Apr 23, 2013

NARS blushes : orgasm and taj mahal

السلام عليكم..
 
كيف حالكم..؟ عذرا ع التأخير..
 
 
اليوم راح أكلمكم عن بلشرات نارس.. خصوصا اللونين اللي عندي و هم
أوقازم orgasm و تاج محل taj mahal
 
 
 
بصراحة تاج محل كنت أبحث عنه من زماااااان.. من يوم كانت تباع نارس في سيفورا عندنا بالسعودية.. و لا ألاقيه إلا تيتسر .. أجربه و أتحسر و أطلع :""
و مرة تيسر لي أطلبه من نوردستروم و وصل الحمدلله..
 
 
أما أورقازم فما طرى لي أشتريه أصلا خخ.. أسمع عليه مدح كثيييييييير ..
في المواقع و المدونات و اليوتيوب.. شوي و يقولون علاج الموت خخ
و عندي كم بلشر يشبهون له.. و قلت ماله داعي
لكن سمعت وحدة ماني متذكرة مين بالضبط في اليوتيوب.. تقول نفس كلامي..!
بعدين يوم جربته تغيرت نظرتها له و صارت تعشقه و كذا خخ
 
المهم لين ذاك الحين و أنا ما فكرت أشتريه.. و يوم طلبت علبة منتجات سيفورا
جاء معها بلش أورقازم حجم كبير.. أحسه يقولون جربيه يختي يمكن تغيرين رايك خخ..

 
و هذولي صورتهم :
 
 
راح أوصف لكم كل لون الحين و نبدأ بتاج محل :
 
 
تاج محل لونه برتقالي و يخوف في العلبة.. بس يوم ينحط ع الخد يعطي لون مشمشي منعش و خفيف.. و فيه لمعة ذهبية بسيطة.. بصراحة يوم شفت صور لناس تحطه لقيت إن السمر محظوظين في هاللون طالع عليهم عجييييب..!!
و اللي مسوين تان بيعجبهم أكثثثر..
أنا حبيته علي.. صحيح كان نفسي يكون مبين برتقالي أكثر  بس ما عليه يظل حلو..
اللي يعجبني في هاللون إنه ممكن ينحط ظل و ينفع للدمج في كسرة العين مع أي لون ثاني.. و ينفع لحاله بعد.. أحسه منتجين في واحد.. ظل و بلشر..
 
 
أما أورقازم.. وردي ع شوي كورال و فيه شيمر ذهبي
 
 
يوم جربته حسيته حلوو صح و لونه مناسب للجميع..
بس مو لدرجة المدح الكثييييييييير اللي عليه..
هو حلو و زين و يهبل ..لا تفهموني غلط!
بس فيه كثير بلشرات من نارس مثل مادلي madly و سِن sin أحسهم أحلى و لا لقوا مدح و تقدير و إعجاب مثل هذا .. أعيييد و أكرر عاجبني و راح أستخدمه .. بس أحسه مب وااااااو مرة.. و ما بموت لو ما شريته خخ..
 
نشوف السواتشات ؟
 
 
أنا مثقلتها مرة عشان تشوفون الألوان و اللمعة حقتها..
بس في الواقع خففوه شوي ما يحتاج أقول لكم :)

أخيرا ثبات البلشرات فوق الخيال..!! أنا أحطهم و أتوضأ و لا يروحون من خديداتي
و السواتشات اللي سويتها لكم ع يدي : تروشت و توضيت كم مرة
و لا راحت إلا خفيف

و بس
 
حابين تعرفون عن هايلايت نارس (ألبتراس) تفضلوا هنا
و إذا ودكم تشوفون البرونزر الشهير (لاقونا) و سواتش له تفضلوا هنا
 
أشوفكم الأسبوع الجاي في مفضلات شهر أبريل :)
 
peace

4 comments:

  1. روعه تاج محل ان شاء الله راح اشتريه
    بلشرات نارس من افضل البلشرات اللي جربتها
    الف شكر لك امل يعطيك العافيه

    ReplyDelete
    Replies
    1. إييييه راح يعجبك كثير..
      و نارس قوية في البلشرات فعلا
      ربي يعافيييك :$

      Delete
  2. تاج محل عجبني بس أيش أرواج ممكن أحطها معاه ؟ أحسه لون صعب

    ReplyDelete
    Replies
    1. أنا أحط نود أو عودي و مكياج العين خفييييييف مرررة..

      Delete