e.l.f. Studio SPF 45 Sunscreen UVA/UVB Protection

سلام عليكم

لأن الصيف جاء و الشمس ولعت و صار لازم علينا نستخدم كل منتج ممكن يحمي بشرتنا من أشعة الشمس.. و لأن كثير بنات يبوني أتكلم عن منتجات إيلف اللي حبيتهم.. راح أقول لكم اليوم عن هذه البودرة و هي من مجموعة الأستويو من إيلف و سعرها 6 دولار..

مرات ممكن تستخدمون أكواد الخصم و تصير بـ 3 دولار..

فيها فلاتر حماية من الشمس و مكتوب فيها خلاصة الصبار و خلاصة بذور العنب و تجي لون واحد شفاف يلائم كل البشرات.. يعني ما فيها تغطية .. و بالنسبة لي و لأختي هالبودرة جدددا عجيبة..!! خفيفة ع الوجه بشكل

ممكن تستخدمينها لحالها مثل الواقي.. أو فوق الأساس تثبته
ما تتكتل و لا تتشقق و تعطي لوك ناعم satin للبشرة

أحطها بكابوكي من إيلف برضو.. أهم شي ما تكثرون منها..!!
إذا كثرتوا تعطي لون رمادي خفيف.. يعني انتبهوا
و ممكن تاخذونها معاكم إذا بشرتك دهنية و محتاجة تحطين بودرة بين فترة و الثانية
يجي معها زي القطنة أو بف.. أنا ما أستخدمها حقيقة بس حاطتها عشان ما تطلع البودرة من الفتحات و تنحاس بكل مكان..

نشوف الصور..؟

العلبة محيوسة شوي من كثر الاستخدام خخ

أتمنى يكون هالبوست الصوغنن فادكم..

و هذي مجموعة بوستات سويتها لمنتجات من ماركة إيلف :
ظلال المينيرال من إيلف
بلشرات إيلف من مجموعة الأستوديو
برونزرات من ضمنها منتجين من إيلف
قلم محدد لتثبيت الروج من إيلف


و خبروني وش حابين تعرفون من منتجات إيلف .. إذا كانوا عندي راح أتكلم عنهم هنا و إذا مو عندي راح أبحث لكم عنها و أعطيكم روابط تفيدكم.. أفكر المرة الجاية أكتب عن الفرش حقتهم.. وش رايكم؟

peace