May 1, 2015

Review: Aztec Secret (Indian Healing Clay)

السلام عليكم و رحمة الله و بركاته..

لما نزلت صورة قناع الطين الهندي في الانستقرام قبل كم يوم كثير سألوني عنه  
و قررت أكتب عنه تقرير بسيط عنه و أشرح تجربتي معاه

بس بالبداية أحب أعتذر عن رداءة الصور :(
 لأني لسا ما عرفت استخدم كاميرتي الجديدة زين..
مسألة وقت إن شاء الله و أتعلم عليها أكثر..





هو عبارة عن بودرة ينحط معها موية (أو خل التفاح حسب المكتوب ع العلبة)
و يخلط بأدوات و في أوعية غير معدنية.. بحيث يكون قوامه كريمي..
و ينحط ع الوجه مرة بالأسبوع من ١٠ ل ١٥ دقيقة أو لين ينشف و يغسل 
بموية دافية.. و مكتوب ع العلبة إنك ممكن تستخدمينه لنقع الرجلين بعد..



تجربتي:
أولا شريت صحون بلاستيك صغيرة و ملاعق مخصصتهم له و كل مرة أخلص 
من الصحن أرميه و هكذا.. ملعقة كبيرة تكفي للوجه مع قليل موية..
بصراحة خفت من سالفة الخل و ما قد جربته معه للأمانة

المهم القناع أعجبني جددددا. ينظف الوجه من قللللب و خصوصا المسامات..
ما عندي حبوب من فضل الله بس في النت يقولون أنها تخف مع الاستخدام
المنتظم لهذا القناع الطيني.. و قريت إن كثير رجال يستخدمونه..
بمجرد ما يبدأ ينشف القناع ع وجهك راح تلاحظين إنه بدأ يشد و تحسين بمفعوله

بعد ما أغسله أحب أمسح وجهي بشوي تونر و أحط مرطب
و يا سلاااام ع النظافة و الانتعاش.. وجهي يلق لق خخ..

 أنا شخصيا كنت من أشد المعجبات بقناع "قلام قلو" الأسود
و قناع "بلو كورن" من ذا بودي شوب.. بس هذا في نظري أحسن منهم بمراحل
و لأنه بودرة فهالشي يسهل السفر فيه.. 
 الحلو في المنتج غير مفعوله العجيب هو رخص سعره و كبر كميته.. 
كميته كبييييرة مرة يعني ممكن تتقاسمينها مع خواتك أو صديقاتك..




اشتريته من أمريكا من سوبرماركت Whole Foods
و موجود في أكثر منها أمازون (هنا) .. و موقع أي هيرب (هنا) 
و أنصحكم تقرون تجارب الناس كمان في هالمواقع و ع اليوتيوب
ما راح تلاقون حد يذمه.. و شفت نهى نبيل ع سناب تستخدمه و تمدحه بعد

تحديث:
شفت أختي تستخدم القناع مع قليل زيت زيتون أو أرقان أو جوز هند و تحط معه كمان شوي كركم.. جربت طريقتها و لقيتها حلوة و ترطب أكثر و تصفي الوجه..


و بس خخ.. ما أعرف وش ممكن أكتب عنه كمان بس بجد أنصحكم تجربونه
و لا تنسون تشاركوني تجاربكم معه.. و دعواتكم..




PEACE



6 comments

  1. الله يجزاك خير انا طلبته بعد من مدح نهى نبيل وان شاء الله ابجربه بطريقتك بس الكريم المرطب ينفع اي كريم او لازم كريم الليل او النهار ؟

    ReplyDelete
    Replies
    1. عادي أي كريم ينفع :)
      أهم شيء يعوض البشرة عن الجفاف بعد الماسك

      Delete
  2. عندي يشبه له من اي هيرب بس مغربي مو هندي، اقصد نفس المادة ونفس القوام و كانت الريفيوز مشجعة مرة عليه
    لأن بشرتي جافة حسيته يشدها بزيادة وتنشف، وقرأت على علبة اللي عندي انه لو بشرتك جافة ممكن تزيدين مع الموية قطرات من زيت الجوجوبا. انا قررت اخلطه مع قطرتين كوكونت اويل لأن ماعندي جوجوبا ومرة مرتاحة عليه

    ReplyDelete
    Replies
    1. و الله فكرة كويّسة..!!!

      Delete
  3. عندي الماسك وكتبت عنه ريفيو بمدونتي وفعلآ مره جميييل وتحسينه ينظف الاعماااق
    يعطيك العافية على البوست ياعسل ..

    ReplyDelete

© ●terter thinks● | All rights reserved.
BLOG TEMPLATE HANDCRAFTED BY pipdig