EMPTIES! منتجات خلصتها :D

السلام عليكم و رحمة الله

 

اليوم راح أشارككم منتجات خلصتها و رأيي فيها..

سويت موضوع مشابه له السنة الماضية هنا لو حابين تشوفونه

 

 

يالله نبدأ؟

 

 

زبدة ذا بودي شوب بالخوخ.. ممتازة مرة و عموما أغلب زبداتهم تعجبني

سعرها 70 ريال تقريبا ..يعجبني فيها ترطيبها و ريحتها اللذيذة

و الحين شريت وحدة ثانية منها و قربت تخلص خخ

 

الزبدة الثانية عطوني إياها هدية في محل أرجوان السويدي..

و شفتها تباع في النهدي.. بس مرررة ما حبيتها لأنها ثقييييييلة

و ما تمتصها البشرة أبد.. بالقوة خلصتها و ما برجع أشتريها

 

 

 

برايمر بينيفت.. حلو و جميل و عندي منه واحد ثاني الحين أستخدمه

زين و يعبي المسامات.. و يخلي الأساس flawless

 

سيروم seaweed من ذا بودي شوب للمسامات..هو  علاج مو مكياج

أحطه قبل المرطب و لاحظت المسامات صغرت بالاستمرار عليه

و تقييمه عاااااالي في موقع ذا بودي شوب الأمريكي..

بأرجع أشتريه إن شاء الله

 

مزيل المناكير من ماركة فارمسي بالليمون..

الحلو فيه إنه رخيص و حجمه صغير ينفع للسفر و الدوام

فيه منه بالفراولة خلص و رميت علبته ما صورتها للأسف

موجود في السوبرماركتات زي الدانوب و بندة..

 

مزيل مناكير سيفورا المشهوووور.. أول ما شريته حبيته كثييير

بس لأن أغلب مناكيري غامقة بعد فترة صار المنتج من جوا غامق

و يجي اللون ع أصابعي و ما عاد تنظف أظافري زين

و إذا جيت أمسح مناكير القليتر يتقطع الاسفنج اللي داخله :(

لو أنت مناكيرك دايم فواتح بيعجبك لأنه سريع و سهل

بس بالنسبة لي ما أتوقع أشتريه مرة ثانية

 

 

 

سيروم Absolue Precious Cells Concentrate

من لانكوم.. مكتوب عليه إنه يخلي البشرة نضرة و ممتلئة و يخفف التجاعيد

مم.. ما لاحظت أي تغيير أو تحسن في بشرتي.. غير إن قوامه ثقيل ما تمتصه

البشرة.. عموما خلصته و ما برجع أشتريه

 

كريم مرطب من ماركة سيبو اسمه

Sea Buckthorn Nourishing Facial Cream

شريته من أمريكا.. و متوفر أونلاين.. مكوناته طبيعية

و زينة للبشرة.. و حبيييييييته كثييير لأنه خفيف ع البشرة

و تمتصه بسرعة.. إذا سافرت بارجع أشتريه

 

مزيل مكياج العين ماركة no miss مكوناته طبيعية شريته من أمريكا

ما أعجبني أبببد.. يحرق العين مرة.. و فوق هذا ما ينظف مكياج العين أبد

صرت استخدمه لوجهي لين خلص.. و ما رح أشتريه خلاص توبة خخ

 

بعده بلسم أخذته من أمريكا من ماركة Avalon Organic

بالزيتون و بذور العنب.. حلو و يرطب الشعر..

بأرجع أشتريه إن شاء الله بس بأجرب أنواع ثانية من الماركة

ممكن تلاقونه أونلاين بعد..

 

 

 

بخاخ De Slik من إربن ديكاي مثبت للمكياج و يسيطر ع الدهون

اشتريت حجم صغير عشان أجربه و أعجببببني كثيييير..

موجود في بعض فروع سيفورا عندنا بس الحجم الكبير

أنصحكم تجربونه بيعجبكم أكيد.. و بارجع اشتريه إذا خلصت

بخاخاتي اللي عندي الحين..

 

في النص أسوأ منتجين خخ.. منظف مكياج العين من ماركة سمبل في بووتس

و مزيل المكياج من ماركة كودالي.. شخصيا ما ناسبوني أبدا

ما أحس يسوون شي.. كأنهم قوارير موية عادية!! 

مع إن مكياجي مو ثقيل في الغالب.. بس للأسف ما فيه فايدة

استخدمتهم لمكياج الوجه لين خلصوا و ما رح أرجع أشتريهم

 

المنتج ع اليسار زيت ترطيب من ماركة كودالي للوجه و الجسم و الشعر

بما إنه غالي شوي استخدمته ع وجهي بس قبل النوم.. حلو و يرطب

بس إذا جاء بالمنطقة اللي حول العين يحرررق مرة..

يمكن أشتريه أقين بس ما رح أستخدمه ع وجهي.. بأحطه ع الشعر و أشوف

 

 

 

 

مناديل إزالة المكياج من ماركة بيرتس بيز..

مم.. ناشفة شوي و ما تنظف البشرة زي الناس خخ

ما بأرجع أشتريها باختصار ههههههههه

 

و أخيرا قطن من ماركة تارقت الشكل المستطيل.. شريته من أمريكا

يالله يا بنات مررررررررررة حلللللوووووو و حبيته

و سعره مناسب و كميته كبيرة.. بالله إذا لكم أحد رايح

أمريكا و استراليا و عندهم تارقت في مدينتهم خلوه يشتري لكم منه

 

هذي طبعا تجاربي الشخصية.. ممكن اللي أعجبني ما يناسبك

و اللي أكرهه يكون مفضل عندك.. فبدون زعل يا جماعة خخ

 

و بس

لا تنسون التكبير و الذكر في العشر.. و ادعو لي :$

 

PEACE