Jul 20, 2013

flormar nail polishes

 
 
مرحبا.. كيف حالكم؟!
معليش انشغلت كثير عن المدونة بس إن شاء الله أرجع زي أول و أحسن..
 
لما سألتكم ع تويتر إذا حابين أسوي لكم سواتشات و ريفيو لمناكير فلورمار التركية
كثير منكم رحبوا بالفكرة و تحمسوا لها.. و اليوم بإذن الله راح أوريكم المجموعة اللي عندي.. ماركة فلورمار التركية أسعارها نوعا ما رخيصة.. خصوصا المناكير!!
في محلاتهم في جدة (عزيز مول - مجمع العرب - حراء) المناكير بالعادة بين 10 أو 15 ريال.. و في محلات المكياج العادية الرخيصة ممكن تلاقونها بهالأسعار أو ممكن أغلى شوي.. لين 20 ريال..
 
أكثر شي منوع و مشهور في هالماركة هو المناكير و فيه أحجام صغيرة و ريشة رفيعة و مناكير التكسير .. و لما بحثت ع النت لقيت إن كثييييير بنات حول العالم يحبونها و مبهورين بجودتها مقابل سعرها الرخيص!!

في بلدها الأصلي تركيا أرخص كمان من عندنا.. أغلب الألوان اللي عندي جابتهم لي صديقتي من هناك.. الواحد سعره الأساسي عندهم 5 أو 6 ريال..!! إيوه أنا قلت سعرها الأساسي بدون خصم!!

يمكن تحسبوني أبالغ لو قلت لكم إن الألوان المعدنية اللي خذيتها في جودتها نفس مناكير شانيل!! اللون قوي و تنشف بسررررعة.. غير عن اللمعة القوية فيهم.. و الألوان الباقية واضحة و جميلة بعد

كل الألوان اللي بتشوفونها ما لقيت معهم تعب غير الأخضر ممكن يبي 3 طبقات
أما البقية طبقة أو طبقتين و أنت مخلصة و مبسوطة خخ
كل صورة فيها اسم الدرجة .. اللي قبلها حروف هذي مجموعات خاصة أو محدودة
و اللي بس أرقام هذا اللاين الأساسي لمناكير الماركة
 
و أحب قبل أحط السواتشات أشكر رمّوش صديقتي
تطوعت إني أسوي السواتشات ع أظافرها الجميلة و تحملت التمسيح و التلطيخ اللي صار و في بعض الصور المناكير شوي محيوس لأن ما معنا وقت كثير و مناديل إزالة المناكير خلصت علينا في نص التصوير و اضطرينا نرجع نستخدمهم كذا مرة..

تابعوها ع إنستقرام romiah .. و ع تويتر ramawe و قولوا لها شكرا :$

 
 

و بس.. عشان تعرفون وش شريت من هالماركة بعد طالعوا مشترواتي هنا
 
أشوفكم في بوست جاي بإذن الله.. لا تنسوني و جدتي من دعاكم
 

5 comments

  1. ماشاء الله اول مره اسمع فيها
    بس جد عجبتني
    وصحبتك يدها جميله
    وعجبتي الالوان عليها

    يعطيك العافيه يَ قلبي

    ReplyDelete
  2. السلام عليكم
    ياجميلة حبيت أقولك أن اليد الي فيها زينه مثل المناظير ما يجوز عرضها ♥♥♥

    جزاك الله خير والله يوفقنا وإياك لما يحبه ويرضاه

    ReplyDelete
  3. المناكير* عذراً

    ReplyDelete

© ●terter thinks● | All rights reserved.
BLOG TEMPLATE HANDCRAFTED BY pipdig