Feb 27, 2015

YSL Baby Doll Kiss & Blush

السلام عليكم و رحمة الله و بركاته..
كيف حالكم؟


و الله مدري من وين أبتدي يا جماعة 
بس صايبني كسسسسل مو طبيعي خخ

المهم تراني سويت موضوع مفضلاتي لسنة ٢٠١٤ :$
بس مستحية أنزله و حنا خلاص شوي ندخل شهر مارس هههههههه
فـ خبروني لو لسا تبوني أحطه لكم

اليوم راح أشارككم تجربتي مع هالمنتجين من إيف سان لوران و اسمهم
Baby Doll Kiss & Blush



هم عبارة عن روج و بلشر كريمي في نفس الوقت
و  هم شبه مطفيين يعني ساتن تقريبا و قوامهم زي السيليكون حلو و خفيف
سعر الواحد تقريبا ١٧٠ ريال سعودي.. و فيه منهم درجات واجد تناسب الجميع
بس شخصيا هذي اللونين أحلى شي و عشان كذا شريتهم << دااا!! هههههه


ع اليمين الدرجة رقم ١٠ و هي المفضضضضلة عندي
لونها بني فاتح مع وردي و مشمشي مرررة طبيعي..
حبيتها  كأن شفايفي من الله كذا.. و ع الخدود بعد حلوة كثييير..
 إذا ناوين تشترون لون واحد بس خذوا هذا

ع اليسار رقم ١١ و هذا عودي ع أحمر غامق.. حلو اللون كثير ع الشفايف
و ع الخدود حلو بس انتبهوا لا تكثرون منه لأنه غامق طبعا


YSL Baby Doll Kiss & Blush no.11 and no.10



ترا بالسواتش مبينة فيها لمعة بس مجرد ما توزعينها مضبوط ع الشفايف
تروح اللمعة و تصير تقريبا مطفية..

YSL Baby Doll Kiss & Blush no.11 and no.10

و هنا السواتشات بعد ما دمجتها عشان أوريكم كيف تكون بلشر ع الخدود

YSL Baby Doll Kiss & Blush no.11 and no.10
بالنسبة لثباتهم ع الشفايف فهو عادي زي أي روج كريمي
إذا أكلتي أو شربتي بيخف و لازم تعيدين عليه 


أما ع الخدود فثباته زين جدا.. مرة حطيته وبعد كم ساعة  توضيت 
و بعد الوضوءخف اللون صحيح بس بقى و ما احتجت أعيد عليه..
ممكن توزعينه ع خدودك بأصابعك بس أنا شخصيا أفضل أحط نقط منه
و بعدين بأي فرشة بلشر عادية أدمجه..



سمعت إن بورجوا روج أيدشن تعطي نفس المفعول بس أرخص كثير
و حقيقة ما جربتهم عشان أحكم.. فقولوا لي لو عندكم فكرة عنهم
و بس إذا أنت يهمك الثبات ع الشفايف بالدرجة الأولى لا تشترينه ما بيعجبك
و إذا ودك بشي خفيف ع الشفايف و ما عندك مشكلة تعيدين عليه كم مرة خذيه..


لا تنسوني من دعاكم..

PEACE

4 comments:

  1. مرحبا ترتر
    حبيت البوست مع اني مره مااشتري شيئ من الهاي اند وكذا
    بس حسيت اضاف لي معلومات وكذا *يارب فهمتيني*
    ارواج برجوا اديشون اشتريت الثلاثة الالوان اللي ع اليسار وكانت فظييييييييييعة ثابته جدا.. بس تعطي احساس جفاف بالشفاه يقهر احيانا :/

    طولت عليك :)

    ايوه نبغى الريفيو حق منتجاتك المفضلة ب2014
    بوسات

    ReplyDelete
    Replies
    1. حمستييييننيييي ع أرواج بورجوا و الله
      ناوية آخذ لي منهم واحد أو إثنين إن شاء الله


      و أبشري بينزل بوست المفضلات هالأسبوع بإذن الله
      :$

      Delete
  2. جميل :$
    حمستيني عليه ^^
    تسلم إيدك

    .
    .

    ReplyDelete
  3. شكله جميييييل مررره ويحمس
    جربت برجوا روج ايدشن مرررره حبيته أخذت ثاني لون من اليمين
    جلست ٤ ساعات بدون أكل وشرب ثابت بعد الاكل خف شي بسيط
    بس يظل جميل ع سعرره
    وحبيت ملمسه ع الشفايف
    يعطيك العافيه

    ReplyDelete