Drugstore Haul مشتروات العناية من السوبرماركت

السلام عليكم و رحمة الله
كيف حالكم؟ 

خلصت بعض شغلات العناية من عندي و رحت سوبرماركت بندة و مانويل 
عشان أشتريهم..

و قبل أبدا أحب أقول إني أخلص منتجات الشعر بسررررعة و طبيعي اشتري 
كمية ممكن تشوفونها كثيرة..


أول شي خلوني أوريكم شور الجل الللذذييييذذ هذا

يالله يا بنات ريحته شوكلاتة حلللووووة و شهية.. و هو قوامه كريمي يعني
 ما ينشف الجسم.. فيه نكهة ثانية بالفانيليا و فيه فراولة أظن
 بس الشوكولاتة أحسنهم.. جربته و عشت جو في الحمام بصراحة خخ..
ما أتذكر سعره بالضبط بس حول ١٤ ريال من بنده

أحب أقنعة الوجه و العين و لقيت هذي في مانويل و قلت أجربها

أقنعة الوجه ب٥ ريال واحد بالخيار و واحد باللولو..

و أقنعة العين سعرها ١٠ ريال لأن موجود فيها ٣ استخدامات

سمعت مدح كثيييييير ع المنتجين هذي من لوريال إلفيف..
الأحمر بلسم للشعر المصبوغ و الذهبي بديل الزيت فيه كيراتين و أراقان
مكتوب عليه ممكن يستخم زي الزيت قبل الاستحمام أو كبلسم
و ممكن يستخدم بعد الغسل خلاص و تخلينه بشعرك..

أخذت هذا الشامبو و البلسم اللي أول مرة أشوفهم بحياتي هههههه
مكتوب إنهم للشعر المعالج و الجاف و المتضرر يعني شعري باختصار خخ
بأجربهم و أشوف.. 

سنتر بوينت مسوين خصم ع عطور الفواحات.. اشتري ٢ و الثالث مجانا
خذيت هذي الروائح الجميلة.. لي موضوع ثاني عن مجموعتي في زيوت الفواحات
تكلمت فيه بالتفصيل عن أنواع كثيرة.. شوفوه هنا 




و بس
لا تنسوني من دعاكم.. 


PEACE