NY Drugstore Haul YAY =D

السلام عليكم..

 

كيف حالكم..؟ كل عام و أنتم بخير و لو إنها متأخرة خخ

 

معليش كأني سحبت عليكم هنا في الفترة الماضية هههههههه..

بس ظروف السفر و رجعت و التهيت بالشغل و كذا

عموما جهزت كذا بوست و راح أعوضكم بإذن الله :$

 

اليوم راح أنزل لكم جزء من مشترواتي من نيويورك

 

قبل أبدأ في مشترواتي أحب أذكر كذا نقطة و يمكن يكون أسلوبي قوي شوي

بس أحيانا فيه بعض الناس ترمي كلام و تعليقات مالها داعي و حابة يفهمون هالنقاط زين ما زين خخ :

 أولا : فيه ناس تصرف فلوسها ع الأكل و ناس ع الملابس أو المصممات و الساعات
و العطور و ناس ع الجوالات و فيه على الاستراحات و الحفلات و الاستقبالات
أنا وحدة من الناس اللي تحب تصرف فلوسها على المكياج ..
و كل اللي تشوفونه أغلبه عليه عروض و كوبونات هناك و صار أرخص علي..

 

ثانيا : كنت مخططة للسفرة هذي من زمان و بالتالي وفرت فلوس و ما اشتريت شي من شهور !! يعني مو قاعدة على بنك و لا لاقية كنز..و أي واحد يوفر بيصير عنده فلوس إن شاء الله..

 

ثالث شي : أنا صاحبة مدونة و حساب إنستقرام و كلهم تجميل و عناية.. طبيعي جدا يكون عندي شغلات كثيرة عشان أجربها لنفسي و أكتب لغيري يستفيد.. يعني مو ضروري تشترين هالكمية و لا تكون عندك

 

رابعا : أنا حطيت هالموضوع عشان البنات اللي يحبوني و أحبهم و متحمسين يعرفون أخباري و إيش اشتريت.. و برضو للبنات اللي حابين يعرفون من وين يشترون الشغلات هذي..
و برضو للبنات اللي ذوقهم نفس ذوقي و يبغون يستفيدون..!! يعني مو أتمدح و لا أتفشخر

 

و أذكروا الله و قولوا ما شاء الله

كانت أغلب مشترواتي من الدرق ستور أو الصيدليات و السوبرماركتات..
و الحلو عليهم عروض دايم و حتى قبل العروض أسعارها أرخص كثير من عندنا
المكان اللي عجبني و استغربت ما أسمع عنه كثير في النت.. و هو دوين رييد

 

 

هو زي الصيدلية مع سوبرماركت و فيه قسم للتجميل

مرتب و فيه أغلب ماركات الدرق ستور (إلا نكس و إيلف)..

 و فيه في بعض الفروع ماركات كبيرة مثل كارقو و ذا بام و بوب و لكس

و أشياء ما أعرفها بعد هههههه..
عموما أنا مشترواتي أغلبها من دوين رييد و تارقت و والقرينز

و رايت آيد و سي في إس..
و راح أقولكم الأسعار بالريال تقريبا و أي شي عليه خصومات برضو..

 

 

أكثر شي كنت متحمسة له المسكرات.. لأن خلصت اللي عندي من فترة
و كنت ناوية على هذي الثلاثة أكثر من غيرهم.. أخذت لوريال فولومنانس الأصلية
كان نفسي فيها من 3 سنوات تخيلو ههههههه.. سعرها تقريبا 40 ريال
و هي أول وحدة استخدمتها و للحين رااااااضية عنها و حبييييتها..

 

و كنت أبي أجرب مسكرة فيزيشن فورملا اللي شكلها زي ورقة الشجر..
لأنها عضوية بنسبة كبيرة و شكلها كيوت و هي سعرها في الأصل تقريبا 40 ريال
لقيت عليها كوبون في نفس المحل خصم لي من قيمتها و صارت 28 ريال!!

 

آخر مسكرة من كفر قيرل نفسي أجربها لأن عليها مدح كبييييير
و كل ما جابوا طاري المسكرات غالبا يتكلمون عنها.. ما أذكر سعرها بالضبط
بس حدود 40 ريال تقريبا

 

 

 

طبببببببببببععععععاااااا كان لازم أشتري أي بالت من ماركة ويت آند وايلد..
طبببببببببببببببببببببعااااااا هههههههههههه... كنت ناوية أشتري كذا واحد
بس في النهاية قررت آخذ هذا لأن فيه 8 ألوان جميلة و سعره أروع بـ 20 ريال تقريبا

اسمه comfort zone

 

و كثير أسمع عن البقمنت المضغوط من لوريال.. و هنا في السعودية ما فيه إلا التركواز

و البيج..!!! و دايم البنات في اليوتيوب يتكلمون عن درجة اسمها

 آمبر رش amber rush.. و إن لونه روز قولد و جميل و ناعم.. و أشتريتها لأنها فعلا مميزة و ما عندي لون يشابها.. سعره حدود 35 ريال تقريبا

 

و أنا أحب البقمنت عموما و قررت أشتري حقت نيكس الصغيرة
و سعرها أبهرني.. الواحد منها تقريبا 8 ريال بس!!!!!! لكن للأسف فيها عيب بسيط
إن الفتحة حقت العلبة مرة صغيرة صعب تدخل فيها الفرشة..
و أفكر أحطهم في علب أوسع.. غير كذا ما عندي أي اعتراض ع جمالهم

(نكس لقيتها في محلات المكياج العادية ع الشارع أكثر من تارقت)

 

بما إنه فرشة الكحل اللي من سيقما ضاعت.. :(
قررت أشتري هالفرشة من ماركة سونيا كاشوك.. تقريبا 30 ريال
عندهم نوعين اللي أياديها بيضاء مجموعة رخيصة و اللي أياديها سوداء مجموعة أغلى شوي.. أمس جربتها و عجبتني كثير و الله..

و الأكحال خذيت لون تركواز لأني من زمان أبحث عن درجة حلوة زي كذا
و كنت أبيها من ماركة ميلاني بالذات لأني لقيتها في جدة بس مو كل الألوان
عندي الأسود و الذهبي ممتاااازين.. و متأكدة إن هذا في ثباته و قوته راح يكون مثلهم
سعره تقريبا 30 ريال

 

أخذت كحل بيج انتشر في الفترة الأخيرة من ماركة ريمل اسمه سكاندلايز..
و الحلو فيه ثااااابت مرة حسب كلامهم..و كريمي ممكن ينحط كـ ظل
سعره حدود 30 ريال برضو و يمكن أرخص مو متأكدة

 

 

و طبببببببببعععععااااا هههههههههه.. كان لازم أجرب أرواج وت آند وايلد
و يالله تمالكت نفسي و خذيت هالألوان بس.. أغلبها ألوان غوامق للخريف و الشتاء و كذا

يمكن أسوي عنهم ريفيو.. وش رايكم؟

 

برونزر كنت مترددة كثير و محتارة أشتريه و لا لا.. لأن ما عندهم تستر و ما أقدر أسوي شواتس له و أشوف ..هو برونز اسمه sunny من ماركة NYC
من كثر المدح كنت حابة أجربه.. لين رحت تارقت و لقيت واحد مفتوح من قبل
و جربته و حبيت لونه و اشتريته.. سعره رخيص مرة ممكن 12 ريال..!

 

و اشتريت فازلين نونو.. هههههه مرة ما قدرت أقاومه
سعره رخيص ممكن 10 أو 12 ريال..

 

 

 

نجي للمناكيرات.. لقيت في تارقت مناكير ميبلين كان عليها عرض و صار سعرها 10 ريال.. خذيت هاللون التركواز الفاتح نفسي فيه من زمان.. و خذيت القليتر الأسود و الأبيض..أو ع قولتهم مناكير ملح و فلفل خخ..

القليتر المنقط هذا فيه كم واحد منه و كلهم أبيض و أسود بس الفرق في نفس السائل حق المناكير.. شي لونه أزرق و شي برتقالي.. جبت لكم صورة من النت:

 

بس بعد ما شفت صور سواتشات في النت كثير حبيت الشفاف أكثر و أكثر لأنه يليق فوق ألوان كثيرة و ما يربطني في شي معين تحته..

و خذيت من سالي هاندسن هذا 2 في 1.. توب كوت و بيس كوت
سعره تقريبا 20 ريال..

 

 

 

 

لوشن جيرقنز حق التان كثير أسمع عليه مدح.. كان عليه كوبون و خذيته ب28 ريال
و كنت أبغى بخاخ الحماية العادي من تريزمي.. بس لقيت نوع جديد بالكيراتين قررت أجربه
 و سعره تقريبا 27 ريال

 

 

 

آخر شي ماله داعي و طفاسة بصراحة هههههه.. هذا القطن شكله غريب
من ماركة تارقت نفسها.. و كان رخيص يمكن بـ 10 ريال..

فـ.. أجربه ماني خسرانة شي خخ

 

و بس.. إذا حابين أسوي لكم ريفيو عن أي منتج من اللي شفتوهم هنا خبروني

و الحمدلله إني شريت أشياء كنت أتمناها من زمان و ما كنت أقدر أطلب أونلاين

 

إن شاء الله ما أكون طولت عليكم خخ

تابعوني ع الانستقرام @terter_thinks

و ع تويتر @TaRaNeeM

 

و لا تنسون تدعون لجدتي بالشفاء :(

 

PEACE