Sep and Oct favorites مفضلات سيبتمبر و أكتوبر

السلام عليكم..

اليوم راح أشارككم منتجاتي المفضلة الشهرين الماضية

و نبدأ أول بالعناية :

مرطب سوربيه فيتامين إي من ذا بودي شوب.. مرررة يرطب و خفيف ما

يخلي البشرة تدهن أو تنكتم.. حبيته كثير عشان بشرتي مختلطة و أتوقع

راح يناسب البشرات الدهنية بعد..استخدمه في النهار قبل الواقي

سيروم الليل من ماركة رِن.. يرطب و يساعد في تخفيف المسامات و الحبوب

اللي يعجبني فيه هو إنه خفيف في الليل ما تحسين فيه ع بشرتك

و بنفس الوقت ترطيبه عمييييق.. مرات أحطه بالظهر إذا رجعت من الدوام

تونر البابونج من كلارنس منعش جدددددا و يساعد في تنظيف البشرة

و يسكر المسامات.. و لأنه بالبابونج فهو يهديء البشرة و يريحها

كريم العين بالأكسجين من ماركة ديرما تتش Dermatouch

مو موجود عندنا لازم تطلبونه أونلاين من أمازون مثلا!

خفيف مرة تمتصه منطقة العين بسرعة و لأنه جل فهو مو دهني أبد

و بااارد.. اللي خلاني أحبه أكثر إنه ما يأثر ع الظلال و الكحل بعده

و اللي لاحظته في هالاتي بعد التزامي فيه إنها خفت بشكل بسيط

مكتوب عليه مقاوم للتجاعيد.. 

أقنعة تحت العين بالذهب من جميلة العربية http://instagram.com/jamelaarabia

أعجبتني كثيييير و خصوصا قبل المناسبات و اللقاءات المهمة

لأنها تعطي تنوير و تفتيح لتحت العين.. مفعولها ما يدوم مدة طويلة

يومين أو ثلاث .. بس من جد لاحظت الفرق.. ما تروح الهالات.. لأ!!

بس تخف و تحسين بنضارة و ما رح تحتاجين كونسيلر كثير بعده

سعر الوحدة ٢٠ ريال.. و أنا أحطها تحت عيوني كذا ساعة

و أشتغل و أنام و أمارس حياتي.. المهم أحطها لين تنشف تمام

و أشيلها.. جميلة العربية أقنعتهم و خصوصا اللي بالذهب حلوة مرة

أنصحكم تجربونها

شامبو جاف من تريزمي.. تكلمت عنه في موضوع مشترواتي هنا

يعطي للجذور حجم و كثافة و يخفف من دهون فروة الشعر

مو موجود هنا للأسف بس ممكن تطلبونه من النت

زبدة سبا وزدم لليدين و الرجلين من ذا بودي شوب

هذي من يوم كنت بالثانوي استخدمها و ريحتها تجيب لي ذكريات جميلة

زمان كان اسمها أفريكا سبا لو تتذكرون؟ المهم هي زبدة خفيفة

بس ترطيبها قوي و خصوصا بالليل.. جربوها.. مم علبتها ظريفة بعد :$

دهن عطري بزهرة الفانيليا الإستوائية "مدغشقر" من ذا بودي شوب

ريحته حالية و دافية جدا و أحبها في الشتاء لشعري و أماكن النبض

و حتى لو أحط معها أي عطر ثاني لقيتها تمتزج معاه بشكل جميل

نجي للمكياج الحين :

بالت لوراك الميني برو الكيوووت استخدمته كثير و خصوصا لون Pewter

قوام الظلال ناعم مرة و يندمجون بسهولة.. 

بلشر من ماركة ديبرا ميلانو الدرجة موقانو.. يشبه لبلشر سِن من نارس

تكلمت عنه بالتفصيييل هنا

كحل ذا بودي شوب البني الجديد اللي تكلمت عنه في الموضوع اللي فات

استخدمته و حبيته كثييير الشهرين اللي فاتوا.. اقروا هنا بالتفصيل 

برونز بربري نسييييته كثييير السنة اللي فاتت بس رجعت استخدمه

و تذكرت قد إيش هو جمييييييل.. الدرجة اللي عندي رقم ٣

مطفية و دافية و ريحتها حلوة :$

روج وت آند وايلد لون Spiked With Rum

لونه بين البني و الوردي و النود و المشمشي.. كتبت عنه هنا مع درجات

ثانية لو حابين تاخذون فكرة زيادة..

لاحظتوا إني صرت استخدم البرونز كثير ههههههههههه

لأني هالفترة أميل للأرواج الغامقة و ما أحط بلشر كثير و بداله

أحط البرونز.. يعطي دفء لخدودي و ما يتعارض مع الأرواج الغامقة

برونز شانيل المشهور رجعت استخدمه هالفترة بعد ما نسيته هو بعد خخ

حلو و ثباته زين.. سويت عنه تقرير زماااااان هنا

و عشان نقفل ع سالفة البرونز لأني طفشت هههههههه

هذا أساس كريمي من إيلف خذيت لون غامق عشان أستخدمه برونز 

كريمي.. حبيته و سهل في الاستخدام و الدمج

و أخيرا روج ريفلون المرطب المطفي لون Sultry

لون مميز بين الأحمر و الوردي و العودي و الفوشي

مناسب للنهار و الليل و صحيح مطفي بس ما ينشف الشفايف

و ثباته زين.. موجود في سنتربوينت بحدود ٦٠ ريال

و بس خلصت خخ..

اكتبوا لي في التعليقات تحت وش حابين تشوفون الموضوع الجاي:

١- مشتروات العناية من السوبرماركت

٢- تقرير عن فرشة البرونز من مارك جيكبز

٣- تقرير عن أكحال ميلاني 

لا تنسوني من دعاكم.. 

PEACE