وداعًا للقشرة و مرحبا بالشعر الجميل XD

السلام عليكم

شكرا لكم ع تواجدكم و ثقتكم.. كلامكم هنا و بتويتر يشجعني كثير .. ربي يسعدكم و الله
و راح أحاول رغم انشغالي بالمدرسة و البيت إنه أنزل بوستات تفيدكم إن شاء الله
و تقدرون تشاركون في الفولورز هنا و تحطون بريدكم أسفل المدونة عشان توصلكم بوستاتي أول بأول..

اليوم راح أتكلم عن هذا الزيت :
 

 

بنت خالي كانت تعاني من القشرة و نصحوها صحباتها إنها تستخدمه.. و كنت معاها يوم تشتريه.. من بنده خذيناه
قريت المكونات في كل الأنواع من هالزيت و لقيت فيهم كلهم حنا.. إلا هذا فـ أخذته.. لأن الحنا راح يصعب علي الصبغة بعدين
و لهالسبب ما أبيه.. بس هو مرة مفيد و زين للشعر..
 اللي أخذته هذا ريحته جميلة كمان و ما أدري عن باقي الأنواع

فروة شعري دهنية بس أطراف الشعر جافة و عندي قشرة خفيفة.. أو كانت عندي خخ
المهم استخدمته كم مرة للحين.. لاحظت فروة شعري صايرة بيييضضضضااااااء و نظيفة..!!!!
و القشرة.. بح مالها وجود.. و شعري ملمسه أطرى و أنعم
استخدمته مرتين في الأسبوع قبل فترة.. و الحين صرت أستخدمه مرة بس أسبوعيًا..
أحطه و ألف شعري بكيس أو كاب و أخليه كذا ساعة و بعدين أغسله طبعا خخ

فكرته إن الزيت يتخلل الأنبوب اللي فيه المكونات الأساسية و يصير متشبع بالفايدة.. مدري إذا من جد هذا سره و لا لا


يا رب أكون أفدتكم.. و أشوفكم وقت ثاني
ويكند سعيد
()