Australis Contour Palette and Velvet Lips Review

السلام عليكم و رحمة الله..
كيف حالكم؟ 

اليوم جايبة لكم ريفيو عن منتجين من ماركة أسترالس الأسترالية Australis
كثير من اليوتوبرز الأستراليات يمدحون منتجاتهم.. و كانت فرصة كويسة لما أرسلوا لي متجر (ماهب للتجميل) ع الانستقرام هذي المنتجات عشان أجربهم بنفسي.. هذا رابط المتجر لو حابين تشوفون بقية المنتجات :
https://instagram.com/_shop_ksa/


  



المنتج الأول هو بالت كونتور مقارب لبالت أنستازيا بس أرخص في السعر كثير
عبارة عن ست درجات: ثلاث لتحديد الوجه و ثلاثة للإضاءة 

بالنسبة للصف العلوي (من اليمين لليسار) :

- درجة هايلايت ناعمة.. و هي الوحيدة اللي فيها شيمر و استخدمها ع عظمة الخد لما أبي لمعة ناعمة و هادية.. ممكن تصلح لمدمع العين و فوق الشفاة العليا و ممكن تنحط بشكل خفيف ع الأنف.. حبيتها!

- درجة هايلات مطفية مايلة للأصفر (أو زي ما يسمونها banana shade).. كثير حلوة لتثبيت الكونسيلر تحت العين لأنها خفيفة مرة و ما تخطط و تكتل معي..

- درجة هايلايت مطفية بلون بيج متوسط.. شخصيا هذي أفتح من بشرتي بشوي و صرت استخدمها بعض الأحيان لتثبيت الأساس.. ناعمة و خفيفة ما تكتل..و تنفع لتثبيت الهايلايت الكريمي المطفي كمان..

الصف السفلي (من اليمين لليسار) :

- درجة برونز مطفية مايلة للبرتقالي..ما تصلح للكونتور في نظري.. شخصيا استخدمها ع خدودي بس عشان تعطي لوك دافي و استغني فيها عن البلشر.. بس مهم يدك تكون خفيفة معها لأنها مررررة مركزة.. 

- درجة برونز مطفية مايلة للرمادي.. مناسبة جددددددا للكونتور و تحديد الوجه.. و هي أكثر درجة أستخدمها في البالت.. بس برضو نفس اللي قبلها استخدموها بحكمة لأن اللون قوي..

- درجة برونز مطفي مايل للموف نتفه.. في العلبة تبان دافية مرة بس ع البشرة تشبه الدرجة اللي قبلها كثييير و بالتالي مناسبة للكونتور بعد و لونها قوي و مركز..

بشكل عام البالت ممتاز جدا و حجمه حلو و سعره مناسب (١٠٠ ريال).. و لو لونك فاتح لمتوسط مثلي ممكن تستغنين في السفر عن البودرة و الهايلايت و الكونتور و البرونز و تاخذين هذي مرة وحدة.. و فيها دليل في الخلف ممكن يساعدك لو كنتي مبتدئة في الكونتور و الهايلايت 

 البالت عموما في نظري ما فيها عيوب.. بس تمنيت لو فيها مراية من داخل :$

بالنسبة للروج (نسيت أصوره لوحده خخ) 

فهو كريمي ينحط مثل القلوس و شوي يصير مطفي و ثابت.. مو نفس ثبات الأرواج السايلة اللي طالعة الحين!! لا.. ثباته زي الأرواج المطفية العادية بس أفضل شوي.. يعني ممكن تشوفينه  بشكل خفيف ع الكاس إذا شربتي

 << الشرح ههههههههه :q

باختصار منتج حلو.. و لونه أحمر حقيقي جميل مع مكياج ناعم مرة و بشرة مرتبة بدون بلش.. بس برونز و إضاءة..

هنا سويت لكم سواتشات للبالت و الروج بس اضغطوا ع الصورة تكبر :

أتمنى عجبكم التقرير هذا و فادكم.. و لا تنسوني من دعاكم 

PEACE