Apr 4, 2015

Defined or Sun kissed look?

السلام عليكم و رحمة الله..


كيف حالكم ؟ اليوم بأتكلم عن مجموعة من البرونزرات اللي عندي
و قبل أبتدي أعتذر ما بيكون فيه سواتشات لأن شريت كاميرا جديدة
و لسا ما استوعبت الإعدادات و كذا..

كل منتج بيكون جنبه تقييمي و حرف C لو كان مناسب للكونتور
و بالنسبة للون بشرتي هو متوسط يميل للفاتح.. يالله نبدأ؟




NYX Taupe Blush - C ♥ 
هذا البلشر انتشر كثير في اليوتيوب و المدونات التجميلية لأن لونه مايل
للرمادي و مناسب للكونتور.. صعب تحصلونه بالمحلات بس متوفر أونلاين
و سعره مناسب جدا تقريبا ٦ دولار يعني ٢٤ ريال


 bareMinerals All-Over Face Color in Warmth 

هذا اللون مررررة حلوووو.. بني محمر مع لمعة بسيطة
أحب آحطه بشكل خفيف ع خدودي يغني عن البلشر و الإضاءة
كانت بير مينيرال تباع في سيفورا عندنا بس شالوها مع الأسف
بس موجودة ع النت في كثير مواقع.. 


Tha Balm Bahama Mama - C 
 هذا المنتج تركيز لونه قوووي جدا يبي له فرشة منفوشة عشان يتوزع بشكل جميل
لا تكثرون منه عشان ما يبان ملطخ.. يعجبني ثباته بعد
الماركة متوفرة في محلات أسواق طيبة في الرياض
و موجود عند التاجرات و ممكن تطلبونه من النت بعد


Sleek Contour Kit in Medium - C 
أول ميزة في هالمنتج إن معاه إضاءة بنفس العلبة و حجمها صغير
و السعر جدا مناسب.. تقريبا ٥٠ أو ٦٠ ريال في صيدلية وايتس..
ثباته حلو و يناسبني.. اللي عندي الدرجة ميديم.. فيه منه درجة أفتح و درجة أغمق
البرونز مطفي تماما.. الأضاءة فيها شوي شيمر








The Body Shop Honey Bronze no.4 
برونز ذا بودي شوب هذا مطفي مايل ع برتقالي شوي و حلو ع الخدود
ميزته إنه اقتصادي و يطول معاك.. زي ما تشوفون استخدمته كثير و لسا
النقشة ما راحت خخ.. ثباته متوسط و سعره حدود ٧٠ ريال 


NYC Sunny Bronzer 
هذا البرونز جدا مشهور لأنه رخييييص و متوفر في كل مكان
سعره تقريبا ٣ دولار.. فيه ناس تستخدمه للكونتور بس شخصيا أحسه 
دافي شوي و مايل للوردي و ما يناسبني للكونتور بس أستخدمه ع خدودي..
اللي ما يعجبني فيه إن صبغته مو قوية.. يعني عشان أوصل للون حلو و يبان
ع بشرتي لازم أعيد بالفرشة عليه و ع وجهي كثير..

 Becca Duende Mineral Bronzer - C 
 هذا البرونز جدا جميل..لونه معتدل مو مايل للبرتقالي و لا الرمادي..
بني فاتح بمعنى أصح.. قوامه (ساتن) يعني
فيه لمعة بسييييطة ماهي واضحة









flormar Bronzing Powder no.5 - C  
هذا البرونز الكبييير رقم ٥ ممتااااز للكونتور.. لونه مايل للرمادي شوي
و حجم المنتج كبير زي ما تشوفون و سعره ٥٠ ريال تقريبا..
فيه درجات ثانية تتراوح بين البرونز المايل للبرتقالي و المايل للوردي
بس هذا بنظري أفضل واحد فيهم.. ثباته زين و أنصح فيه


flormar Pretty Compact Blush-on in P144 
هذا المنتج لونه برونز مايل للنحاسي و فيه قليتر صغير بس القليتر يختفي
ع الخد بمجرد ما تدمجينه.. صبغته قوية و سعره زين و علبته حلوة
 بس عيبه إنه يتلطخ بسرعة يعني بعد كم ساعة تحسينه مبقع ع خدودك و خصوصا
لو الجو حار.. أستخدمه لو كنت طالعة مشوار بسيط و في مكان مكيّف
خسارة لونه مرررة جميل بس يالله.. :(









 kiko velvet stick blush no. 06 
هذا المنتج الكريمي قوامه حلو و مع الاستخدام يتحول لبودرة و سهل دمجه
بفرشة البلش أو بأصابعك.. لونه برونز دافي و مطفي..
الماركة الإيطالية هذي مو متوفرة عندنا إلا عن طريق النت أو التاجرات
أو تسافرون أوروبا ههههههه.. أسعارهم حلوة و منتجاتهم ممتازة


Bourjois Bronzing Primer 
ع كثر حمااااسي إني لقيت هالمنتج البديل الأرخص لشانيل أخيييرا
كانت خيبة أملي أكثرر بكثييير :"" 
شوفوا ما أبي أظلم المنتج باحكي لكم وضعي معاه بالتفصيل
هو كريمي بزيادة عكس برونز شانيل اللي قوامه زي الموس تقريبا
و لأنه كريمي مرة أحس إذا دمجته ع بشرتي يختفي!! و أضطر أزيد منه كمان
و كمان.. و مع بشرتي المختلطة صار يدهن ع وجهي  و يتلطخ كثيير
خصوصا مع جو جدة الحار و الرطب خخ
 يعني لازم أحط فوقه برونز بودرة عشان يثبت كم ساعة بس :(
أعرف إنه برايمر بس برضو برونز شانيل برايمر و أستخدمه ع الخدود عادي
مختصر الكلام لو بشرتك جافة ممكن يعجبك لو دهنية أو مختطة مم
انسي موضوعه و اشتري حق شانيل ههههههههه


e.l.f Moisturising Foundation Stick 
 هذا زي ما تشوفون هو أساس أصلا بس خذيت درجة غامقة منه
كنت أبي أجربها للكونتور.. بس طلع اللون دافي بزيادة و صرت أستخدمه
ع خدودي بس.. حلو و دمجه سهل ، صبغته قووووييية مرة
سعره تقريبا٦ دولار و ممكن تشترونه بنص السعر في خصومات الموقع




و بس يا حباني خخ..
يمكن لاحظتوا إني أحب البرونزرات كثيير و غالبا أستخدمهم بدال البلشر
فإذا عندكم اقتراحات أو برونزرات جربتوها و تنصحوني فيها اكتبوا لي 
أساميها تحت في التعليقات.. و لو حابين تشوفون موضوع قديم سويته
عن برونزراتي الباقية تفضلوا هنا



لا تنسوني من دعاكم..
PEACE 

2 comments:

  1. أتحمست للموضوع لأني كمان أعشق البرونزرات وأحب اجرب :$
    جربي برونزر تشوكليت برونزر من بورجوا جمييل ♥♥
    وكمان منزلين نوع تاني برونزر وهايلايت مع بعض ♥
    .
    بس حبيت أسئلك كيف اخلي البرونزر ثابت دايما أحس يختفي بعد فترة :(
    ويعطيكي العافيةة موضوع مرتب وجميل ♥♥♥♥

    ReplyDelete
  2. وعليكم السلام ورحمة الله :$

    الله يعطيك العافية

    مرة جميل Tha Balm Bahama Mama
    أحبه :"(

    وتسلم إيدك أمل :$

    ReplyDelete