Oct 3, 2014

Nars Sheer Glow Review

السلام عليكم و رحمة الله


بداية أنا ما أحب أشتري أساسات كثيرة..
إذا لقيت أساس حلو و أعجبني أجلس عليه سنين لين ألاقي واحد أحسن
و اليوم راح أشاركم العشق الجديد.. أحسن أساس جربته في حياتي كلها
كل الأشياء اللي أبحث عنها في الأساس موجودة فيه
و هو أساس من نارس و اسمه Sheer Glow
يباع في سيفورا برا السعودية.. و ممكن تشترونه أونلاين
الدرجة اللي عندي ميديم1 و اسمها بونجاب punjab

 
الأساس تغطيته متوسطة و خفييييف قوامه ما تحسين فيه ع وجهك
و هذا أهم ميزة عندي لأني ما أحب الأساس الثقيل اللي يكتم البشرة..
و كمان يعطي نضارة و لمعة هادية.. و يغطي العيوب البسيطة
إلا الهالات الغامقة لازم كونسيلر معاه يكون مايل لمشمشي
جربته بعدة طرق : بفرشة - بأصابعي - باسفنجة
و جربته فوق أنواع متعددة من برايمر الوجه .. و جربته لوحده
جربت ببودرة و بدون بودرة.. جربته ببخاخ مثبت مكياج و بدون
و في كل التجارب صمد و أذهلني في جودته..
بس مهم إنك ما تكثرين منه.. يعني ضغطتين أو ثلاث كفاية جدا للوجه
و ممكن تحطين قليل منه يعطي تغطية بسيطة للنهار مع شوي واقي و مرطب
مكتوب ع العلبة إنه مناسب للبشرات الجافة و العادية..
بس بشرتي مختلطة و ماشي معي تمام.. مدري إذا بشرتك دهنية يمكن
يناسبك النوع المطفي من نفس الأساس و هو Nars Sheer Matte
مكتوب ع العلبة إنه مو معطر و آمن ع البشرة و لا تنسين ترجين العلبة
قبل الاستخدام..
خلوا في بالكم إن العلبة ما تجي برأس ضغاط!!
الرأس هذا تشترينه لوحدة بـ 6 دولار و تركبينه
و الرأس في ميزة الأمان.. يعني يمدي تسكرينه عشان يبقى المنتج
بحالة جيدة و ما يخرب أو ينشف.. بس عيبه الوحيد إنه إذا حطيتي الرأس الضغاط
ما تقدرين تحطين الغطاء العادي فوقه.. لكن ما عليه أهم شي المنتج نفسه خخ
أعطيه تقييم 5 \ 5 و هو صار أساس أحلامي خلاص
ما أتوقع أدور غيره.. إلا إذا لقيت أحسن منه..
و بما إننا نتكلم في ماركة نارس.. خلوني أوريكم موضوع هنا عن
بلشراتهم.. و موضوع ثاني هنا عن إضاءتهم المشهورة ألبتراس..
ع فكرة.. جربت ظلالهم الجديدة لما سافرت.. حلوييييين
بس ما حسيت إني محتاجتهم هالفترة.. يمكن بعدين؟! مدري :$ :$
لا تنسوني من دعاكم.. و كل عام و أنتم بخير..
()
PEACE

3 comments

  1. شو افضل فرش ميك اب وسعرها كويس ؟

    ReplyDelete
  2. ممكن أعرف درجتك بالماك علشان أقدر أقيس عليها

    ReplyDelete

© ●terter thinks● | All rights reserved.
BLOG TEMPLATE HANDCRAFTED BY pipdig