السلام عليكم و رحمة الله و بركاته..
كيف حالكم جميعا؟
الفترة الماضية كانت جدا صعبة بالنسبة لي.. جدتي المريضة توفت الله يرحمها
و يمكن هالشي كان أريح لها سبحان الله من التعب اللي جاها من شهور
جدتي ما كانت إنسانة عادية.. كان قوية و كانت مدرسة من الحكمة و مكانها خالي و الله
توقعت أنهار بعد وفاتها و أضعف.. بس الحمدلله ربي ربط على قلبي و ألهمني الصبر
و رحت شفتها و سلمتها عليها بعد الغسل و استودعتها الله و صلينا عليها في الحرم
أتمنى إنكم تدعون لها و لأموات المسلمين.. الله يرحمهم جميعا و يغفر لهم
و شكرا كثيرا و جزاكم الله خير ع التعازي و المواساة في الانستقرام و تويتر
كلامكم و دعاكم خفف عني الكثير.. حسيتكم معاي الله لا يحرمني منكم
و الله يحفظ لكم و لنا أهلنا و أحبابنا.. و يطيل في أعمارنا و إياكم على الطاعة..
اليوم إن شاء الله راح أشارككم تجاربي مع مرطبات الشفايف
اللي استخدمتها على مدار الخمس سنوات الماضية..
ما رح أدخل في المكونات و التركيب للمنتج.. قوقل موجود خخ
بأحكي لكم عن تجربتي و اللي لاحظته :)
1- كارمكس
هذا أسميه الحب خخ.. هذي العلبة الثالثة اللي أخلصها من هالمنتج
و أتوقع واضح عليها أثر الاستخدام..!! سعرها مرة رخيص
ممكن بدولارين.. يعني حول 10 ريال كذا
للأسف ما ينباع هنا بس ممكن بعض التاجرات يوفرونه
جربت منه كذا شكل و نكهة زي ما تشوفون :
بس الأصلي اللي في الصورة الأساسية رقم 1 هو أحسن نوع جربته منهم..
و ميزته غير الترطيب و حماية الشمس 15..
إنه معالج سريع.. سرييييييييع.. ساااارييييع
يعني لو شفايفك معدومة عدم.. في دقيقة ترجع طبيعية!!
زي السحر و الله.. أنا من اللي يحبون الأرواج المطفية كثير
و في نص النهار أحس شفايفي تنشف و يصير شكلها مو حلو زي الصباح
كل اللي أسويه إني أمسح الروج بالمنديل و أحط كارمكس
و بعد دقيقة أو دقيقتين أحط الروج المطفي مرة ثانية و يا سلام..!! D:
و اللي يخليني أحبه أكثر إنه يعطي شعور زي النعناع ع الشفايف
يقرص شوي خخ "tingle feeling".. أنصحكم فيه و بشدة..
2- بيرتس بييز
و برضو هالماركة مثل كارمكس لها أنواع و أشكال وألوان
و هذا الوحيد اللي جربته و مفعوله نفس كارمكس بالضبططططط
يمكن كارمكس يتفوق عليه في إنه كريمي أكثر.. و فيه حماية من الشمس
اللي يميز ماركة بيرتس بييزعموما إن مكوناتهم طبيعية و صديقة للبيئة
سعره 4 دولار تقريبا يعني قولوا 16 أو 20 ريال
سمعت فيه محلات تبيعه في الشرقية مدري الرياض
أفيدوني بهالخصوص.. اللي عندي جابته لي أختي هدية من كم سنة
و للحين عندي و مفعوله ما تغير :$
3- كودالي
مرطب كودالي للشفايف سعره بالدولار 12 و تقريبا بالريال 50..
مو وجود عندنا بس ممكن تطلبونه من موقع سيفورا أو موقع الماركة نفسها
فيه مضاد للأكسدة و ترطيبه حلووو جدا.. قوامه ع الشفايف ناعم مرة
حبيته و عجبتني علبته البيضاء بصراحة >> سطحية خخ
4- مرطب إي أو إس eos
هو حلو في شكله و ترطيبه و مكوناته طبيعية و فيه مضاد للأكسدة
و سعره حلو 4 دولار يعني تقريبا 20 ريال و تلاقونه عند التاجرات
بس فيه عيب ممكن ما يكون مشكلة لكم بس أنا بدا يضايقني
طعمه حالي و جميل بس أحس صار يجيب لي غثيان
لا تقولون لي لا تخلينه يدخل في فمك..!!! طيب كيف هو ع شفايفي
إلا لابد يجي شي منه في فمي خخ
صرت أستخدمه برا البيت عشان أنشغل عنه و ما أحس بطعمه
إذا تعرفون نكهة منه ما فيها طعم سكر خبروني بليز :"
5- زبدة التوت الأزرق الجديد من ذا بودي شوب
لو تعرفوني من أيام التصوير الفوتوغرافي >> يا رب أرجع زي زمان :(
صورت هالزبدة حقت الشفايف من 2009..!!! و كانت عاجبتني مرة
و كانت إصدار محدود وقتها و يوم خلصت حزنت عليها بجد :(
و لما نزلت الزبدة الجديدة بالتوت الأزرق و جربتها بغيت أنبهل خخ
نننفففففففسسسسسس الزبدة القديمة بالتمام
و لأنها زبدة يعني الترطيب فيها مضاعف
و في نفس الوقت مو ثقيلة ع الشفايف و ريحتها حلوة
و طعمها حالي بس مو يجيب الغثيان و قوي خخ
بس انتبهوا لنقطة مهمة.. كل المرطبات اللي تكلمت عنها اليوم شفافة
إلا هذي الزبدة لونها أبيض
يعني ممكن لو تبين تفتحين لون روج معين ممكن تحطينه قبله أو بعده
بس لوحده يعطي شكل مو حلو كأنك حاطة روج أبيض
بالنسبة لي أنا أحطه قبل النوم و ما تفرق معاي لو شفايفي بيضاء خخ
و أقوم الصباح ألاقي شفايفي نااااعمة و رطبة
سعره حدود 25 ريال و الظاهر إنه اصدار محدود
يبي لي أروح أخذ لي وحدة ثانية قبل تخلص
6- مرطب العسل من ذا بودي شوب
جميل جدا و طعمه حالي بس ما يجيب لي غثيان خخ
سعره حدود 25 ريال.. تكلمت عنه هنا
7- فازلين
أنا من سنيييين ما استخدمت فازلين لشفايفي مدري ليش
بس ما قدرت أقاوم ذا العليبة الصغيّرة >> لا من جد من جد سطحية خخ
ترطيب الفازلين قوي مرة و ثقيل أحسه يصلح لليل..
و ميزة الفازلين إنك ممكن تستخدمينه للجسم فـ عصفورين بحجر واحد
الحجم النونو هذا خذيته من أمريكا
بس طبعا باقي الأحجام عندنا هنا و عارفينها أنتم أكيد :)
بشكل عام كلهم حلوين مرة و أحبهم و أستخدمهم دايم
بس تبوني أرتبهم لكم من الأفضل عندي للأقل أفضلية؟؟!
طيب من عيوني @_@
1- كارمكس
2- زبدة التوت الأزرق
3- كودالي
4- بيترس بييز
5- مرطب العسل
6- فازلين
7- إي أو إس
الترتيب مو يعني إن رقم 6 و 7 مو حلوين..
بس أحب اللي قبل أكثر
و فيه منتج ممتاز لو تذكروني تكلمت عنه زمان
اللي هو إليزابيث آردن أيت أور كريم
بس لأنه خلص خلاص و رميت العلبة قبل أكتب الموضوع هذا
فـ ما قدرت أصوره لكم..
لكنه ممتااااز للشفايف بعد و تكلمت عنه زمان هنا
و سلامتكم.. ()
لا تنسوني من دعاكم و لجدتي الله يرحمها
و لجميع أموات المسلمين
PEACE
