NYC haul 2: hair and skin care

السلام عليكم و رحمة الله و بركاته 
كيف الدوام للحين..؟ هاااانت باقي شوي ع إجازة الحج خخ

 + + + +
  

اليوم راح أكمل لكم الجزء الثاني من مشترواتي من نيوروك

و بيكون عن الكريمات والعناية و شغلات الشعر

ما أتذكر كل الأسعار للأسف .. يالله اذكروا ربي
و خلونا نبدأ!

 أي شي مكتوب بالأخضر اشتريته من سوبرماركت Whole Foods
و هو أكبر سوبرماركت يبيع منتجات طبيعية و عضوية في أمريكا

 

أنا أحب الشامبو الجاف جددددا.. لأن جذور شعري دهنية مرة

و كمان الشامبو الجاف يعطي حجم للشعر و منظر كثيف من فوق

عاد هناك لقيت كثييير ماركات.. و اشتريت هذي..

من الماركات دوف و بسسسست و تريزمي

حق تريزمي اشتريت حجم السفر الصغير.. و سمعت كثييييير

يمدحونه في اليوتيوب و لما لقيت الحجم الكبير شريته بعد

و هو الوحيد اللي جربته و للحين عاجبني مرررة..

و الحمدلله إني خذيت العلبتين :$
أسعارهم تقريبا تتراوح بين 5 إلى 8 دولار..

 
 + + + +



 أنا أحب ماركة تريزمي بس لأنهم ما يبيعون كل المنتجات حقتهم هنا
حاولت أشتري أكبر قدر ممكن من هناك خخ.. أخذت بخاخ الحماية
من الحرارة هذا و جنبه علبة صغيرة سبراي للشعر حجم السفر
عشان لو رحت مشوار و لا مناسبة أخذه معي بالشنطة..

 و اشتريت بعد رغوة تجعيد بحجم السفر من ماركة جون فريدا
JOHN FREDA ما قد جربته و لفتني.. فـ.. ليش لأ خخ

و ع اليسار بلسم من ماركة أوسي.. البنات الأمريكيات يمدحونه
في كل موقع.. و بصراحة طلع ع قد المدح
له كذا نوع بس أنا أخذت الترطيب.. و فعلا شعري صار مترطب 
و ملمسه ناعم و سهل التصفيف بعد الاستخدام

أسعار المنتجات هذي بين 3 و 8 دولار تقريبا
 
 + + + +

 

باين طبعا إني طحت في حجم السفر طيحة قشراء خخ
بس لما أحب أجرب شي جديد أحس أفضل يكون حجمه صغير
عشان لو ما عجبني ما أكون خسرت عليه واجد..
و لو بغيت أخذه في أي مكان يكون سهل علي

المهم مقشر سينت آيفز بالمشمش كنت أشتريه كثيييير قبل ست سنوات
و مع كثرة المنتجات والتجارب نسيته.. و لقيت حجم السفر الظريف هذا
و اشتريته عشان استرجع أيام زمان :(

بعده دواير قطن فيها منظف كياج عيون من ماركة ألماي ALMAY
إيملي نويل ع اليوتيوب دايم تتكلم عن منتجات هالماركة.. فحبيت أجربها

اشتريت هذا البخاخ المشابه لبخاخ كودالي بس طبعا أرخص بكثير
هو عبارة عن تونر و منشط للوجه و الجسم ..
و مكوناته خالية من المواد الضارة و فيه فيتامين إي

و أخذت واقي شمس للجسم و الوجه مقاوم للماء من
ماركة Nature's Gate و نسبه حمايته 50
 
 + + + +



اشتريت هذا المنتج العجيب المتعدد الاستعمالات من ماركة Olbas
يستخدم شامبو و سائل استحمام و للبانيو و للغسيل و التنظيف حتى!! 
مكوناته خالية من المواد الضارة كمان و يساعد ع الاسترخاء
للحين ما جربته.. مخليته لما تكون نفسيتي خايسة و أحتاجه خخ

و من محل تي جي ماكس t.j.maxx أخذت علبة الأقنعة هذي
فيه كذا نوع بس وقتها حسيت إني محتاجة قناع التنقية أكثر خخ

 + + + +
 



و أكيد كلكم تعرفون هذي الماركة.. اسمها yes و منتشرة
كثييييير في اليوتيوب و المدونات.. لها كذا نوع.. فيه بالخيار
و فيه بالبرتقال.. و الجزر.. و جوز الهند.. و الجريب فروت
و كل نوع مخصص لشيء من احتياجات البشرة..
أخذت مناديل تنظيف الوجه ..اللي ع اليمين بالجريب فروت
مصححة و معالجة للبشرة.. و ع اليسار بالخيار تنعم الوجه
كان عليها عرض اشتري 2 بسعر 1 و طبعا استغليته خخ


 + + + +

و هذا تقريبا كل شي.. طبعا أخذت عينات من كل شي ممكن في الحياة خخ
مدري هو أنا بس اللي كذا؟ أتحمس للعينات أكثر من المشتروات :$
المهم إذا حابين تقرير عن أي منتج ذكرته اكتبوا لي في التعليقات



و الموضوع الجاي إن شاء الله بيكون عن منتجات من بينيفت
لا تنسوني من دعاكم..



PEACE