Apr 5, 2013

How to : Cat \ Winged Eyeliner !

مرحبا..
كيف حالكم..؟
اليوم أنا كثير متحمسة .. راح أسوي شي كان نفسي فيه من زمان
إن شاء الله أبدا أسوي دروس تجميل.. راح أحاول تكون أسبوعية
و هو كان تلبية لطلب وحدة حبوبة و نفسها تتعلم كيف أسوي رسمة عيني :$
و أكيييد بيفيد الكثيرات
 
. . . . . . . . . . . . .
 
و الفضل لله أولا.. ثم للفنانة نورا با عقيل اللي رسمت لي وجه خاص فيني و مدونتي ..
أو مثل ما يسمونه face chart
غمرتني بصبرها و فنها ربي يسعدها..
هنا حسابها ع تويتر : @nowa_88  .. يا ليت تسوون لها فولو و تتمتعون بكلامها و صورها عن الديكور
 
. . . . . . . . . . . . .
 
 اضغطوا ع الصورة و تكبر
 
اليوم درس الميك أب هو شي معروف كثير بس لازلت ألاقي بنات ودها تتعلمه..
و قلت أشارككم فيه و يكون مقدمة زينة لدروس الميك أب إن شاء الله..
و هو كيف ترسمين الكحل المعروف بـ الكات آيز
بأسهل طريقة ممكنة و هي اللي أسويها دايم
 
. . . . . . . . . . . . .
 
بالنسبة لي كنت أحس هالرسمة حلم خخ..
و يوم تعلمتها كانت تاخذ مني 10 دقايق أو ربع ساعة
الحين ما تتعدا الدقيقة و أكون راسمة العينين و مخلصة ..
و مع التدريب المستمر راح تضبط معاكم أنتم بعد
غالبا أحب أستخدم كحل ميبلين الكريمي.. مع فرشة سيقما E05 أو E10 ..
هنا استخدمت E10 في الدرس..
و ممكن نفس الطريقة تسوينها بأي نوع كحل سايل أو كريمي أو قلم..
أهم شي الطريقة وحدة ما تفرق نوع الكحل.. 
 و يا ليت يكون عندكم مراية تشوفين فيها عيونك الثنتين سوا..
عشان يوم ترسمين العين الثانية تشوفين الأولى و تحاكينها..
و تكون نفسها مو مختلفة أو طالعة أو نازلة و كذا..
لأن المرايات الصغيرة مرة تخليك تشوفين كل عين لوحدها حلوة و مرتبة
 بس ما يكونون نفس الشكل النهائي
 
. . . . . . . . . . . . . 
 
يالله بسم الله نشوف كيف..؟
 
أول شي فتحي عينك و ابدي خط من بداية العين للخارج يكون على امتداد خط الرموش السفلي..
مثل اللون الأخضر.. كأن الخط يكمل خط الرموش السفلي.. انتبهي لا تطلعين مرة أو تنزلين مرة زي الخطوط الحمراء
عشان ما يبان الشكل غريب أو ممكن يبين عيونك حزينة أو ذبلانة أو أصغر ..
 

 
و كذا أول خطوة
 
 
 
بعدين غمضي عينك
 
 
و من نهاية الخط اللي رسمتيه على برا إنزلي لجهة الرموش
و بيصير معك شي يشبه المثلث مثل كذا :
 
 
و بعدين بالكحل عبي الفراغ.. مهم كثييير الكحل يوصل للرموش ما يكون فيه فراغ بين الرسمة و الرموش
و بعدين ابدي بشويش ارسمي خطوط صغيرة شوي شوي على جوا..
لو رسمتي و أنت مبتدئة خط واحد متصل ممكن تكون رسمتك عريضة شوي..
عشان كذا شوي شوي لين توصلين بداية العين ..زي كذا :
 
 
 
 
لو شكله ما ضبط من أول مرة ما عليه.. يمديك تعدلين الطرف اللي فوق و يكون تمام..
و الحين فتحي يا مكحولة العين خخ.. و راح يكون معاك الشكل كذا :
 
 
 
 
ممكن لين هنا و تكون رسمتك خالصة .. يعني رتبي شوي فيها و انتهينا..
بالنسبة لي أحب العيون مسحوبة أكثر و ذا.. و أعبي المكان للي كنه حرف v .. 
 محددته لكم بالأخضر :
 
 
زي كذا النتيجة تكون إذا عبيته :
 
 
 
و خلصنا..!!!
 
 إذا حابين ممكن تكملون الكحل من تحت و يكون كأنه يكمل الرسمة اللي فوق.. و توقفون للنص زي كذا :
 
 
 
و ممكن تقفلون الرسمة زي كذا :
 
 
 
 
مهم جدا تكون رسمتك من برا عريضة و من داخل نحيفة..
و كل ما سحبتي الكحل لبرا أكثر راح يعطيك إتساع..
 
اللي عيونهم مدورة يعرضون الرسمة و يكثفونها من برا 
و اللي عيونهم صغيرة شوي أو العيون الآسيوية يعرضونها من النص شوي عشان تعطيهم تدوير للعين و توسيع..
 
. . . . . . . . . . . . .
 
و هذا كل اللي عندي لليوم..
 
قولوا لي رأيكم في موضوع الدروس.. هنا أو ع تويتر أو انستقرام أو ع الإيميل ..
و شاركوه مع صحباتكم و قريباتكم..

 
و شكرا مرة ثانية يا نورة.. شعور حلو يكون لي فيس تشارت مختلف عن البقية :$
 
peace
()

13 comments

  1. حلوو
    يعطيكي العافيهـ
    ربي يسعد نورة

    ReplyDelete
  2. الدرس مفيد وحبيتوهـ
    تسلمي يـ عسووولهـ

    ReplyDelete
  3. جميل مره حبيت الدرس وطريقتك تحمس :$ شكرا

    ReplyDelete
  4. واخييييراا عرففت كييف
    ان شاءلله اججربهاا
    تسسلم اييدكك

    ReplyDelete
  5. تسلم يدينك يختي ماتقصرين ابد
    بجربها ان شاء الله
    بسألك انتي شنوع بشرتك ؟ ادري مكانه غلط هنا بس قلت اخر بوست وبتشوفه وترد ان شاء الله
    عشان اشوف الاشياء الجميله اللي حطيتي لو تناسب بشرتي
    وشكرا

    ReplyDelete
    Replies
    1. الله يسلمك..
      إيه جربيها و ردي لي خبر..
      بشرتي مختلطة
      :$ ()

      Delete
  6. ما شالله مره سهل و واضح .. على قد ما حاولت ما تضبط معاي العينين بنفس الشكل .. كل عين تطلع لي رسمة خخخخخ
    بجرب طريقتك و ان شالله تمشي معاي تمام

    ReplyDelete
  7. شكراً على اطرائك الجميل امل و لي الشرف اكثر اني تعاونت
    مع انسانة مبدعة و معطءة زيك <3 <3

    اهم شي اختي الصغيرة جاية ركض تقول شفت اسمك ببلوق ترتر ثينكس خخخخخخخ :p
    بالنسبة لريقتك حبيتها جدا خصوصا نقطة سحب الخط مع الرموش السفلى
    طبقته و طلعت مضبوطة <3 <3

    استمري على تميزك و ثنكيو مرة ثانية :**
    *الرد العشرطعش اللي مفروض يطلع من ست ايام

    ReplyDelete
  8. تسلمين ياعسل
    ع توضيح رسمة العين
    ربي يجزاكي كل خير والله

    ReplyDelete

© ●terter thinks● | All rights reserved.
BLOG TEMPLATE HANDCRAFTED BY pipdig