السلام عليكم و رحمة الله
كيف حالكم؟
قبل فترة أرسلوا لي إف روشيه البي بي كريم BB Cream حقهم عشان أجربه و أكتب لكم عنه.. المنتج متوفر منه ثلاث درجات في جميع محلاتهم بالسعودية و سعره ٧٥ ريال و شخصيا أشوف إنه سعر مناسب للجميع..
المنتج مكتوب عليه إنه يسوي ستة أشياء:
* يرطب البشرة لمدة ٢٤ ساعة
* يوحد لون البشرة
* يخفف من عيوب البشرة و علامات الإرهاق
* ينعم سطح البشرة و يخليها تبين أصغر
* ينور و ينعش البشرة
* يحمي البشرة ضد العوامل الخارجية
و هنا الدرجات بسواتشات ثقيلة عشان توضح لكم الدرجات.. بس طبعا ما رح تكون بهالشكل ع البشرة
بالنسبة لتجربتي الشخصية مع المنتج:
قوام الكريم ثقيل شوي بس مفعوله خفيف جدا يعني ما يغطي البشرة بس يعطيها لوك صحي.. و لأنه خفيف فناسبتني الدرجتين الفاتحة و الوسط و مو مبين فرق كبير بينهم ع وجهي.. بالنسبة للترطيب فهو فعلا ما ينشف البشرة و يخلي فيها لمعة حلوة و ناعمة... هذي الأشياء اللي لاحظتها فقط من الست اللي مذكورة ع العلبة.. و المنتج مو ثابت ع البشرة .. يعني زيه زي أي بي بي كريم ممكن يسيح مع الحر و الموية عادي
نجي للأشياء اللي ما حبيتها:
أولا ما فيه حماية من الشمس!! أغلب البي بي كريم فيهم حماية لو بنسبة ١٠٪.. الشي الثاني هو ريحة العطر القوية فيه.. ما عندي مشكلة مع المنتجات المعطرة ع وجهي بس قاعدة أحاول أخفف من استخدامها لأن العطور مو زينة لصحة البشرة ع المدى البعيد..
و بس..
إن شاء الله استفدتوا من التقرير البسيط هذا :$
و لا تنسوني من دعواتكم
PEACE
Thank you for the detailed review of the Yves Rocher Sublime Skin BB Cream 6 in 1! Your insights on its coverage, texture, and overall effectiveness are incredibly helpful. It’s great to hear how it balances multiple skincare benefits while providing a natural finish. I appreciate you sharing your experience, including both the positives and any potential downsides. Your thorough review definitely helps in making an informed decision. Thanks again for your honest and valuable feedback!
ReplyDelete