Skincare and Beauty Haul مشتروات العناية و التجميل

السلام عليكم و رحمة الله.. 

كيف حالكم؟؟ 

و كل عام و أنتم بخير و الله يتقبل منا و منكم الصيام و القيام و صالح الأعمال..

في الفترة الماضية اشتريت شوي أشياء حابة أشارككم إياها..

يالله نبدأ:

1

مزيل رائحة العرق من ماركة إينيرجي.. أول مرة أشوفه و اللي حمسني أشتريه إنه مشابه لواحد اشتريته من أمريكا زمان.. المهم محتويات هذا المزيل بس حاجتين: موية و ملح البوتاسيوم.. حسيته بيكون خفيف و ما فيه كيماويات.. ما أتذكر سعره بس مو أغلى من ٣٠ ريال.

2

شامبو من بيزلين خالي من العطور.. كنت أبي شي ما فيه عطور و تكون نسبة الكحول فيه قليلة شوي.. للحين ما جربته.. سعره ١٣ ريال.

3

اشتريت علبة ثانية من حبيب القلب بيوتي فلاش بام من ماركة كلارنس.. هذا المنتج تكلمت عنه كثير في موضوع سابق طلوا عليه هنا.. ناسية سعره بس تقريبا حول ٢٠٠ ريال

4

و اشتريت أخيرا زيت الشفايف المرطب من ماركة كلارنس برضو.. أنا كنت متحمسة لنكهة العسل أكثر.. بس في كل مرة أشمها بالسوق ألاقي الريحة مختلفة و احترت.. و قررت أخذ اللي بالتوت عشان أكون في السليم خخ.. سعره ١٠٣ ريال.

5

زبدة الشعر الجاف من ذا بودي شوب.. بصراحة العلبة حجمها صغير مرررة لكن فيها استخدامات كثيرة لأنها مركزة و كمية قليلة تكفي.. سعرها تقريبا ٣٥ ريال.

6

علبة الحواجب من ريمل فيها جهتين.. جهة جل و جهة بودرة.. كثير شفتها عند البنات في الانستقرام و تحمست أجربها.. سعرها مو متأكدة كم بس تقريبا حدود ٣٥ ريال.

7

ظل بنفسجي فاتح مايل للفضي و فيه لمعة قوية مرة من ماركة آيسدورا.. خذيته في خصم سنتربوينت ب ٧٠  ريال بس سعره الأصلي حدود ٩٥ !!! أنا مو ندمانة إني شريته لأنه حلو و الله.. بس أحس بسعره ممكن أجيب ظل من ماركة أقوى زي ميك أب فور إيفر مثلا!! ما علينا المهم هو عندي و أحبه بس ما أتوقع أشتري ألوان ثانية منه خخ 

8

مزيل مناكير من ماركة فارمسي (موجودة في السوبرماركت) فيه له كذا نوع و اخترت النوع اللي بالورد.. اللي أعجبني فيه هو غطاه.. تحطين القطنة عليه و تضغطين لتحت و يطلع لك المنتج بكمية مناسبة.. يا رب فهمتوني يا رب خخ.. سعره ٩ ريال.

9

هذا معطر الجو و للأمانة شريته من شهوووور بس نسيت أوريكم إياه.. هو من سنتر بوينت و ناسية سعره بصراحة.. ريحته فانيلا مررررككككززززززة و تذكرني بحياتي أيام المتوسط لأنه بذاك الوقت كانت عطور الفواكة و الحلويات منتشرة مررة و كان عطري بالفانيلا بنفس ريحة معطر الجو هذا.. المهم اللي عجبني في هذا المنتج بالذات إن ريحته تدوم في الغرفة مدة طويلة.. فيه روائح ثانية من نفس المنتج لو ما تحبون الفانيلا لا سمح الله خخ.

10

كحول و العياذ بالله ههههههه.. استخدمه للتعقيم بشكل عام و تصليح المكياج المتكسر.. سعره ١٤ ريال من أسواق النجمة.

11

معجون كرست ثري دي وايت ديلوكس.. شفت جودي من قناة itsJudyslife و itsJudytime تمدحه مرة و تقول إنها تستخدمه من فترة و فعلا أسنانها بيضاااء و حلوة.. اشتريته و بأجربه و أشوف.. سعره ٢٠ ريال


و بس.. 
خبروني لو جربتوا شيء من هالمنتجات..
لا تنسوني من دعاكم :)


PEACE