Nov 17, 2015

My Real Color (Benefit Colored Liners & Mascaras)


السلام عليكم و رحمة الله..

كيف حالكم؟ 

يمكن تعرفون إني أحيانا أحب أغامر في المكياج لأنه بالنسبة لي شيء ممتع و مسلي و اعتبره فن من الفنون .. و ما يحتاج كل الجدية و القوانين اللي الناس تحطها.. كله مكياج يمسح و يغسل يا جماعة!!! يعني امرحوا و العبوا و حلقوا بالخيال برا إطار المكياج الطبيعي و الناعم اللي حصرنا نفسنا فيه..

فاليوم راح أكلمكم بإذن الله عن مجموعة بينفت الملونة اللي نزلوها برمضان تقريبا.. يمكن موضوعي متأخر بس كنت حابة أجربهم زين و أكتب لكم بالتفصيل..






في البداية أطلقوا بينفت قبل سنوات مسكرة They're Real السوداء و حبوها ناس كثير و من ضمنهم أنا لأنها تعطي كثافة حلوة للرموش.. بس مشكلتي معها هو صعوبة إزالتها.. أحس تركيبتها كأنها واتربروف ما تروح بسرعة..  

و السنة الماضية نزلوا منتج جديد تابع للمسكرة و هو كحل جل أسود اسمه They're Real Push-up Liner.. فيه ناس أعجبها الكحل و فيه ناس لا.. و كنت من ضمن المجموعة الثانية.. الكحل فكرته حلوة و سهههلللل مرة في الاستخدم لكن اعتراضي كان ع التركيبة.. بالنسبة لي أحسها ناشفة شوي و ما تمشي بسهولة ع العين و بالتالي تتكتل و يطلع شكل الكحل النهايي سيء مرة..

هالسنة نزلوا بينفت المسكرات و الأكحال الملونة و بصراحة ما تحمست كثير لأني ظنيت إن ألوان المسكرات بتكون غامقة مرة و إزالتها بتكون صعبة و الأكحال قلت أكيد بتكون ناشفة و ما تنرسم بسهولة ع العين.. لكن تفاجأت إن هالمشاكل كلها انحلت الحمدلله و بينفت فعلا اشتغلت و طورت هالمنتجين..

المجموعة عبارة عن مسكرتين باللون البني و الأزرق.. و أربع أكحال جل بالألوان البني و الكحلي و الزيتي و البنفسجي الغامق.. ما عندي فكرة عن الأسعار بس تقريبا الواحد منهم تكلفته ١٥٠ ريال..

عندي من هالمجموعة المسكرتين و الكحلين البني و الزيتي.. خلونا نشوف السواتشات و بعدين نكمل..



أول شيء جربته و تحمست له و أكثر شي حبيته هو المسكرة الزرقاء.. لونها واضح و منعش جدا و تغيير عن المعتاد.. جربتها مع آيلاينر بنفس اللون مع طلة برونزية و كثير سألوني عنها.. ممكن كمان لو ما عندكم آيلاينر أزرق تستخدمونها نفسها بفرشة رسم الآيلاينر و يصير عندكم منتجين في واحد!!

المسكرة البنية هي اللي تعبت فيها شوي لأني كل ما حطيتها تبان رموشي باهتة.. لكن بيم من الأيام استخدمتها بنفس طريقة المسكرة الزرقاء.. يعني حطيت آيلاينر بني و مسكرة بنية.. و طلعت الطلة حلوووة و داااافية لأن درجة المسكرة بني تشوكلت تقريبا.. و هذا الاستخدام الوحيد اللي أعجبني فيها..
و قبل فترة قابلت موظفة في سيفورا سألتها عن حواجبها الحلوة كيف رسمتها و قالت لي إنها تستخدم على الحواجب هالمسكرة بفرشة مشطوفة.. فيعني ممكن تجربونها للحواجب بعد لو تحبون و ممكن تسوونها آيلاينر بفرشة رسم و تصير ثلاث بواحد..

أما أكحال الجل حبييييتهم.. تركيبتهم كريمية مرة و معاك وقت ترسمين فيهم زين مو زي اللون الأسود ينشف بسرعة أثناء الاستخدام و يكتل!! 



و كل المنتجات في هالمجموعة ثباتهم ممتاز و مسحهم و إزالتهم أسهل بكثيييير من اللي قبل..


في النهاية:
 المنتجات هذي وصلتني من بينفت كهدية و هذا رايي الصريح فيها و راضية عنها تمام الرضا.. و لو خلصوا بارجع أشتري المسكرة الزرقاء أكيييييييييد لأنها مميزة.. الكحل البني كمان ممتار و أستهلك هاللون كثير..


و بس..
لا تنسوني من دعواتكم.. و ترى تعليقاتكم تحت الموضوع تسعدني و تشجعني أستمر فلا تبخلوا علي فيها بليييز

PEACE




6 comments

  1. بوست يجنن مثلك يا امل❤️❤️ حمستيني عالماسكرا الزرقا��

    ReplyDelete
    Replies
    1. يا زينك يا نوف و الله..🙈❤️دااااايم واقفة جنبي و تدعميني
      و فعلا المسكرة الزرقاء بططططلة
      طلي عليها بأقرب روحة للسوق 👏🏾💙

      Delete
  2. جميله الوانهم , انا اشوف المكياج يعكس الشخصيه
    في بنات ما يتجرؤون يطلعون بألوان

    <3 الماسكرا الزرقا تعطي لوك

    ReplyDelete
    Replies
    1. إيه معاك حق بس برضو ما يضر البنت تجرب و تطلع من الإطار اللي تعودت عليه..
      لأنه مو مثل قص الشعر أو الصبغة يخوفون خخ.. مكياج كله يروح و ينمسح فيستاهل المغامرة..

      و المسكرة الزرقاء تجنن و الله

      Delete
  3. انا مره ودي اجرب الايلاينر البنفسجي بس ماعندي جرأه ابببد , هل تتوقعين غيرو تركيبة الايلاينر الاسود بعد؟

    ReplyDelete
  4. Loved your post, keep going ❤️ ❤️ ❤️ you made me excited to try them out.

    xo

    ReplyDelete

© ●terter thinks● | All rights reserved.
BLOG TEMPLATE HANDCRAFTED BY pipdig