Flormar and The Body Shop haul

مرحبا.. كيف حالكم ..؟

طبعا خلص مشروع نو شوبنق و الحمدلله كثير وفرت فلوس و تعرفت على أشياء عندي ما استخدمتها كفاية.. و قررت إني أشتري بحكمة ههههههه

قبل كم يوم فلورمار الماركة التركية كانت مسوية خصم 70 مدري 75 في المية..

ع كل شي في المحل..!! كانت فرصة أجربها بحكم إنه البنات كثير يمدحونها و خصوصا المناكير.. حتى الأجنبيات طايحين في مناكيرهم..!! المهم سويت تويتة سريعة عن الخصم (تابعوني عشان تعرفون معلومات عن الخصومات أول بأول)

و دخلت المحل و زحممممممة.. اللحم في اللحم هههههه..

رحت في بالي ظلين أبيهم من فترة و خلاص

كانوا بـ 25 و صاروا بـ 8 ريال تقريبا..

يوم جيت عند الكاشير أشوف السلال حقت البنات مليانة مناكير..!!

سألت وحدة قلت المناكير صارت بكم..؟ قالت لي بـ 3..

أغمى علي شوي و قمت هههههههه.. رحت للمناكيرات و أخذت 5 ألوان

في الصورة المناكير من اليمين :

فوشي ع موف مرة جميل 445

أحمر غامق مرة مايل شوي ع عنابي 385

بني بلمعة وردية ع برتقالية 414

تركواز غامق لماع كثير سألوني عنه يوم حطيته 441

ذهبي على لمعة مشمشي أو فوشي 308 

أحسه أحسن فوق أي لون ثاني مو لحاله لأنه شفاف تقريبا

و الظلال مطفية اللي كنت أبيهم:

العلبة السوداء رقم 05 بيج مايل ع وردي

و العلبة البيضاء رقم 16 بيج مايل ع أصفر

مدري وش الفرق بينهم و ليش علبة سوداء و بيضاء..!! بس هم كلهم مطفية

و سعرهم مثل ما قلت 8 ريال بعد الخصم

بعدين قلوس من مجموعة Pretty

لونه نود بلمعة قوية مرة.. جربته مرة للحين فوق الروج و حبيت ثباته و لمعته

بعد الخصم بـ 9 ريال و مدري بكم كان قبل بس أكيد فوق 25 ريال

و شفت علبة البخاخ اللي ينشف المناكير بسرعة..

بعد الخصم بـ 16 ريال و حجمها كبييييير مثل علبة السبري حق الشعر..!!

جربته مرة مع مناكير شانيل و شكله بطل.. ريحته حلوة بعد خخ

بعدين رحت لذا بودي شوب.. لأني من شهر استخدمت منتجات شعر من بوتانكس

اللي تنباع في بوتس.. و طيحت شعري بشكل..!! مدري منها و لا وش

مع إن منتجات الوجه حقتهم بطلة مرة.. مدري وش اللي حصل بس قررت أرجع أشتري منتجات الشعر من ذا بودي شوب زي زمان و أشوف إذا المشكلة مستمرة راح أراجع دكتور ممكن فيه شي جواتي مو تمام :(

أخذت بلسم الموز حبيبي اللي تكلمت عنه هنا  و سعره 24 ريال

و خذيت هالشامبو للشعر الجاف.. قبل خذيت للشعر المصبوغ و عجبني بس قلت أجرب حق الشعر الجاف لعله يرطب شعري المسكين شوي.. و سعره 30 ريال تقريبا

آخر شيء خذيته من ذا بودي شوب هو قلم الزيت حق الأظافر سعره 45 ريال

وحدة في اليوتيوب تمدحه كثيييييير و سمعت بنات يمدحونه.. قلت أجربه و أشوف

آخر شيء مجموعة حلقان (أقراط - خرصان - تراكي) لأني مدمنة عليهم بصراحة

خذيت القلوب من فورإيفر21 بـ 19 ريال

و الباقيات من إكسيسورايز ..الصغير المدور بعد الخصم صاير بـ 27 ريال

و المربع الفضي بعد الخصم بـ 20

زي ما قلت لكم تابعوني ع تويتر @TaRaNeeM

أو ع إنستقرام @terter_thinks

عشان تعرفون عن الخصومات و المنتجات الجديدة

و صور سواتشات و مشتروات و شوي شغلات ثانية خخ

و بس