Dec 14, 2014

MARC JACOBS The Bronze Brush 12



السلام عليكم و رحمة الله..


و الله أعرف إني تأخرت عليكم في المواضيع 
بس عاد الدنيا تلهي اللي ما ينلهي خخ

اليوم جيتكم بتقرير عن فرشة مارك جيكبس ذا برونز رقم ١٢
الفرشة تباع في بعض محلات سيفورا و سعرها تقريبا ٣٠٠ ريال
الفرشة جودتها عااالية و شعيراتها ناااعممممة و ما تطيح..
صحيح مكتوب عليها إنها للبرونز.. بس ممكن تستخدم لأشياء كثيرة


الفرشة أول ما تشترينها تكون ملمومة و مع الوقت تنفش أكثررر..



بعد تجربتي معها لاحظت إنها مناسبة لبودرة الوجه بشكل ممتاز
توزع بخفة ونعومة و تتحكم بكمية البودرة ع الوجه 

بالنسبة للبرونز فهي ما رح تسوي توزيع دقيق لو أنت تبين كونتور حاد
لأن شعراتها كثيرة و منفوشة راح توزع البرونز بشكل مموه 
و شخصيا عجبتني النتيجة لأن اللوك يكون هادي و مدموج صح
مو قوي و ثقيل.. و نفس الكلام ينطبق لما استخدمتها للبلشر

بس أعتقد لو وجهك صغير و نحيف ما رح تناسبك إلا للبودرة

طيب بشكل عام :
لو أنت ما عندك فرش كثيرة ذات جودة و مستعدة تدفعين مبلغ محترم 
في فرشة متعددة الاستعمالات و تبقى معاك العمر كله.. اشتريها

لكن لو أنت عندك فرش واجد للبلشر و البرونز و البودرة ما أحس 
تحتاجينها.. إلا إذا أنت فيك طفاسة مثلي عاد خذيها و أمرك لله خخ

فيه لها بديل بس لسا ما جربته و هي فرشة البلش من ريل تكنيكس


و بس.. أتمنى كان التقرير مفيد و مختصر
و أشوفكم في الموضوع الجاي.. لا تنسوني من دعاكم

()

PEACE

2 comments

  1. احب تدويناتك ترتر
    تسلم يدك
    راح اشتري فرشة ريل تكنيك على توصيتك :$

    ReplyDelete
    Replies
    1. انا طلبت حقت ريل تكنيكس بعد و ان شاء الله تكون حلوة
      ❤️❤️❤️

      Delete

© ●terter thinks● | All rights reserved.
BLOG TEMPLATE HANDCRAFTED BY pipdig