!! (Tag)

 

 

مرحبا

 

اليوم أخيرا راح أنزل لكم تاق جميل من ابتكاري يا رعاني الله هههههههههه
و اللي وعدتكم فيه من شهوووور خخ..
و أتمنى الكل يشارك و يتفاعل.. حتى لو ما كنتي مهتمة بالتجميل
و لو سويتوه سواء في مدونة أو ع تويتر أو انستقرام يا ليت تخبروني
لأني أفرح كثيييير لما أقرا شغلاتكم و كذا .. الله يعلم :$

 

 

التاق اليوم من عنوانه.. فيه أشياء حنا مهوسيين فيها لحد الجنون
و أغلب الروحات للسوق أو المكتبة نشتريها بدون حساب

اليوم راح أشارككم الأشياء اللي أنا مجنونة و أشتريها كثير غير المكياج طبعا خخ
ما حبيت أتكلم عن المكياج أبد اليوم..! عشان ما تطفشون هههههه

 

 

و قبل نبدأ حلو نذكر الله و نقول ما شاء الله لا قوة إلا بالله..

 

 

أول شي أنا مهووسة في الحلقان (أقراط - تراكي - خرصان -earrings)
تلفتني أكثر من الخواتم و الأساور و السلاسل..!!
و أميل للأشكال القديمة و الـ vintage أو اللي تكون غريبة و edgy
صورت لكم بعضها مو كلها.. لأن عندي ممكن أكثر من 80 زوج منهم..

أشتري من أي مكان بس الغالب : فور إيفر 21 - إتش آند إم - سنتر بوينت - مانقو
نيو لوك - العفيف - موقع أسوس - ريفر آيلاند - إكسيسورايز
(إكسيسورازيز أشتري منهم وقت الخصم بس لأن اكسسواراتهم تصدي بسرعة
 فآخذها رخيصة عشان كم استخدام و تنرمي و ما أتحسف عليها خخ )

 

 

 

 

 

 

 

 

الشي الثاني اللي كل الناس لاحظوه قبلي هو هوس المناكير التركواز و الأزرق..!!
سبحان الله ما أميل للورديات كثير و الأحمرات .. عندي واحد أو إثنين ممكن
لكن في أي محل أروح له عيني تروح للأزرق بدرجاته و التركواز.. مدري ليش

و فيه لسا 3 ألوان زرق شريتهم بعد ما صورت هذي خخ

 

 

الشي الثالث اللي عنده هوس هو مناديل الشنط..
مرض مو هوس يا كافي ههههههههه..

المشكلة إن أشكالهم حلوة و أتحسف أستخدمهم و الله خخ

أغلبها من سنتربيونت لما يكون عليها خصم و تصير بريالين أشتريهم

 

 

الشي الرابع اللي أنا مهووسة فيه هو زيوت الفواحات

و تكلمت عن أغلب مجموعتي بالتفصيل في هالرابط

الشي الخامس هو الورق..!! إيه إيه الورق وش فيكم خخ..
لأني معلمة أحب أشتري أوراق الآي فور بشكل مو طبيعي
كل الصور اليوم في هالتاق صورتها ع ورقة آي فور عشان أثبت لكم هههههه
و أغلب صوري في المدونة مصورتها ع ورق آي فور أبيض
لهم درج خاص عندي شوفوا:

 

 

 

و أي رزمة ورق يبقى منها مجموعة قليلة أحطها في ملف جيوب

زي ما تشوفون عشان ما تخرب و "تتقرفط" خخ

 

 

و بما إن كلامنا عن الورق كمان أنا مهووسة بالأوراق اللاصقة sticky notes
و أحسن ماركة منها هي post it اللي تنباع في جرير..

 

 

 

و بس هذي الأشياء اللي أحس إني مهووسة فيهم كثير (غير المكياج طبعا)
فيه ناس هوسها كفرات الجوال و فيه ناس الخواتم و فيه ناس الشنط و كذا
أنتظركم بفااااااارغ الصبر و متشوقة أشوف وش عندكم :$

 

 

سووا لي فولو ع تويتر @TaRaNeeM
و ع انستقرام @terter_thinks
و شاركوا المدونة مع صحباتكم و أقاربكم و قروباتكم في الواتس

و لا تنسوني و جدتي من دعاكم

 

 

 

Peace