NYX Powder Blushes



السلام عليكم و رحمة الله

كيف حالكم؟ وحشتوني مررررة..

اليوم راح أتكلم عن بلشرات نكس البودرة

و هي من أحسن و أرخص البلشرات اللي جربتها

عندي منها خمس ألوان و ناوية أشتري أكثر خخ

اللي أحبه في هذي البلشرات تركيز لونها عالي مرة و ألوانها متعددة

بين المطفية و اللمعة.. و حجمها صغير يعني سهل تاخذينها بالشنطة
و ثباتها في الغالب من 4 إلى 6 ساعات..

موجودة في سنتربوينت و سعرها تقريبا حدود 30 ريال

نشوف الألوان و نكمل؟

taupe - bettersweet - mocha - terracotta - espresso

من اليمين لليسار :

إسبريسو: أفضل درجة عندي و أكثر درجة استخدمها..

لونها بين البني الفاتح و الوردي و المشمشي.. يبان طبيعي مررررة 

و يندمج مع البشرة و خصوصا البشرات الوسط و السمراء

تيراكوتا: الدرجة الوحيدة اللي فيها شيمر عندي و بالرغم من كذا

مرة لمعتها ناعمة و حلوة.. لونها برونز مايل للمشمشي

تشبه بلشر إتش آند أم اللي اسمه برونز رقم 15..

لو أنت مسوية تان و حطيتيها يا سلاااااااام..!!! خخ

موكا: وردي مطفي دافي.. حلو بس شخصيا ما أميل للورديات كثير

فهو أقل بلشر استخدمه عشان لونه..

بيترسويت: هذا من الألوان الجديدة اللي نزلتها نكس في 2014
و هو مشابه لإسبريسو بس مايل للوردي أكثر.. حبيته

تووب: هذا اللون كل اليوتيوب يتكلمون عنه إنه مناسب للكونتور
لونه بني بارد حلو.. و ينفع للبشرات الفاتحة و الوسط
إذا كنتِ سمراء ممكن ما يبان عليك اللون..



ع فكرة!
لقيت منهم كميات في سنتربوينت فرع عزيز مول جدة
و فيه سنتربوينت فرع السلام مول برضو..


و إذا حابين تشوفون ريفيو عن بلشرات نكس الموزاييك تفضلوا هنا


و بس.. أتمنى عجبكم البوست اليوم..
و أشوفكم المرة الجاية في تقرير عن كحل بني جميييييل




لا تنسوني من دعاكم..

PEACE