PURPLE for everyone!! :D

مرحبا..

اليوم راح أكتب لكم موضوع من سلسلة ألوان الظلال
و راح يكون اليوم لون قوي و مميز اللي هو البنفسجي أو الموف بدرجاته..
هاللون الناس تجاهه فريقين.. فريق يحببببه.. و فريق ما يطيقه مو بس يكرهه بعد ههههههه..

بالنسبة لي أحس اللون هذا هو اللون الوحيد اللي يلائم جميع ألوان و درجات البشرات المختلفة.. و اكتشفت هالشي في بداياتي مع التجميل..مرة لما كنت أشتغل في مركز في العصر و كان فيه موظفة سمرااا جدددا.. و حاطة شوي ظل بنفسجي غامق ع كسرة العين و يسمونها بالإنجليزي (crease) أو زاوية العين الخارجية..

مرررة لفتني اللوك..!! رحت البيت و علطول طلعت علبة كوستال سنتس 88 لون.. و بسم الله ههههههههه.. بديت أسوي نفس اللوك حقها و عجبتني النتيجة كثير.. ما أخفيكم قعدت أسبوع كل يوم أعيد هاللوك من كثر ما عجبني خخ

و لما بحثت في اليوتيوب لقيت طرق مختلفة لاستخدام هاللون (ممكن تبحثون بـ purple look ) أتمنى بجد تجربون هاللون و تعطون نفسكم فرصة للتنويع حتى لو إنتم من أهل الناتشورال :$

البنفسجي سواء فاتح أو غامق أو وسط يكون على نوعين

بنفسجي مايل ع أزرق و هذا نسمية بنفسجي بارد cool purple

و بنفسجي مايل ع أحمر أكثر و نسميه warm purple

فأنت شوفي وش يناسب بشرتك أكثر.. ما أقدر أقول لك إذا سمراء خذي كذا و إذا فاتحة خذي كذا.. لأنه لازم تجربين بنفسك و تقررين وش يعجبك.. لو تجربين حتى في محلات المكياج الحين صاروا حريم يبيعون.. ارفعي غطاك لو متغطية و جربي دافي و بارد ع عيونك و إذا قررتي المناسب لك اطلبي منها مزيل مكياج و امسحي و خلاص

إذا احترتي فيهم خذي البنفسجي الدافي و خذي ظل أزرق.. يصير تلعبين ع اللون زي ما تحبين.. إذا تبين بنفسجي دافي حطي منه و إذا تبينه يصير بارد حطي معه شوي أزرق..

طيب باقترح عليكم 4 درجات من اللي عندي .. و كلهم تقريبا اللي عندي من البنفسجي الدافي و أستخدم معهم حركة الظل الأزرق إذا أبي أحولهم لبنفسجي بارد:

MUFE ميك أب فور إيفر - مطفي - رقم 92